Der - mittlerweile nichtmehr ganz so neue - "Wer ist Österreicher"-Thread (Part III)

[AgainstAuthoriy]

Doch i bin do drauf, oda hob i jetzt wos net vastaundn?!? ^^

Stimmt scho, oba des Spü hot a hohes Suchpotential und monche Leit kennan damit net umgeh.

 

[Borkenkaefer]

Tipp: I bin net sehr fotogen. ^^

Des is kana vo dem Büdl

Jo, des spü is afoch super, drum spielns so viele.
Und wia du scho richtig sogst, AA, de Leit kennan ned mitn spü umgeh. Und ned umgekehrt.
Des gonze führt donn dazua das de Leit a Spü hossn und noch Zensur, Satanswerk und wos was i nu ois schrein. Nur weng a poa Kaspaln de afoch unfähig san.

 

[Ungust]

Oida sch**sse (man verzeihe mir den Kraftausdruck, bitte net zensieren), jetzad hobi do harin owa long nix mehr gepostet

Aus de letzten poa Seitn postings schliess i amoi es gibt no a poa leit do harin de mi kennan.
Ginseng, hob grod dei pm vo voa am joa gseng, oje duat lad dossi so long net nochgschaut hob .

Hm wos soiti sogn, wia kummts dossi so long nix mea do einigschriebm hob? I glaub des woa so:
Mia is amoi an Tog nix eingfoin, und a stress woa a, do hobi ma docht schreibst hoit moagn wieda wos eini. Najo, am nächstn Tog is a nix eingfoin, und so hobi de nächste Nochricht auf üwamoagn verschoben.
Aus üwamoagn wiad üwaüwamoagn.
Aus üwaüwamoagn wiad nächste Wochn.
Aus nächste Wochn wiad nächstn Monat.
Und aus dem wiad "jetz muasi owa wiakli wieda amoi einischreibm" .

Najo, seis drum, noch dem hots a noamoi a poa Monat dauat wo si nix don hot und mia nix eingfoin is - klingt komisch doss am anahoib joa nix eifoit owa womma ma persönlich kennt wiads scho glaubwürdiga .
Und heit, aus wos a imma fia am grund, hobi ma docht jetz schreibi des eina, moi schaun ob no leit dosan de i kenn. Wonns so is und i mi zomreiss kunnts jo amoi wieda so wern dossi öftas ois olle anahoib joa do vorbeischau. insofern hoffi i ko en inneren schweinehund überwindn.

Um allfälligen frogn vorzubeugen:
Jo i studia imma no
Jo i hob no imma longe hoa
Jo i spü imma no nimma d2
Jo de zuagmutete gibts no - letzts monat samma zomzogn .

Des is so des meiste wos ma grod eifoit. Jetz gehi gach wieda Programmierbeispiele mochn, bis nochad.

Da ungust in person

 

[Ungust]

Hm Mumie - hobi net amoi an Goassbock ghobt?

Najo egal, i fiacht i hob en überblick üwa des avatar system verloren .

edit: und: haha doppelpost

 

[AgainstAuthoriy]

Pöse! Pöse!

Dos ma des nimma vuakummt.

Na wenigstens host net gaunz auf uns vagessn. ^^

 

[Ginseng]

jo ungust

wos soi i sogn, je spata es posting desto liaba de gäste

ma mi beruhigt des jo so, doss deine hoor ollaweil no long san, des hat mi jetzat scho arg verunsichert - und zsammzogn mit da zuagmuteten, i schmeiß mi weg - beste grüße an de dame

nochand hoff i, dossd dein schweinehund in zaum hoitn konnst


und quasi ot, zu wow: i waas ned, ob des scho uralt isch, owa mir hots grod a freind gschickt, und i hon recht lochn miasn: http://www.youtube.com/watch?v=TBBbM2iFQ1g

 

[Ungust]

Na bitte noch am Tog schreibi scho wieda wos eini - my posting-duachschnitt is stoak am steigen .

zu dea southpark foige:
ois (noch immer) wow spieler is des jo scho fast entlarvend haha - obwoi i zum glück no net goonz so ausschau wie dea "ohne lebm". Obwoi oag is scho, a freind vo mir hot ma noch dea foige dazöht bei eana liegt de wow anleitung a am klo .

 

[SJB_Damo]

I hob de fuig vurige Wochn augschaut und i muass sogn das i ma des scho vurstöhn kau dass ba maunche so ogeht.

Da Bua von an Bekaunntn vo mia is auf jedn voi so a typ.

D'Ehre da
Damo

 

[AgainstAuthoriy]

Servas!

I fong jetzt au nebei bei an Tierorzt zum orbeitn - i woit ja eigentlich Vet. Med. studiern.
Erster Tog und noch net amoi 1 Stund, haum ma scho an Hund eischläfern müssn.
Do ane von unsere Kotzn a erst kürzlich mit 5 Johr eigschläfert hod werdn müssn, kumman Erinnerungen hoch. :/

 

[Ginseng]

morgn

Na bitte noch am Tog schreibi scho wieda wos eini - my posting-duachschnitt is stoak am steigen .

des isch so wie bei am alkoholiker, der trockn war - zersch lei oa rumkugl, und nachernd wida stündlich a flascherl


@aa: des isch a guata einstond - owa i konn bei der gelegenheit glei frogn, wos i scho imma wissn woid: wos tuats es mit de totn viecha?

 

[Ungust]

des isch so wie bei am alkoholiker, der trockn war - zersch lei oa rumkugl, und nachernd wida stündlich a flascherl

Schauma amoi, wonni onfong dossi stündlich wos einaschreib waasi doss mi dawischt hot .

@tote viecher: gibts do net so a eigene organisation fia des, de tierkörperverwertung?

 

[AgainstAuthoriy]

@aa: des isch a guata einstond - owa i konn bei der gelegenheit glei frogn, wos i scho imma wissn woid: wos tuats es mit de totn viecha?

Oiso bei uns (mei Family ^^) isses so, doss ma imma die Viecha mitnehma und söba vagrobn - aba es hot hoit net jeder an Grund dafür.

Bei dem Orzt is so, doss die de Viecha sofort eigfriern und in bestimmtn Zeiträumen zur Vet. Med. Uni bringen. Die brauchen immer wöche.

Und sunst denk i a, doss do a eigene Tierverwertung gibt.

 

[Ungust]

Oiso bei uns (mei Family ^^) isses so, doss ma imma die Viecha mitnehma und söba vagrobn - aba es hot hoit net jeder an Grund dafür.

Man verzeihe mir den schlechten scherz, owa des haast es hobts buchstäblich en friedhof der kuscheltiere daham .
I hob net wiedastehn kenna .

 

[Ginseng]

bis zur tierkörperverwertung wars ma eh klor, owa wos verwertn de do wia?

i hob jo meine hinichn aquariumfisch imma in am blumenkistl vagrobn, bis de ameisn nachernd über die wohnung hergfalln san

@ungust:

 

[AgainstAuthoriy]

De "zerfleddern" die Leichn daunn meist so extrem, doss das a scho in Restmüll hauen kaunnst - zumindest isses bei die Humanmediziner so (laut meina Schwesta, die des studiert), de Viechadoktor werdn net aundas sei.

@Ungust: Wie hobens eh (fost) olle nebeneinoder begrobn...

 

[Bauernfänger(293027)]

numal zur Erinnerung:

HEUTE

ajo, und schauts amol auf puls tv "city life" Montag-Freitag, immer 5 vor Halb, ab 18:25

[/werbung]

Markus, mia sehn uns hoffentlich (i ohne Haar')

 

[Ungust]

De "zerfleddern" die Leichn daunn meist so extrem, doss das a scho in Restmüll hauen kaunnst - zumindest isses bei die Humanmediziner so (laut meina Schwesta, die des studiert), de Viechadoktor werdn net aundas sei.

Konni bestätigen, a freind der medizin studiert hot mi amoi zu am sezierkurs einglodn - wos do üwableibt schaut wiakli nimma vü noch mensch aus.
Olladings muasi scho sogn de üwareste muasi a net am obnd in da Mülltonne segn wonni mein mist weghau .

 

[AgainstAuthoriy]

2 Tog beim Tierorzt - oiso es sand jo nur 3 Stundn.

2 Kotzn eischläfern miassn... irgendwie hab i ka Glück!?

 

[Borkenkaefer]

des liegt ned on dia AA, sondan daro, das söbst 9 lebm amoi vorbei san.
hoff i zu mindest

btw: griaß de ungust, sche dasd wieda zu uns gherst

 

[Ginseng]

morgn,

@aa: du bisch ja der kloana todesengel der fauna - owa des werd scho besser werdn, ma gwöhnt sich an ois

@sezierkurs: also i mechat jo kaam zu nohe tretn, owa de medizina ham scho an eigenen humor. wenns in innschbruck mit der vorderseitn von ana leichn fertig worn, de leichn umdreht, und dazua es leich-wend-feschtl gfeiert