Der "Wer ist Österreicher"-Thread - winntetsch quasi und rundumadum ogstaubt

[Borkenkaefer]

On des gwend ma se schnö, de erstn poa moi is komisch, owa nochand gfreit ma se, das mas ned söwa mochn muass. I nimm owa a ned jedn, a Empfehlung vo an Bekonntn soit scho sei.

 

[Ginseng]

jetzat warad hoit no interessant, ob da estragon a putzdeckn oda sowa empfehln konn

 

[Borkenkaefer]

Des warad interessant! Owa i glaub, der schaut do nimma oft eina. Vielleicht unterhoitn wia erm ned guad?

 

[Ginseng]

jo, na, scho? mei. am bemühn tatats jo ned mongln. owa mia sein hoit koa villacha fosching.

 

[Borkenkaefer]

Ma muaß a sogn, das zur Zeit de Konkurrenz ziemlich stoark is. Vielleicht schaut a in da Fostnzeit wieda öftas eina?

 

[Ginseng]

jo des kunnt sein. wobei, fostn konn a viel aufmerksomkeit brauchn. wos mocht dei putzfrausuchn?

 

[Borkenkaefer]

Nu imma kane. Des Wochnend spü i söwa wieda Putzfrau. Des is zwoa ned so effizient, owa wos sei muass, muass sei.

 

[Ginseng]

i glabat de britn dadad a putzfrau a guat - oda wonns so weita geht, konnsch du no de teresa onheuern

 

[Borkenkaefer]

Haha, a Trauagspü, wos de auffian. Mi hot jetztn da Schnupfn packt. A ka Freid, wenn mei Nosn in da Orbeit auf de Tastatur tropft.

 

[Ginseng]

owa do hobs a putzfrau, de sich deine lackn stellt?

guate besserung

 

[Borkenkaefer]

Scho, owa wenns des darat, würds jo ausfoin und donn bin i ned nur Schuid das bei mir daham so ausschaut

Danke, i merk scho a verbesserung zu gestern.

 

[Ginseng]

und bisch wieda gonz gsundet? wos mocht da putzfraunkrimi?

 

[Estragon47]

Sorry bin wieda moi do owa hab iwie nix gseng... Groß geht's voi ob bei mia...
Wieda single und in da oabeit kinnt I 70 stund a locka bleim in da wochn... San seit Februar nur mea zwa stod viere des mocht grod aweng stress... Und mit de ondan Versicherungen wiads imma bleda grod denen hauts in vogl raus... Und am Dienstag muss i nu an vortrag hoidn bei da wk Wien... Oiso voller Kalender grod...

Was duat de bei eich?

P.s. I gelob Besserung oda wenigstens ernsthaftes bemühen

 

[Borkenkaefer]

Mei, des is sche, dasd wieda einaschaust. Des heart se jo wirkli ostrengend o. Sorry, dasd Ehe nix woan is. Ma lernt hoit oiwei dazua. Üba wos hoitst dein Voatrog? Hundekühdeckn und wia mas om bestn vawendt?

I bin scho länga wieda Schnupfnfrei und de Suche is leida eigschlofn.

Sog, Estragon, bist jetztn leicht om Wochnend a in Wean?

Edit: a lässigs Biergschäft hob i entdeckt. De hom a Seidl um 24 Euro
http://www.bieronline.at/Bier-onlin....html?XTCsid=ee1d6489aeab1fdb31f721a29cfa6781

 

[Estragon47]

Na üba de frog ob wea söbständig is oda ned...

Jo bin jetzad a am Wochenende efta in wean. Kinntn oiso wiada moi wos oreißn wenns euch gfreit?

 

[Ginseng]

jo tuat ma a load, dass des sich valaffn hot, owa da bk hot scho recht, fia irgendwos isch imma guat.

und mei oma hot imma gsogt, schen, dass di brauchn kennen, wonn de stundn in da orbeit grod wieda amoi a bissl mehr worn san.

mia kennen gern wieda amoi wos onreißn, vielleicht zu günschtigare bierpreise wie des vom bk, nochand dazähl i enk wos von meim urlaub.

 

[Borkenkaefer]

Passt Bitte schogts a Wochnend vor, i bin dabei!

Edit: und ois beisl schlog i de Slubar vor, ausser ihr megts kan GinTonic

Edit2: I hoff i hob eich mitn GinTonic jetztn ned vaschreckt. I bin natiarli a fia a Bia zshaum.

 

[Ginseng]

wonns a lei gin gibt, warad des a guat, vom tonic kriag i ollaweil kopfweh

i dadad sogn, realistischerweise noch ostan, so onfong mai ummadum?

 

[Borkenkaefer]

Des Datum klingt guad. Owa Beisl suach ma a onders, wei, ohne Tonic mocht a reine GinTonic Bar weng Gschmock.

 

[Estragon47]

Noch ostan passt. I bin zwoa ka fan vo gin Owa wead scho was aundas findn