Der - mittlerweile nichtmehr ganz so neue - "Wer ist Österreicher"-Thread (Part III)

[Ginseng]

morgn

@bk: hui do bin i beruhigt, mia isches nämlich bis jetzat nimma eingfoin - owa des mim pc kriag i hin, und wonn i ihn anfoch nimma ausschoit

 

[Ungust]

Mo'ään!

@ginseng: schlogt da altzheimer jetzad scho voa 30 zua? donn is woi eha da jungtzheima .

@bk: solong deine meis no net weiß san darad i ma kane soagn mochn wegn deim kota .

heit gehi no auf a familienfestl, irgendwea in meina vawondschoft hot si eibüdt ea muas heiratn - najo hauptsoch a gscheits buffet .

 

[Borkenkaefer]

Na, daun fü Spaß Ungust. Owa moch ned den Föhla und sei da anzigste mit dem greßten Rausch. Sowos kummt sötn guad auf so ana Feier. Waun scho daun scho miassn mehrere an gscheitn sitzen haum

Und na, meine Meis san nu imma grau und schnö. Dafia is da Koter heit wieder weg.

 

[Ginseng]

jo mei trost isch hoit nochand, doss es bessa isch drei bier zu vagessn ois zu vaschüttn

@ungust: horch aufn bk, vor oim weu du sinsch bei zu viel delirium am end no an ring an deina eigenen hond findesch - oiso egal wer wos frogt, du sogsch anfoch "na"

 

[Ginseng]

morgn

es lebe da dopplposcht

i hon grod a furchtbore vision ghobt - da ungust begrabn untam brautstrauß, da bk von de greßn briada von de meis ogholt, da gorbag mit spätfolgn des zohnoaztes auf da intensiv, und de luziar wegn am bikiniunfall a außa gefecht - i kriag de panik, wo sads denn olle

ajo, em geni homs ohnehin scho betonpatschln vapasst nimm i amoi o

 

[Bier Bauch]

wenigstens host kane albträume von mir, ginseng

 

[Ginseng]

nana bb, um di moch i ma kane sorgn, du bisch in stiegls sichara hond

 

[Borkenkaefer]

Griaß eng wiedamoi
Nana, i bin eh nu do, woa nur gestern bei an Freind und bin erst vor an Zeitl hamkumma (= wiedamoi a Koter). Owa stimmt, da Geni hot se do scho laung nimma auschaun losn, so a Hundling

 

[Ungust]

soda i bin a wieda do

heit bini no in nö ummanondakuaft und hob vawondte bsuacht - amoi ogseng davo dossi mi vo meim masslosn üwafressn auf da hochzeit gestan dahoin miassn hob. so a gscheids woames buffet is echt a schwäch vo mia .

@ginseng: des san vielleicht szenarien, on dia is a visionär valoangonga .

 

[Gorbag]

und i bin ah wieda z'ruck. Woar des WE mit Freindn in Wean und hob den Weanern a bissi Entwicklunghilfe gegebn
Na a Freind hot a Gedenkstund g'hobt wal er si dem 30er nähert. Voi de Gaude, zwa Kühlschränk hot er g'hobt, ois voi mit Bier & Konsorten Und g'fressen hamma ah vü, gehert afoch dazua.

@Kota: hob i kan g'hobt. Wo nix mehr in der Birn is kaun ka Kota hinkumma

 

[Ungust]

Mo'ään!

@gorbag: schee doss no leit gibt de wichtige lebnsobschnitte mit gebührenden Aktionen begengan .

damit sis wetta net unwichtig voakummt erwähnis a kuaz : elendiga regn bäh, i wü bodn .

 

[Gorbag]

I was net wos ihr imma mit dem Wetta hobt. Hier is nix von Regn zu spürn, a bissi Sonn hamma do und a poar Wolken dazua. Oba woarm is net wirkli do.

 

[luizar]

seass bärlies!

@ ginseng.. boah i werd a mal vermisst.... loool dankschein mir gehts oba guad.. war nur am verlängerten we bei der mama (hab mi guad massieren lassen) und dann in baden bzw. in wien ... ggg

jo.... oiso i hobs we gut überstanden... war mit den skates um die 50 km ... und passiert is ma da a nit viel (kleine blase am kleinen zechn) loool

ahsooo.. a schene wochn wünsch i eich!...

bussalle

 

[Ginseng]

morgn

jo do merkt ma doss wida montag isch, olle wida do

 

[Goldbergus2]

(...) elendiga regn bäh, i wü bodn .

Ned motzn! Hau di ins Wossa, daun wirst vom Regn ned nass ...

~~~~~~~~~~~~~~~~~~~~~~~~~~~~~~~~~~~~~~​

Wuhaaa ... 3 Stundn Kölla ausraama und Papierkistn schlichtn ... des reicht ois Hockn fia de gaunze Wochn ... a Stund drah i no owe jetzan und daun hau i mi Richtung Hoamat ... sche*ß drauf *fg*

@ Gorbag: Mei Pappnschlossa sogt imma: "Wenn es Ihnen gefallen hat, empfehlen sie mich weiter. Wenn es Ihnen nicht gefallen hat empfehlen sie mich ihren Feinden weiter!" ... und locht so dreckig dabei ... Typisch Dr. Pappnstein

@ Ginseng: Mondoch is wia Diensdoch, Middwoch, Dunnastoch und Freidoch (Wobei man eigentlich am Freidoch frei ham solltert ... warum haast er sunst "Frei-Doch" ... *Sinnier*) ... A jeda Doch in da Bude is a verlorana Doch vom Brivatlebn ... wos sois, no 17 Jahr bis zur Pense ...

@ Koda: Heeeeeearst Burschn, saufts ned so füü ... i kriag Komplexe weu kaana mid mia trainiern geht ...

@ Diablo: I hau in Huad aufs Spüh. Wer Sochn in NONladder SC braucht sois sogn - ansonstn kriagts Charsi. Sochn gibts vom aafochstn bis zum Blacklistitem, vo 1.09 bis 1.10.

@ Fangemeinde: Nana, ausm Forum ziag i mi no ned zruck ... sonst gabats jo kaan mehr der halbseitige Posts schreibt *sfg*

Sodala, des wors fia jetzan. Auf ein fetziges Wiedergriffeln wünscht eich eicha

Oida Goldi

 

[Gorbag]

@Goldi: Pappnheimer? Wer is des? A TV-Serie? Oder wos? Kaunst ma mehr Infos geben? Weil i mog Leit, die bese Sprüch loslossn und dabei dreckig lochn
Oba freit mi dast uns hier im Forum erhoitn bleibst.

@luizar: Massage *hmmmmmm* mogst net do amoi Hand an mi legen?

 

[[Pyro]]

griiiiiaaaasss eich!

no ollas klor bei eich?

nu a wochn und i hob endli urlaub

 

[Ungust]

@goldi: dossd di jo no im forum sechn losst, wonn ka d2 a grund gegens forum warad hätti de letztn 3 joa selbstgespräche gfiaht .

ajo wonni ma gach gscheid aufspün deaf : Freitog is benonnt noch da nordischn göttin Freja (oda Freia oda wos waas i wia ma de schreibt) und hot deswegn nix mit frei zum doa - so jetz homma wieda unsam bildungsauftrog erfüht .

 

[Borkenkaefer]

Griaß eng
Jo es passt olles. Oda fost olles, najo oder hoit a bissl wos. Owa wos sois, i brauch mi ned beschwern, es is scho amoi fü schlechta gaunga

 

[Ginseng]

@goldi: i glab mia mochn di jetzat boid zu unsam weisn monn do harinnen, weu wer so vü zum schreibn hot, der hot a wos zum sogn

@ungust: dei zukünftiga beruf schlogt jo scho gonz stoak durch