Der "Wer ist Österreicher"-Thread - winntetsch quasi und rundumadum ogstaubt

[Borkenkaefer]

Is jo guat, dass endli amoi besser wordn san. Owa wia du sogst, do wird's nu vü tränen gebn.

I tua jetzt a scho eihatzn. des wird wieda teia werdn.

 

[Ginseng]

mit wos hoatsch denn? wenn heute und österreich mehr gehalt hättn, dann gabads jo alternativn.

mei jetzat hot mi die starwars-vorfreud a dawischt, der trailer schaugat amal ned schlecht aus.

 

[Borkenkaefer]

Mit Gas! @starwars: spü oda füm?
Gesten hob i a mei Winterjackn endlich in de ,Putzerei brocht. mit impregniern 15,50 schreckt mi ned.

 

[Ginseng]

fülm, konkret da trailer, der jetzat do isch. i hoff, des san ned die bestn zwoa minutn vom füm.

@jackn, des isch gscheit, de idee klau i da vielleicht.

 

[Borkenkaefer]

Jo, do bin i a nur drauf kumma, weil mei mutta, wias es erste (und bis jetzt letzte moi) im April mi besucht hot, gmant hot: de jackn is dreckig, de muasst in de Putzerei bringa

*Trailer glei mal anschau*

edit: ah jo, der schaut gscheit lässig aus.

 

[Ginseng]

ah, de miata ham scho allaweil gscheide ideen

ja hoffma amal, warad scho gmiatlich, wann der film wos wird

 

[Borkenkaefer]

Jo, i brauch hoit a poa Monat bis is umsetz.

Host du Urlaub oder bist goa kronk? Wenn i so neigierig frogn derf, weil normalerweis bist um de zeit ned om spün.

 

[Ginseng]

a poor monat san eh a guater schnitt, so sachn miasn a guat überlegt sein.

weder no, i tua lei a bissl home officn, weil die heizung hinich isch, und da gibs halt de eine oder andere ablenkung

 

[Borkenkaefer]

Ah, des is praktisch. Homeoffice darat mir a gfoin. Scho alane wegen de 100 Minuten fohrtzeit pro dienst.

 

[Ginseng]

ja da geht vü zeit drauf, vü kürzer bin i blederweis a ned am weg. fahrsch mit de öffis oder privat?

und hosch en nationalfeiertag inklusive hbp-red guat verbrocht?

 

[Borkenkaefer]

I fahr öffi. Mitn Auto hätt i zwoa nur 40 Minuten hi und zruck, owa dafia a poa Tausnda weniger. Und i glab des steht ned dafia.

Da nationalfeiertog woa ma egal, weil i de restliche Wochn a Urlaub hob. Owa i bin zum Westbohnhof spaziert und hob de Trafikfrau besucht, de on so an Tog a hackln muass.

 

[Ginseng]

do hosch völlig recht, und denk allanig an de umwelt. scho gscheit so.

schians programm, machsch des morgn a wieder? wobei, sonntag und feiertag isch irgendwie a komische kombi.

clicker heroes bleibt a bissl a virus, ha?

 

[Borkenkaefer]

Stimmt, wegen dem Sonntog und Feiatog. Und desmoi hob i gestern scho vorgsorgt. Owa i muass zuagebn, i kumm auffällig oft on Sunn/Feiatogn drauf das i kann Tabak mehr hob. Owa weil i meist zfuaß zum Bohnhof geh, gfrei i mi über de 50min Auslauf.

Und wegn an Virus, do hob i mi nu goa ned zum wehrn probiert. I glaub do bin i sowieso tschwoch, do bleib i glei dabei

 

[Ginseng]

eh gscheit, i bin eh a eher a schwächlicha - oamal kurz über heroes 7 gredt, und scho wieder heroes 6 angfangen

 

[Borkenkaefer]

Ah de Serie hob i a nia gspielt.

Om Montog homs mi überroscht, kumm i in de Orbeit, sogt ma glott da Chef, das mi noch 10 Johr bei A1 jetzt zua leasingfirma zruckschicken. Weil er muass an aussehaun und do nimmt a hoit mi. I bin da längste leasingmitarbeiter bei uns gwesn, nur 2 interne warn länger dabei und donn sowos.

 

[Ginseng]

na geh deppat, follt eam nix gscheiders ein? weasch nachernd wieder wo ondas einigschickt?

 

[Borkenkaefer]

Moi schaun, de wochn triff i mi mit da Leasingfirmafrau. Schau ma moi wos sogt.

 

[Ginseng]

nochand druck i de daumen, doss sie wos gscheits und em bk angmessens vorschlagt - wonn referenzn brauchsch, schicksch sie grad eina da

 

[Borkenkaefer]

Haha, jo des is a Idee. I woa heit bei Ihr, hom dans nix, owa sie suacht soboid i ihr mein neichn Lebenslauf gschickt hob. Sunst bin i nu 3 Monat bei da leasingfirma ogstöd, weil i scho über 10 Johr Mitglied bin. Nur is hoit a der Gehoit vo denen vü weniger als der den i bei a1 kriagt hob.

 

[Ginseng]

des isch a rechter kas, toitoitoi, dass boid wos gscheits kimmt. hosch präferenzn?