Der - mittlerweile nichtmehr ganz so neue - "Wer ist Österreicher"-Thread (Part III)

[Borkenkaefer]

Oiso de Firma bei der i grod bin, de hom nur des auf da Stroßn. Owa i werd schaun ob i so an Callcenter Job find. Obwoi mir do Inbound (Leit ruafan di au und frogn di wos, oda bestön wos) lieba war ois Outbound (I ruaf Leit au und versuach erna wos zu verkafa)

 

[Ginseng]

sers leidln

@bk: i siach scho aus dir wead no "the expert" fia solchane jobs - i bin gonz beeindruckt von da fachsprach - owa i druck da de daumen dossd wos gscheits findesch

@ungust: nochand vü spaß beim drei-minutn-ei vorm pc

 

[--=}Mighty{=--]

muas a wieda amol einaschaun

wie gehts eich?

 

[Goldbergus2]

Griass eich!

Na, i hob ned ollas glesn seitm letztn Post ... owa immahin: man frogt noch mia, und somit möd i mi.

Oiso:

A Wochn Spital (Lainz) hab i hinter mia. BIn denan mit offnortiga Behendichkeit ohposcht ... Lainz is wirkli nua guad zum sterbn.

Rehab gibts kaane.

In 2 - 3 Wochn geh i wieda ins Spital, wäus ma in Hois aufschneidn und meine Odan rechts saniern woin. Nur wo i hingeh waas i no ned - owa GANZ SICHER nimmer noch Lainz.

Sunstiga Zuastand:;

Wenich Ändarung. Des Gfüh in da linkn Pfotn is imma no gegn Nui. Des haast das i olle Bewegungan neich lernan muas. Zum Bleistift des hoidn von da Gobl beim essn .... mir foids Werkzeig zeitweis aafoch aus da Pfotn. Hab auf die Ort scho zwa Tölla (bülliche) eleminiert. Oda de Autopapiere ins hintare Hostntaschl steckn ... a Ding da Unmöglichkeit. Schuach zuabinden - vagiss es.

Des aanzig Bemerkenswerte is, dass i am Samstag a Streckn mitm Auto gfoahn bin. Des grobe ( = Lenkrodhoidn) geht ...

Seitm 10. 2. hob i exakt 2 Bier trunkn ... und des worn die besten die i jemois inhaliert hob. Weu i seitdrem i nix mehr pofl ollas füü intensiver schmeck ...

Seitm 10. 2. hab i aa nix mehr graucht. Und von 50 Kamele auf Nui ... leutln, des geht eine. Zähnt hob i imma no auf an Tschik.... de echte Nikotinsucht is weg. Nur (*hrhr*) mehr de Geewohnheitssucht is do ... de hoit se owa hortnäckig. Ka Wunda noch 28 Johr pofeln .......

Wenigstens hob i (no) nix zuagnumma, obwoi i ab und zu friß wia Fiamling. De Freßattackn wern owa mit Foikornbrot mit Bezzl und hartem Gemüse gfiadat und ned mit Zuckaln, Schoklad und Schnitzlsemmeln.

Soboid de Stroßn wieda begehboa san kauf i ma Nordicsteckn ... scheise, daun muas i mein Schwerinehund besiegn ... und des mia ois urfaule Sau ... des wiad a ehte Oaweid wern ...

OK, mia rei hts, des tippn is a aa ur anstrengnd .. voroim des Fölaasuchn und ausbessan ... waun i no Fölaa drin hob - sorry, es geht ebn nimma so wiea friaha.

Alsdann, DamenundHerren .. pfiat eich bis irgendwaun.

 

[modificator]

Griass eich!

.
.
.
.

Alsdann, DamenundHerren .. pfiat eich bis irgendwaun.

du bist oba a ziemlich brutal drauf!! eh schau voi im oasch und daun nu nix pofeln, 2 (!!!!!) bier und bewegung!! respekt und guate besserung!

mfg mod

ps: @all: hod schau wer "the grudge" oder "constantine" angschuat!! echt geniale füme!!!

 

[Ginseng]

morgn

servas goldi, schean dossd trotz olla schwierigkeitn dechtasch einaschaugsch; und wonn so konsequent weit mochsch nochand geahts sicha boid wida bessa. i wünsch da guate besserung

 

[AgainstAuthoriy]

goldi
schee von dir zuhörn... owa du packst des scho... wennst a bissl umadum waunderst wirds scho werdn
i wünsch da a guade besserung

so i muas in de schui^^

 

[Ginseng]

mei isch des schen wonn sich de blaun gegnseitig okragln

 

[19maggo81]

greetz!
endilch bin i wieda do!hun leida soviel buckln miassn,dass ma gor koan zeit mehr bliebn isch!
@FPÖ: lol,doppellol und nocheinmal..... ein dreifachlol
@der grosse rest:de sein olle(i mein de ondaren partein) um nix bessa!so a schwoche oposition bei so a schwochn regierung hats echt nu nia gebn.des mocht ma echt sorgn

olso namol a an olle und ob ind nägste vorlesung


killi

 

[Ungust]

Mo'ään!

@goldi: fein dossd wieda vo dia hean lost, i wünsch da vü erfoig beim kompf gegen besogten schweinehund - ajo und möge di des schicksal vor lainz schonen .

@fpö: do konnst direkt wos zum knabbern hoin und des spektakel grinsend mitonschaun .

@modificator: constantine hobi ma üwalegt obi ma onschau, is dea oiso empfehlensweat?

 

[modificator]

@regierung: des is jo echt "genial": die regierung beschliast irgendan scheiss, die opposition, sogt aus prinzip das der scheiss vo da regierung scheisse is und daun druckts da schüssel trotzdem durch; die fpö hot sowieso nur intern wos zu regeln, und duat daun einfoch mid!

@ungust: jo, der film hod schau a gewissen style!! jedenfois bessa wia resident evil 2

 

[Ginseng]

morgn

constantine wor der moment wo i ma docht hob, hollawind wüvü comics gibs eigentlich no, de sie verfilmen kunnten - owa da trailer hot gonz guat ausgschaug

 

[modificator]

@constantine: der füm is de hoffnung für olle raucher!!

@the grudge: is der nu unbekannt??? wirklich kana, der si den kick gibt???

 

[Ginseng]

morgn

@modi: oiso in soiche sochn bin i a feigling

btw ischs imma no zu koit find i

 

[Borkenkaefer]

Griaß eng.
Oiso des mitn zkoit, des werd i sogn bis es erste moi in mein Zimmer 22 Grad hot, owa ohne eihazn.

Und ins Kino werd i nimma geh, i leich ma de Füm in da Videotake aus. Owa Constantine is amoi vorgmerkt

 

[Ginseng]

morgn

oiso i hon ma den starwars trailer jetzat ongschaug und muas sogn, a bissl hoffnung keimt wida in dem stoan der amoi a herz wor, doss dea füm doch gonz guat sein kunnt

 

[genmanipuliert]

morgn

oiso i hon ma den starwars trailer jetzat ongschaug und muas sogn, a bissl hoffnung keimt wida in dem stoan der amoi a herz wor, doss dea füm doch gonz guat sein kunnt

genau mit dem post woit i mi wida zruckmöden

heut hob i leida ka zeit mea, owa i werd morgen wida die letzten seiten lesen und irgendan an geistigen erguss posten

 

[genmanipuliert]

do sie eh nix do hot dua i ah nix

 

[Ginseng]

des güt ned geni, du muast scho ois mr. stahlbeton unsare speerspitze im postn sein

 

[Borkenkaefer]

Jo, des find i a. Owa irgendwia is do herin übahaupt nix los. Ned das i wos Sinnvolls dazua beitrogn kennt, owa noch dem Österreichischn Motto "Bled Redn owa eh nix dagegn doa" schreib i hoit a an Post.