Der - mittlerweile nichtmehr ganz so neue - "Wer ist Österreicher"-Thread (Part III)

[Ginseng]

i suach lei a rechtfertigung, mia des nochand im fernsehn onzumschaugn

 

[Borkenkaefer]

Is a dahinsiechender Millionär oiso ka Rechtfertigung fia di?

 

[Ginseng]

fia mi olleweil, owa i brauch a offizielle version a. also an knackig-feschn bk im frack mit schärpn, dann vasteht mi mei umwelt endlich

 

[Borkenkaefer]

Leida, do muasst heia wieda ohne guade Rechtfertigung schaun. I soit mas goa ned oschaun, weil sunst wia i nur traurig wos i ned ois vasam.

 

[Ginseng]

ins bleibat imma no es public viewing, mit dosnbier und leierkostn

 

[Borkenkaefer]

Des passt: imma de söwe Leia . apropos, jetztn ho i ghert wer da diesjährige star is, de giotto tant. Do warad de Oma Lutz nu gscheida und vorollem mehr Star gwesn

 

[Ginseng]

do hosch recht, a da busnblitzer hätt donn a interessante wendung sein kennen

 

[Borkenkaefer]

Haha, des stimmt. Der Lugner is scho a Marketingvoiprofi, jedesmoi mocht a wos, über des nocha groß gredt wird. I hoff er bleibt uns nu long dahoidn

 

[Ginseng]

i glab der höt eh mörtl stott bluat, von daher hebt der sicha no lang

 

[Borkenkaefer]

So muass eigentli sei, sunst kenntad a jetztn scho nimma.
Wieda moi zu wos banaln: i gfrei mi über des schene Wetta bei uns

 

[Ginseng]

nochand kimmsch ja gar nimma aussa ausm frein, ha? so viel sunn, i hon mi heit glab i eh glei vabrennt. des wetta isch nix fia mi

 

[Borkenkaefer]

kaum sogst des, is scho nimma so sche draussn. I moa dei Talent soit ma Politisch a wengal nutzn. Mogst di ned üba de Övp beschwern, damit de a vaschwindt?

 

[Ginseng]

wos glabsch moch i johr und tog? de san widerstandsfähig, wia a unkrautele

 

[Borkenkaefer]

Hehe, sowos ähnlichs hob i scho befürchtet.
Vor ollem, wos i ned vasteh, vo wem kriagn de trotz soichn Aussogn wia: "Bei Eigentumswohnungen oder Häusern bin ich rasch bei einem Verkehrswert von einer halben Million bis Million, damit erreiche ich den Mittelstand." (Mitterlehner im Standard Interview) de Stimmen? So vü Mittelstand gibt's in Österreich owa ned

 

[Ginseng]

du darfsch de bauern ned vagessn, und de militantn katholeler. und woher de ondan 80 prozent der stimmen kemmen, ja frog mi nitta. wobei i mi natürlich ständig ois mittlstand angsprochn fühl, ma darettet sich jo gor nimma vor lauter zuwendung.

 

[Estragon47]

najo, owa wos warad d oiternativn?

 

[Borkenkaefer]

@Estragon: ma soit de wöhn, vo de ma se om meisten vertreten füht. Dir soigt kanna wirkli zua, owa zb 4% vo ana patei (leit, Ideen, Programm) passt und des is mehr ois de 2% vo der ondern Partei.

@Ginseng: ois mittelstond derf i mi ned ogsprochn vün (zumindest ned im sinn vo da övp) wei, i ho kanne 500k aufwärts und des hot a sunst nermte vo meine Vorfahrn. A ned in Hardware

 

[Ginseng]

ah des beruhigt mi jetzat, donn komma doch auf die vermögenssubstanzsteuer hoffn. aso, na, a nimma.

 

[Borkenkaefer]

Na, des sicher ned. Owa wir schickn de Leit mit psychischen Problenen zum Wirtn, stott zu an Therapeuten. So kurbeln ma de Wirtschoft o, mant da Leitl

Damit kenn ma sicha de 10 Euro de noch da Steuerreform a jeda im Monat mehr hot gegenfinanziern

 

[Ginseng]

jo, immahin a realistische einschätzung. er isch halt nah an de leit, der woas scho, wia ma denkn