Der - mittlerweile nichtmehr ganz so neue - "Wer ist Österreicher"-Thread (Part III)

[Borkenkaefer]

warad a hoib so wüd. i hob a einzelkindkindheit hinta mir, do is ma des allane sei gwohnt.

 

[Ginseng]

ma schätzts sogor dad i sogn, zumindescht manchmal. häufig. oft.

 

[Borkenkaefer]

Hehe, joa. Soooo. i geh wieda Farcry spün. A richtig lässigs suchtl spü.

 

[Estragon47]

na eh - oba ned silvesta oda???
da alla rumgammeln kaun deng i moi weng...

 

[Borkenkaefer]

Najo, Silvösta is a ned so bsundas toll. Aussa das nu mehr Deppn untawegs san, desmoi sogor inklusive mir . Ajo und ständig krochts irgendwo. Des hob i on an normaln Furtgehobnd ned und geht ma a ned o.

 

[Estragon47]

wea sogt das ma untawegs sei muas? aba mit freind wos mochn is doch scho nett?

 

[Ginseng]

jo, des isch nett. bleigießn war supa, a wann die erinnerung a bissl vaschwimmt.

 

[Borkenkaefer]

Jo, des konn scho nett sei.

 

[Estragon47]

welche Erinnerung?

 

[Borkenkaefer]

Hmm, grod glesn das de Schuldnerberatung noch Weihnochtn wieder vermehrt zulauf hot.
Glaub ned das des on de Geschenke liegt, sondern eher an de guadn Neujohrsvorsätze

 

[Estragon47]

worscheinlich

geil woa a di aussog vo wegen de jungen vaschuidn si am meistn zua Weihnochtszeit...
30% aller Schuldner san unter 30...

des is afoch a beschissene Aussage in meine Augen...

Spoiler

i moa scho kloa dass Kinda da eig raus foin...

oba wenn ma jetzt moi olle unta 15 streichn... dann san 30% olla vaschuidetn zwischen 16 und 30
des hast 2% der vaschuideten sand 16, 2 17, 2 18,... usw...

bleim nu 70% über für 45 Joa, wenn ma sogt dass die leid im Schnitt 75 werden - jo vo mia aus a a bissal öda - aba is ja nur ungefähr und ned so genau - des hast das 1,56% olla leid die si vaschuidn 31, 1,56 32,... sand...
wos jetzt in meine Augen a ned sooo da Untaschied is...

 

[Borkenkaefer]

Gonz konn i da ned foign. Weil vielleicht nehmans jo des meiste Göd auf.

 

[Ginseng]

i dad des jo weniger ois vorwurf verstehn, sondern mehr so, dass es hoit deppat bis bled isch, wannd scho jung gscheit verschuldet bisch, während früher vielleicht eher des erscht nachernd mit wohnung/haus, kinder (dann isch eh alls vorbei) etc. kemmen isch - owa scho klar, dass des hoit de schlagzeiln isch und ned "70 prozent der schuldner san über 30"

 

[Estragon47]

jo eh kloa - owa trotzdem a deppade aussog iwie...

 

[Borkenkaefer]

Zum liken hot a Zeit, da YoungPhoenix. Zum postn scheinbor ned. *mitnzeigefingerwink*

 

[Ginseng]

jaja, de fratznbuach-generation

 

[Borkenkaefer]

Jetzt is boid soweit und es entscheidet se. Los ma ois so wias is oda diskutiern ma so long drüba wos ma ondas mochn bis se kana mehr on de HeerWahl erinnert.

 

[Ginseng]

i bin jo imma a strenga vafechta davon, dass ois so bleib, wies imma wohr. isch no seltn was bessers nochkemmen.

ok, ssds, aber sonsch praktisch nix.

 

[YoungPhoenix]

Ois soll so bleiben, wias net is!

 

[Borkenkaefer]

Joa, bei de ssds host recht. Und bei da politik meist a
I werd trotzdem okreizln das onders wird. De Wehrpflicht is afoch unnädig.