Der "Wer ist Österreicher"-Thread - winntetsch quasi und rundumadum ogstaubt

[Ginseng]

estragon, mir dünkt, mia schickn di ois kommentator zum orf

so, wen kunnma no austauschn? der kurz isch eigentlich scho wieder long im amt.

 

[Borkenkaefer]

Mei de Eva haut a in Huat drauf. I Tipp jo, dass des Johr nu da Kurz oda da Strache geht. Weil ana vo de zwa wird zwongsläufig bei da Wohl des Zü ned erreichn.

 

[Estragon47]

jo do warad i dabei
i glaub jo das da kuaz nua kuaz mocht
wei dea hod si zvü aussa gnuma sodas des boid olle am senkl geh wiad

 

[Borkenkaefer]

Vorollem wenn a bei da Wohl schlecht oschneit. Oda de FPÖ valiert amoi mehr und da "i warad so gern Präsident vo an Staat den mei burschenschoft goa ned onerkennt" übernimmt den Verein. Damits mehr gemäßigtare osprechn.

 

[Ginseng]

ebn, weil er isch scho a liaba und so gute maniern.

owa vielleicht schmeißt da thc eh no hin, lei fia de chance von da kombi: vdb präsi und da "i warad so gern Präsident vo an Staat den mei burschenschoft goa ned onerkennt" ois konzla

 

[Borkenkaefer]

Freiwillig glaub i geht a ned, do miassn erm scho olle kräftig übarredn. Dafia gfoit a se zguat in seim "Job".

 

[Ginseng]

es hat fia mein gschmock scho wieda a bissl viel temperatur

owa sinsch gehts guat? feiertage nonstop momentan kimmt ma vor

 

[Borkenkaefer]

I find, es passt nu mit der Sunn. Und i moa, de Feiatog san jetztn a wieda vorbei. Glaub i muaß jetzt bügeln. Hemden!

edit sogt: bin gestern um siebn auf d Nocht auf ana Terrassn gsessn und mit Wind woas sogoa a wengal frisch.

 

[Ginseng]

@bk: jo, i tua abbitte leischtn, i kimm grod von am bier draußn, und des woar temperaturmäßig guat.

wos mochn de hemdn?

 

[Borkenkaefer]

Monche davo san sehr widaspenstig. zb des wos i grod ausn kostn gnumma hob. I bin ma sicha das is bügeld hob, und trotzdem san ettla Foitn drin. Schaß Stoff. I ko jo ned dem guadn bügler de Schuad gebn.

Und gestern hob i erst gseng, das eh boid wieda a poa Feiatog san. Des is great.

Ah, des mitn Bier is wirkli guad zum hearn. Des mocht glei an gusta und des in da Frua

 

[Estragon47]

geh hemdn büget ma ned
afoch glei nochm woschn aufhenga daun geht des scho so hoibats hahaha

 

[Borkenkaefer]

Eh wohr, so hoibwegs geht's eh. Owa wenn i scho an Stil ohob, der eigentli ned mei Wunsch is, soids wenigstns so perfekt wie mir möglich ausschaun. Und des hast hoit donn, amoi in da Wochn 4 Hemdn bügln.

 

[Ginseng]

vielleicht losst sich da bier-guschto mim bügln kombiniern, mir geht do meistns nochand ois flotta von da hond

@estragon: oda glei onziehn, donn passts sich perfekt an den (eh a perfektn) körpa o

 

[Ginseng]

edit: so, i hon jetzat die schwoazn segl gstrichn, irgendwia gehts ollaweil um de fraun (oda männa). und wieso miasns imma streitn? owa i bin zfriedn, doss da rackham wenigschtns guat am weg isch.

 

[Borkenkaefer]

Wos? Du schaust as ned fertig? Des find i oag, weil, na wie, na afoch aso hoit.
Welche Staffel und Foige hostn aufghert?

 

[Ginseng]

nana, i hons eben grod fertig gschaugt - und am end wors holt wieda a streit wegn ana dame, des hon i a bissl schod gfundn. owa sinsch wors scho guat.

 

[Borkenkaefer]

Puuuh, schreck mi ned so
Joa, wia i vielleicht scho moi gsogt hob, des End hot ma a ned so guad gfoin. Vorollem ned, mit dem, dass auf amoi so vü vo da Gschicht afoch erzöhn. Des hot so gwirkt, ois hättns nu nur Gschicht fia a poa Folgen, owa kann ders erna zoit.

 

[Ginseng]

jo, do hosch recht, irgendwia wolltns dann alls in ana viertlstund beendn. owa woa scho schian, i mog wieda pirates spieln

han i scho amal noch silicon valley gfrogt? des mocht ma grod wieda spaß.

 

[Borkenkaefer]

na, de Serie sogt ma nix. Muass i ma glei notieren. Owa zurzeit hob i wieder so vü, i kim mitn schaun goa ned noch. Nu dazua, wo ma Fallout 4 gegönnt hob und do a des ane oder ondere moi spü.

 

[Ginseng]

jetzat wor i schleißig, muas de hitz sein - womit ma a beim thema waradn.

ois guat?