Der - mittlerweile nichtmehr ganz so neue - "Wer ist Österreicher"-Thread (Part III)

[Ginseng]

i gesteh, des mim universum klingt eh lässig, owa i bin zdeppat, ums zu verstehn - owa des mim fliaga find i ganz unterhaltsam (und halt a gemein fia de leit, owa i kenn da koan)

 

[Borkenkaefer]

Ah, du manst de news. Jetzt hob I amoi kurz überlegn miassn, vo welchn spü du grod redst.

Owa jo, des mit da kosmischen inflation is super. Owa I kenn mi a überhaupt ned aus, hob nur den gscheiten begriff aufgschnappt. Do: Eine Botschaft vom Urknall: Die erste direkte Beobachtung der kosmischen Inflation! – Astrodicticum Simplex

Und des mitn Fliega is irgendwie gruselig. I man, wos wenn des popular wird und a jeder jetztn amoi schnö mit an volln flieger ohaut.

 

[Ginseng]

schiane gschicht, jo.

und i fahr eh liaba mim zug, der konn ned so schnö falsch obiegn.

du was macht eigentlich de wohnungsjagd?

 

[Borkenkaefer]

Wohnung hob I scho ane, im 15.
Owa I wohn nu I n da oidn. Wollt eigentlich des Wochenend und Mo, Di (extra siedelurlaub gnommen) siedeln. Bin aba am Freitag krank worden. Jetzt hob I an mentalen STreß, weil I ned wirkli wos tuan ko. Des letzte moi wor I im November 2011 krank. praktisch das genau jetztn wieda so weit is

 

[Ginseng]

jo, es kimmt immer ois zsamm, do konn i da lei versichern, doss ned allanig bisch damit. owa wead scho, schaug, die sunn scheint a scho wida.

 

[Borkenkaefer]

Muss werden! Bin wieder a bissl gsünder. Nur mehr schnupfen. Heut hab i de Siedlfirma da ghabt. Sehr super, de habn alle greßan Teile in de neue Wohnung bracht. Woschmaschin, Couch, fett Schreibtisch, regale und so weida. De neiche Wohnung is im dritten Stock ohne Lift. 4h hams braucht und nur 480 hats kost. Mit allem, sogar mit Entsorgung. Kann i echt empfehlen.
Räumung, Umzug, Transport | ARGE Wien

 

[Ginseng]

oha, des klingt supa, danke fian hinweis. i hon die letztn umzüg a lei mehr mit umzugsfirma gmocht, es sport einfach so vü nervn, auto checkn, parkplatz suachn, kreiz ruinieren und so weiter.

gz ingesamt, klingt soweit ja scho guat. tuasch scho nächtign in da neichn?

 

[Borkenkaefer]

Na, dort is nu ka Internet Und a poa kistn Kleinkram muss i nu hinbringa.
Mittwoch oder Donnerstag, wird wohl der erste Tag werden. Mit oder ohne Internet.

 

[Ginseng]

ahhhhh, koa internet. des worn in da vagangenheit bei mir nachernd imma szenarien, wo i liaba länger im büro bliebn bin. i druck di daumen, doss des nie erlebn muasch.

 

[Borkenkaefer]

Jo, nochdem i a kan Fernseha hob, wird's ohne Netz a wengal fad.
Naja, mit Glick geht sa se aus, das is installiert kriag bis dohi.

 

[Ginseng]

mei i trau mi goar ned frogn, owa wie isch die internetsituation?

 

[Borkenkaefer]

Haha, bis vor 10min nu düster. Fix Internet hob i nu kanns, owa dank Mobiltelefon post i scho aus meiner neichen Wohnung über mein pc.

De Technik mochts möglich. Verwend des Handy aus modem. Da Fortschritt is scho wos schens.

 

[Ginseng]

ja nachernd an happy einstond in da neichn wohnung, jetzat wead ois guat.

 

[Borkenkaefer]

Danke danke, am Freitag kummt des Festnetz.
Wobei i scho sogn muass, des mobile is scho sche schnö. Owa i hobs donn hoit do gern a bissl stabiler. Gschwindigkeit is ned ois.

Und jetzt muass i eh amoi des zeig wos nu umadum steht eirama, zsam sortieren, verstauen, usw. bei mein Tempo dauert des eh a Monat

 

[Ginseng]

ah vaflixt, jetzat hon i die einmalige gelegenheit vapasst, an witz zum erschtn april zum mochn. scho ärgerlich, sowos.

 

[Borkenkaefer]

I hob mas eh a scho denkt, vo dir les i nur mehr sötn wos.

 

[Ginseng]

und des isch ja nit amal a schlechter april-scherz.

owa du hosch vamutlich jetzat die schnellere leitung in da wohnung, da macht des mehr spaß mim forum-ladn.

 

[Borkenkaefer]

Glaub ned das des mit da Leitung, sondern eher mitn schnön Forum zum toa hot.
Wos tuat se sunst so bei dir, bist leicht goa so im streß?

 

[Ginseng]

was um hümmels wülln hamsn mim forum gmacht? i find ja üwahaupt koane knepf mehr.

 

[Borkenkaefer]

Oje, mir geht's genau so. Hom de nu nia wos vo: "Newa tschänsch a winning tiim" ghert?
Hoffentli Homs guade gründe. Des oide Design is gstorbn, oder schwer kronk und ko nimma orbeitn. Des wärn akzeptable Gründe.