Der "Wer ist Österreicher"-Thread - winntetsch quasi und rundumadum ogstaubt

[Borkenkaefer]

Nochdem i 10 Johr leit bei ernare Pc/Handy Probleme ghoifn hob, denk i amoi, das i in der Richtung bleibn wird. So a Helpdesk (oda servicedesk wias a monchmoi hast), oiso wo ma de Kollegen in ana Firma bei PC Probleme unterstützt, würd ma zuasogn.

 

[Ginseng]

so frei noch da it crowd, have you tried turning it off and on again

 

[Borkenkaefer]

Jo genau. wobei, grod bei de Handys glaubn jo vü, das wenn da büdschiam schworz is, das as ausgschoitn hom

 

[Ginseng]

bisch eigentlich serienmäßig engagiert daweil? i bin grod mit da neichn fargo-staffl sehr zfriedn.

 

[Borkenkaefer]

Des bin i imma. Vo Fargo hob i gestern de dritte Folge gschaut, wirkli wieda guat gmocht.
Sonst läuft bei mir noch de neue Homeland staffel (wieda sehr sponnend), heroes reborn (i war scho a fan vom originalen heroes und de is nachn selbn muster) Gotham (überraschend gute schauspieler/rollen) Marvels Jessica Jones (vo netflix, a bissl wia daredevil nur viel finsterer und mmn nu bessa)

Um a paar aufzuzählen

 

[Ginseng]

ah, i hon doch gwusst, dass do wos schlummat

in jessica jones hon i am wochnend a bissl zeit investiert, gfollt ma sehr guat, daredevil hot ma a scho taugt - üwahaupt find i des recht gmiatlich von netflix, des so hero-weise a bissl aufzuarbeitn, hoffma amal, dass se long gnuat am markt sein, dass a gemeinsame staffl a no machn.

heroes reborn konn wos? i hon die erschte staffl von heroes extrem guat gfundn, nochand hots owa in meine augn a schnö sehr nochlossn. gotham muas i erscht amoi schaugn, homeland isch ma die carrie irgendwonn in staffl drei so aufn zoaga gongen, dass i des nimma pockt hon (a wonns zu ihrer rolle ghört, naaaaaaaaaa ).

auf wos i mi no gfrei isch ash vs. evil dead, de hot jetzat a ongfongen, hob i owa no ned einigschaugt.

 

[Borkenkaefer]

oiso i hob ma bei heroes olle staffeln ogschaut, i find des hot se a auszoiht. Jo monchmoi losts a wengal noch, owa in summe a großortige gschicht. Do würd i owa Reborn don a auslossn, weils hoit wirkli nahtlos weidageht. und sunst hoit an haufn Hintergrund Infos föhn.

Des mit da Carrie und Homeland hom vü gsogt und i konns a nochvoiziagn. I hob üwa ihr oart zugunstn der gschicht hinweggseng. Und de Gschicht, bleibt in jeder Staffel sausponnend. Do denkst da, wia woins de nexte Staffl nu sponnend Mocha und zack zauberns wida wos ausn huat, wos so aktuell und oarg is, das a freid is.

Vo ash vs evil dead hob i nu nia wos ghert, owa grod notiert.

Ajo und de zweite staffl vo true detectives is a wieda oarg genial wordn.

 

[Ginseng]

guat, donkschian fia den reborn-hinweis. true detective woa scho supa, de erste staffl hot ma owa dechtasch a eck no mehr gfoin.

ajo, jetzat hon i mi zu win10 hinreißn lossn, geht amoi tadllos soweit. positiv üwaroscht.

 

[Borkenkaefer]

Ah, sehr guat das do herin a Versuchskaninchen is. I hob mi bis jetzt nu ned traut.

Mir hot bei TrueDetective des End vo da zweiten mehr gfoin. Sunst find i owa a das de erste mehr Atmosphäre hot.

izombie find i a ganz witzig für zwischendurch.

blindspot hot gonz guad ogfonga, is owa donn leida nur Standardkost.

 

[Ungust]

Haha I packs net.

Da bini grad beim browser bookmarks aufräumen und siag "Diablo2.de Off Topic Forum". Dann schau I aus Jux eini und wos siagi - da Österreicher Thread an erster Stelle!

Na donn postma hoit wieder was, nach gefühlten 10 Jahren . Lustig woa des scho immer do herin, und schee dass da Ginseng und da Borkenkaefer immer no do san!

 

[Borkenkaefer]

Haha, da Ungust. Jo gibt's di a nu.
Schen dasd wieda amoi einaschaust, do hom se deine Bookmarks owa eh long ghoidn

Wos tuat se bei dir so?

btw Serien: schauts eich ned the strain o.

 

[Ginseng]

jo fliag o, da ungust - ja so a freid. wie gehts da denn?

edit: spüsch eh a clicker heroes?

@bk guat, donn schaug i nit amoi, wos des üwahaupt gwesn warad

 

[Borkenkaefer]

Haha, Ash vs evil dead is ziemlich lässig. i bin zwar ka Horror und komodien freind, owa de Serie rockt.

the strain, mocht a auf Horror. owa mit so schlechtn rollen/schauspielern das zum fiachtn is

 

[Ginseng]

supa - ash isch halt schian, weils so drüber isch. jetzat woas i gor nitta, ob i des scho gfrogt hon, owa kennsch nochand die fülmelen a nitta? de waradn a zum empfehln, bsundas army of darkness hot mi ollaweil glücklich gmocht.

apropos fiachtn, i glab mia hom en ungust daschreckt. zvü liebe auf amoi.

 

[Borkenkaefer]

Na, de Füm kenn i a ned. weil i, wia gsogt, ka Horror fan bin.

@ungust: mei, jedesmoi wenn wer einaschaut is a donn glei wieder weg und kummt nie wieder. Irgendwos stimmt mit uns ned

 

[Ginseng]

i pock des horrorzeigsl a nitta, weil da fiacht i mi glei. owa bei de fülme isch scho gangen.

moansch scho, mia solln en fehler bei ins suachn?

 

[Borkenkaefer]

Najo, es is jo do herin wirkli kana aussa wir zwa. Und jeds moi wenn oana einaschaut, griaßt a, siacht uns und kummt nia wieda.
Entweda wia san soo schiach oda wia redn so graußli, dass bei uns kanna aushoit.

 

[Ungust]

Ha, jetzt hätti glatt scho wieder vagessen do einischauen! aber hoit nua fost.

danke der nachfrage, es duat si vü, wo si a an meiner postfrequenz segn lost . Ois kurzzusammenfassung da letzten jahre (wüvü woa des jetzt eigtl?):
- de zugemutete is jetzt de angetraute, stammhalter hobi a scho
- des studieren hobi noch 10ten joa aus irgendam grund aufgegeben, immerhin is si a doktor ausgangen, owa den verwendi eigtl nur wenni mi bei da telekom oder wien energie bei da hotline beschweren wü .
- weu des studienende a gewisses zeitvakuum hinterlassen hot, programmier i jetzt computerspiele - klingt komisch, is owa so. und nebenbei duari studenten ärgern auf da FH - de woin immerhin a lernen wie ma computerspiele programmiert.

und wie gehts eich? aufgrund der letzten seiten hoffi dass es a stressfreies leben führts, dem leistungswahnsinn entsagts und immer no D2 spüts .

 

[Ginseng]

jo des isch amoi a gscheids update, nochand gz zua oll de errungenschoftn, des klingt eh supa. hosch an bam a scho pflonzt? wos mochschn fia spüle? beschte empfehlungen an de zuagmutete, i moan angetraute

so vü hot si bei mir in oll de johr (i woas a ned, wüvü es san) eh ned tan, i hon mi üwa die donau aussibewegt und fia a beschaulichs lebn an ana weit entferntn ubahnstation. orbeitn tua i imma no es gleiche, a wonns sich a bissl erweitert hot, ma wiad hoit älter (siehe beschaulichs lebn).

edit: a so, esch wichtigste, i tua tatsächlich ob und on wida a büssl d3 spün, lauft daweil gonz guat. owa, i muas eh ned sagn, fria wor ois bessa.

 

[Borkenkaefer]

Des lest se jo wia a Drehbuach vo an Hollewud Füm. Gratuliere! Wos fia Spüle des san darad mi a interessiern. Und ko ma damit Göd verdiena?

Bei mia hot se a wos to. A wengal wia des Gegenteil vo dir. Mei Beziehung is noch 14 Johr durchgspüd gwesn. In da Orbeit homs glaubt sie brauchn mi noch 10 Johr nimma und kumman ohne mi szrecht. Und bei beidn is nu nix noch kumma.
Sozusogn entzog i dem leistungswahnsinn komplett

d3 hob i nu vorm addon aufghert und d2 nimma ogfonga. stottdessn bin i on clickerheroes erkronkt