Der - mittlerweile nichtmehr ganz so neue - "Wer ist Österreicher"-Thread (Part III)

[Estragon47]

ned in Marvel: Heroes

na hob grod in ersten sotz glesen, daun mein post, wiada dein sotz... denk ma nur wtf... najo - da 2. Sotz hod daun enorm weida ghoifn

also na - woa i ned hahaha

 

[Borkenkaefer]

Hmm, na wennst as du ned worst, was I a ned. Noch dem an omniösen Besuch hob I den a nie mehr gsehn. Naja, egal.

Und nochdem do herin ka entscheidungshüfe kuma is hob I ma xcom addon doch ned vorbstellt. Werds hoit zu irgend an obverkauf erwerben.

 

[Ginseng]

jo sogsch nochand, wies isch bk bittschen.

i hon gestan es neiche mortal kombat günschtiga krieg und bin jetzat sehr glücklich.

 

[Borkenkaefer]

Moch I, owa bis dohi dauerts sicha nu bis weihnochtn. A nimma so long, wenn mas genau nimmt.

 

[Borkenkaefer]

So, a klans update zur Woschmaschin:

I hobs jetztn söwa hergricht. De Laugenpumpn wor hin. I hobs ausbaut, zerlegt und putzt. Jetzt rennts wieda und I hob ma a neiche Woschmaschin oda zumindest den Hondwerker gsport.

 

[Ginseng]

wow, jetzat bin i schwar beeindruckt bk - und in vasuchuch, mei laugnpumpn hin zum machn, damit wos zum tuan hasch bausch da a zwoats standbein auf?

bei der gelegenheit, wann da jetzat fad isch, desktop dungeons isch luschtig

 

[Borkenkaefer]

Wor söwa sehr überroscht das es dann funktioniert hot, nochdem wos I gmocht hob. Wenn ma des es erste moi mocht, is ma sie jo nie sicher ob de Woschmachin nochn zsamm bauen a wieder funktioniert und dicht is.

Jetztad ärger I mi nur a wengal das I ma glei an neichn Gschirrspüler kaft hob. Zumindest s herrichtn hätt I söwa probiern kenna.


Wenn des desktop dungeon a browser spü war, darats I sufurt in da hockn spun

 

[Ginseng]

im sinne des bruttoinlandsprodukts isches glab i guat, dass des ned im browser lafft

 

[Borkenkaefer]

Hehe, jo. Obwohl, Glückliche Arbeiter machn bessere Arbeit.

 

[Ginseng]

des sprechat dafia, im büro bier auszuschenkn

schian erschtn advent übrigns, mei wie die zeit vergeht

 

[Borkenkaefer]

Danke danke, jo de Zeit losst se heia goa ned bremsn. Rauscht dahi, wia scho long nimma.

Wenn des so weidageht, is des Johr a boid vorbei.

 

[Ginseng]

jetz mal amal ned en diablo an die wand, bk, ma muas es ja ned herbeischreibn es unglück

 

[Borkenkaefer]

Host recht, tuat ma lad. Owa bei da Zeit hob I oft des Gfühl das egal wos I moch, unaufhaltsam is.

 

[Ginseng]

i warat jetzat versucht den oan, tiefn, philosophischn spruch zum sogn, dass koa viechl a armbanduhr trogt und lei da mensch sich an stress mocht, owa des hoit i für reichlich unnedig.

vo daher:

isch es beschte, bleib es beschte

 

[Borkenkaefer]

Ajo, des is wos feines. Davo hob I gestern bei der Weihnochtsfeier a einige drunkn.
Wor gonz lustig und kurz vor 4 wors erst aus.

 

[Ginseng]

jo des klingt eh luschtig - mia hom heia koa eigene feier, muss ma sich hoit selba helfn. proscht.

 

[Borkenkaefer]

De letzten 2 oder 3 Johr hots bei uns a ka große mehr gem, do homs gsport. Oiso worn nur so Obteilungsweihnochtsfeiern, wo ma se ois söwa zoin hot derfn.

Jetztn homs endlich wieder a große gmocht, mit ollem gratis. Rund 3000 Leut aus ganz Österreich warn.

 

[Ginseng]

ah, dann vasteh i, warum ma aus spargründn auf des amal verzichtet - also halt wirtschaftlich, sonsch gibs natürlich koa rechtfertigung

was ischn des für a sektnartige organisation, dass es so vü leid aus ganz österreich habs?

 

[Borkenkaefer]

eh nu imma A1 Telekom Austria AG.

 

[Ginseng]

ah, sry, des hon i donn wohl üwasechn. i bin mit meim handy sehr zfriedn