Der - mittlerweile nichtmehr ganz so neue - "Wer ist Österreicher"-Thread (Part III)

[[zensiert]]

habidere werte landsleute

war scho lang num do...leider! abr ma kummt jo immer wieder retour

frage an alle hier: hot jemand zuafällig a alte T-Mobile SIM-Kortn, dia mittlerweile als Prepaid funktioniert? bin uf dr suche noch sowos.

grüassle aus vlbg

 

[YoungPhoenix]

Sers Rantan!

Na,hob i net oba vielleicht konnst jo bei o2 anfragen,ob Du so ane Prepaidkoarte bekommst..i hob die damoils mit der Post kriagt und des hat ohne Probleme funktioniert

 

[[zensiert]]

Sers YP

o2? isch des ned piefkei? bin do ned mehr auf neuestem stand, abr gibts o2 jetzt oh im ösiland?

und des ganze war gratis?

 

[YoungPhoenix]

I bin grod bei die Piefkes wird Zeit dass i wieder in die oide Heimat kum..jop des woar kostenfrei^^

 

[[zensiert]]

hmm, danke fürn guatn willen, aber a piefkei SIM kortn nützt mr nix.

do muss i wohl weitersuachn odr a unlocked handy bsorgn (wos ma eh liabr wär)

 

[Ginseng]

servas die neichn, servas die oidn,

ma um en leslie isches ma echt schod

 

[Borkenkaefer]

Jo, der Leslile. Owa er woa eh scho oid.

Weihnochtsstreß, oda warum is do nix los?

 

[YoungPhoenix]

I bin grod zum 20.Mol umgezogn do hob i a kan inet ghobt.Los liebe Landsleite wir müssen den Fred auferstehen lossen..immerhin is unser Land total katholisch bis auf 3% xD

 

[Ginseng]

des warad zwoa eher ostern, owa do woi ma ned so kleinlich sein

oiso, thread, steh auf, nimm dei bett und geh

 

[Borkenkaefer]

Morgn fliag i noch deitschlond, zweng ana hohzaht. Gfreit mi übahaupt ned, vorollem ned des um 4re aufsteh.

 

[Ginseng]

nachernd vü spaß, immerhin gibs meischtns was guats zum essn und trinken

 

[FUZI]

Stress - zu Weihnachten??? pff^^

Leutln was gibts bei euch zu weinochtn zum essen i brauch a bissl inspiration. Hät an Lamkotelette oda sowas docht... Hab ghert bei vülle gibts irgendan Fisch der extrem stinkt^^ oba najo

 

[Ginseng]

a suppele, a brotele, a bissl an lachs mit kren, a kasele und a paar keksln, scho isch die bescherung fertig

 

[YoungPhoenix]

I was no net..eventuell Fondue oba sicha is nix xD

Käsekrainer san oba nix für die heilige Nocht^^

 

[FUZI]

käsekrainer san wos für später wann ma augsoffn hamgeht^^

 

[Ginseng]

danke fuzi, i hob doch echt es wichtigschte zweihnachtn vagessn, alkohol in allen formen und farben

du bk, wie war die orgie?

 

[Borkenkaefer]

Jo, bin wieda do. De Hochzeit wor gonz ok. Des essn woa supa. Zweng Bier homs nocha leida ghobt.

Zwheinochtn gibts bei mir wahrscheinli a Gansl.

 

[YoungPhoenix]

Des Fedavieh...wos is bloß aus der guaten oiden Kartoffelsalat-tradition gworden..ah hoilt,des woarn die Ossi-piefke xD

Sehr scheen..Hochzeit. kennt i a moil wieda singen mit meinem vater zsammen

Weihnachten wird a jedes joahr kasiger xD

 

[Borkenkaefer]

A kartoffesolot is a guad, gibts nix.
Und joa, gsunga is bei der hochzeit fia zehn wordn.

 

[Borkenkaefer]

Jetzt muass i a amoi an Doppelpost mochn:

Frohe Weihnochtn eich olle do herin.