Der "Wer ist Österreicher"-Thread - winntetsch quasi und rundumadum ogstaubt

[Ginseng]

Der "Wer ist Österreicher"-Thread - winntetsch quasi und rundumadum ogstaubt

nochdem i mi ned schnö gnuag vasteckt hon und infolgedessn ana mehr ois demokratischn woi stell i mi der vaantwortung und moch an neichn thread fia uns östarraicha au.

servas di madln, grias enk di buam

und in ana unglaublich unhierarchischn listn miasn an der stelln a glei nomentlich da borknkäfer und da estragon47 (als echt lei die speerspitzn von unsarer aktivitätsarmee) begriaßt sowie muas a a herzlichs servas an die ahnenreihe - ungust, geni, bier bauch, goldi, ameno und enk olle ondan - entbotn wean.

nochand, ongrichtet isch, tua ma wieda wos. in dem sinn: es wetta isch scho a rechta topfn daweil, und übern sc redn isch a irgendwie haarig.

 

[Borkenkaefer]

Erschter

I ho ma nur des Voting ogschaut. 0 Punkte (gemeinsam mit unsere deitschsprochign Kollegen) is hoit goa a weng weng.
An, zwa Mittleitspunkte hätt i ma scho vo wem dawoat. Najo, owa des Siegerliadl hot ma a goa ned zuagsogt.


Jo und des Wetta is amoi goa nix fia an Summa. 0 Punkte dafia vo mia

 

[Ginseng]

@bk gz zum erschtn

ma hätt vielleicht sogn soin, de leit solln uns fia die bühne punkte gebn, ned fias gsangl

 

[Firesnake]

Und wörom syend do d'Lüt usöm Weschtö deinöweiö ondörrepräsäntiert? As tonkt mi schaad dach ma jeds mol dar uonzi ischt.

 

[Borkenkaefer]

Nana, da Ginseng is a ausn Westn Bist ned da anzige.

 

[Firesnake]

Sina Dialäkt seyt ney. Ar schribt as wi a'n'Oschtöüöschtöriichar. :b

 

[Borkenkaefer]

Des stimmt, erm vasteh i vü bessa

 

[Ginseng]

nochand amal oa vom gas, es gib sowos wie weschtösterreich, und nachernd no an berg, und nachand no a bissl wos, wo ma olle unsrige sprachprobleme hom

owa grias di neicha

@bk: des mocht de zeit do harinnen mit dir, do passt ma sich hoit an.

 

[Borkenkaefer]

Aso jetztn bin oiso i Schuid das ma di bessa vasteht. Na des nimm i gern auf mi

So und wenn jetztn ned boid amoi sowos wia Summa kummt, fong i o das i Auswonderungspläne schmied.

Ajo und fois is nu nia erwähnt hob: Fia de, denan wos wia mia, Sport imma zfü Aufwond is: http://orf.at/stories/2181939/2181940/

 

[Ginseng]

und hosch heit scho trainiert bk?

jetzat homma de wohln a üwastondn, wobei es dicke ende a irgendwie erscht no kimmt glab i.

 

[Borkenkaefer]

Ha, do host mi erwischt. Heit nu ned. Owa zua meina Verteidigung muaß i sogn i moch des 7min Programm im Monat fost so oft wia Tog san. Letzts Monat wors 29 moi. Vielleicht schoff is heit jo nu, sonst on an ondern Tog 2 moi.

Zweng de Woihn: Wor irgendwia vorher scho kloa, dass de Blaun aufhoin und de ondern osandln.
Und i glaub Schwoaz Rot moch überoi so weida wia bisher, bis de FPÖ wieda in da Regierung sitzt.
Oiso des befürcht i.

 

[Ginseng]

reschpekt, bk, und fühlsch di fitta?

mit da fp in da regierung isch jetz schnella gongen ois dacht. deswegn wos gscheits, i hon a cities ogfongen, sehr gmiatlich isch des

 

[Borkenkaefer]

Jo, fühl mi scho fitta. Vorollem wor i söwa verwundert das ma vo de 7min sogoa a bissl wos siacht. Oiso vo de Muskeln her.
Sozusogn mit geringstn Aufwond den meisten Effekt . Genau meins

Mit cities häast nu a wochn wortn kenna, es kummt nämli da sale.
Mir gfoits a guad, des is wiedamoi a richtig lässige Städtebausoftware. Vorollem wos monche Leit (YouTube) zaubern, is scho a wucht.

 

[Ginseng]

da arnie warad sicher stoiz auf di.

ah isch scho wieder sales-zeit? i verlier immer mehr en überblick, den i no nie ghobt hon. owa es isch lässig, a wonn sich bei mir ois staut, i halt ja große straßn für überschätzt.

dass die politik da langweilig isch, isch hingegen grad unterschätzt. mei sein de spler grad potschert unterwegs.

 

[Borkenkaefer]

Heit soit da sale starten. Owa cities is so lässig, do san de 29 guat oglegt.
Wegan Stau, schau dasd kanne Ompeln host. De gonz klan Stroßn mochn nia Ompeln und durt wo de Einbau aus ana Stroßn aussa geht, is a kanne. Ajo und denen LKW ko ma verbieten das in de Wohngegenden fohrn.

I find jo de Soizburga FPÖ Action a sehr lustig zur zeit.

 

[Ginseng]

so, jetzat hot di witcha dawischt, siach i? ischs schlimm?

 

[Borkenkaefer]

Jo, gestern om obend kauft. Owa nu ned ogspüt. De ersten zwa Teile woan sehr super und i hob a olle Biacha glesn. De übrigens extrem guat san. Do hob i ma docht, söbst wenns ned vü Rabatt is, ko ma des Studio unterstützen.

Host du scho recht eikaft?

 

[Ginseng]

lei amal de xcom-erweiterung. i hon a poor sochn gsehn, owa donn hon i ma gsogt, ginseng, hon i ma gsogt, jetzt spülsch amol des, wos scho hosch.

 

[Borkenkaefer]

Ajo, des is gscheit. Davo hob i a nu einige. Gestern hob i kurz Witcher ogspüt. Der erste Eindruck is scho sehr guat.

 

[Feyarazu]

Awa ge... i was nedda, seit de letzn 4 Joahr mog i mi für nix mehr begeistern, wos so auskimmpt... entweda kosts Göld wie bled oda du kummst ned durch weils hoart is wie Arni in seine bestn Zeitn.

Ois dasölbe Schmuh.


De oiden Besn kehrn imma no am bestn.