Der "Wer ist Österreicher"-Thread - winntetsch quasi und rundumadum ogstaubt

[Ginseng]

jo ma isch imma wieder dankbar, wann de aktionen halbwegs leischtbar vorbeigeht. wobei mi de anbot eh zusehends überfordert. es olta hoit

 

[Borkenkaefer]

haha, joa. expanse hob i jetztn in original fertig gschaut, scho a supa Serie. owa leida komplett offen. und gruselig.

wia host da mit hell on wheels und black sails bis jetztn do?

 

[Ginseng]

jo, der cliffhanger isch ziemlich gemein, weu jetzat dad i scho gern wissn, wias weitageht.

de hon i ma leider no ned andaschaugt, i wor grod a poor tog wieda in de heimatlichn berg. owa i hoff aufs wochnend.

 

[Borkenkaefer]

Guada Plan, des Wochenend ko ma gratis beim neichn BlackOps einischpün. Des werd i mochn und vielleicht leg i ma nur den Multiplayerteil zua. Hot mit 15Euro an fairen Preis. Da SP hot mi bei de CoD eh nia interessiert.

 

[Ginseng]

und hots di übazeigt?

geh bei die usa woas i a nitta, ob i ma popcorn holn oder eher es geld für an nuklearbunka sporn soi.

 

[Borkenkaefer]

joa, hob ma nur den multiplayer kauft. is ja wiedamal ganz nett so a oschiaßspü.

@usa: manst zweng de wohln?

 

[Ginseng]

jo, de wohln.

@schiaßspü: i schias jo a gonz gern, owa i hon scho länger eingsechn, dass i ned der ideale spielertyp dafia bin - i mog amoi stehn, donn zieln, donn druckn, ned hupfn, schmeißn, hupfn, duckn, hupfn, und nochand wieda hupfn.

 

[Borkenkaefer]

@schiaßspü: haha, so geht's mir a. i bin a imma da schlechteste und letzte in da listn. owa wenn i amoi an triff, donn gfrei i mi dafia umso mehr

@usawohln: da oberclown trump wird's eh ned, genauso weng wia da lugner president wird. so gseng, konnst ruhig es popkorn holn.

 

[Ginseng]

jetzat geht ma owa nochand es popcorn aus, so wias zuageht. owa kärntn komma woi jetzat büllig kaffn (oda kaaaafn, wia de do untn sogn).

 

[Borkenkaefer]

Des mitn kärntn hob i ma a scho docht, owa wos mochst mit sovü Sonnenonbeter? Obwoi, ma kenntats guad ois Versuchsobjekt braucha und durt des BGE einführn, eventuell wird ois gscheida und weniger neidiger.
Ajo und donn a nu des Gros endlich legalisiern, damit Restösterreich siacht, dass do wos hüft.

 

[Ginseng]

jo, zmindescht amoi probiern mitm bge warads wert, weil irgendwie stehn mir vor ana wond und kemmen nimma gscheit weiter. owa bevor des passiert muas wohl no vü passiern.

oiso samma hoit daweil mainstream und holn uns de grippe (i tua lei subtil jammmern).

 

[Borkenkaefer]

nageh, hots di dawischt. i bin do auf da glicklichn seitn, mei letzte Verkühlung woa im sommer. Kennt i jetztn a gonz weng braucha, derf i do hin und wieder bewerbungsgspräche besuchn.

i bin jo scho gsponnt auf des Ergebnis vo da Bp wohl. Voroim ob se donn bei de "großn" partein wos tuat.

 

[Ginseng]

soda, jetzt gehts wieda aufwärts. isch wos interessants a dabei, oder ischs zach?

jo de woi kunnt gonz luschtig werdn, owa i trau ma daweil amoi koa prognosn zua.

 

[Borkenkaefer]

scho interessant, nu bewerb i mi bei Jobs, de i mochn mecht (soweit ma des vo de onzeign sogn ko) owa zach is a, wegn da Unsicherheit, obs an zu an zweiten Gespräch einlodn, und so. Najo, moi schaun. Des schlimmste wos passiern ko is, das i an Job kriag und donn de Orbeitslosn valia

da misik hot gmant, wenns der vo de rotn oda (und) schworzn ned wird, san neuwohln wahrscheinlich. hot se gonz schlüssig oghert, wos a do letztn sonntog gmant hot.

edit: sche dasd wieda gsund bist!

 

[Ginseng]

wonn sonsch nix passiert, des pocksch a no - owa denk i ma schu, dass des herwortn a miasam sein muas. owa wead scho werden.

i vasteh scho sein gedonkn, owa kunns ma no ned wirklich vorstelln, owa i denk wohl imma no zu logisch. i brauch daweil jo kane neiwohln.

donkschian, es geht wieda guat - owa an gscheidn grant hon i wegn brüssl, es gehn oam scho de wort aus für de trottln.

 

[Borkenkaefer]

Jo, des is echt oarsch wegn Brüssl. Vorollem, weil imma wieda so egoistische Voitrottln ind Luft gengan. Es is zum speibn.

Neiwohln brauch i a ka und des ned, weil i find das de jetztign so guad Orbeitn, sondern weil ois ondere nur vü schlimma warad. Da Kurz und de Mikl san jo jetztn scho da Orban light, noch neiwohln gibt's donn kann unterschied mehr.

 

[Ginseng]

ma kriagt scho an rechtn ausschlog bei denen, und jetzat torklns de gonze zeit ummanonda. mia hot jo gfoin, doss irgendwer gmoant hot, da basti isch eha ned so da handwerksbua sondern mehr der mundwerksbua. und zur hanni konnsch eh nix sogn, es vokabular vasogt.

 

[Borkenkaefer]

Jo, de zwa san echt so ziemlich des letzte. Basti und Hanni, die Schrecken der Menschlichkeit. Des is amoi a guada Fümtitel, nur leida ohne Happy end (derweil). MMn noch zagn de zwa und der gonze ondere rechte Dreck wie extrem eigentli de Sozialn versogt hom. De san so weichgspült und ohne nur an Onsotz vo Eia, das da gonze Obschaum ohne Hindernis wochsn ko.

 

[Ginseng]

jetzat hon i de ganze wochn nachdacht, owa mir fallt oanfoch koa aprilscherz ein. tragisch.

 

[Borkenkaefer]

a siagst, der is a wieda do. Schen. und na, mir foit a nix ei.