Der "Wer ist Österreicher"-Thread - winntetsch quasi und rundumadum ogstaubt

[Borkenkaefer]

Wengan Göd warats jo ned, fia irgendwos muass i jo Orbeitn. Owa das ma Spü zschwa san, hob i a scho öfters erlebt Beim ersten Batman woa des so, i hob ums verreckn den Joker ned besiegt. Hob aufgeben und seit dem ka Batman Spü mehr kaft. Obwohls ma sonst jo echt guat gfoin hot.

btw neicha

 

[Ginseng]

i find jo, dass so an haufn zeig aussakimmt, dass ma einfoch üwafluatet wead, und nochand hosch koa zeit mehr irgendwos in ruhe anzumschaugn. vor oim, wonn a spü mehr als zwoa knöpf braucht.

sers neicha btw

 

[Borkenkaefer]

Jo, drum trau i mi a nu ned über Europa Universalis drüber

 

[Ginseng]

du bisch owa a a wilda hund bk - i fürcht mi jo scho vor crusader kings

 

[Borkenkaefer]

Des schaut jo voi ähnlich aus wia Europa Universalis. Genauso kompliziert

 

[Ginseng]

da lob i ma one finger death punch, zwoa knöpf und glücklich werdn

 

[Borkenkaefer]

Joa, i hob ma beim sale Road Redemption kauft. Weil i des in meina Jugend gern gspüd hob. Do muasst a nua Gas gebn und den Gegner vom Bike owakickn

 

[Feyarazu]

Neiche triffts a weng bessa

Beim Sale hob i ma nua Pflanzn gegn Zombies kaft... Bessa zum Hirn oschoitn nochm hackeln^^

 

[Borkenkaefer]

ah, tschuidigung. I nimms zruck und sogs richtig: Neiche
Hoff du bleibst a bissl länger do bei uns.

Hirn oschoitn muass ma heitzotog eh öfters. Weil sunst darad ma se nur vüzvü aufregn .

 

[Ginseng]

de zombiepflanzn san owa eh a sehr gmiatlich, lei beim zwoara homs glab i an rechtn topfn mit bezahlinhaltn gmocht.

ajo, donn leist i a abbitte, neichE

 

[Borkenkaefer]

Mi gfreit des, wenn da Ginseng Schmankerl unsara deutschn sproch virazaht

 

[Feyarazu]

Ei, i koans no goar ned glaubn:

Hob i grod ebn des Rolands-Set vuigmocht!

Jez brauch i nua den bledn Flegl, dann reiß i vui a amol wos

 

[Ginseng]

gz nochand.

wonn i zuagib, dass i zersch nachschaugn hon miassn, wos des fia a set isch, donn entlarvt mi des ois nimma so gonz aktivn spiela, ha?

 

[Feyarazu]

Ah, des tuat nix, so guat isses ah ned. Owa wennst hoit Aggressionen obaun mogst, issas ok.

 

[Borkenkaefer]

I ho a amoi überlegn miassn, wos fia a Roland do gmant is. Owa gscheit wia i bin, hob i gmerkt wia san in an Diablo Forum, donn wiad des woi ana vo dort sei

Gz a vo mia. De Sets homs woi noch meina aktiven D3 Zeit eigführt.

 

[Ginseng]

jetzat weads glei schummrig, wonn ma von domois dazähln. mir hom jo nix ghobt, an monochrom-bildschirm und vielleicht oa unique, owa sunsch. owa es woa ned ois schlecht.

 

[Borkenkaefer]

Du host hoit scho oiwei Emotionen om besten in Worte fossn kenna

 

[Ginseng]

de tradition tua i gern fortführn: mir isch zhoaß

 

[Borkenkaefer]

Mir passts grod so. Mia is nämli im Summa liaba zhoaß, ois zskoit.

 

[Feyarazu]

Vüh zu woarm. Ma tuat nix aussa vegetiern. Muh.