Der - mittlerweile nichtmehr ganz so neue - "Wer ist Österreicher"-Thread (Part III)

[luizar]

oiso bissi entteuscht bin i scho.... i woar doch 10 tog weg und im forum is nit viel weiter kemmen.... i hob sogar mal alles durchglesen vül woars wirklich nit....
ahso... was ma no einfoit -
"und zum abschluss sag ich leise sch......" ggg (oba "ich vermisse mein mopped" hat ma auch gefallen") - meiner meinung waren des zwei der besten sätze im fülm ggg

 

[Ginseng]

ja luizar, ohne di geht hoit nix weita

@ungust: guat so, sport isch und bleibt mord, und es neuche motto isch eh: ballast abwerfn

 

[Ungust]

@ungust: guat so, sport isch und bleibt mord, und es neuche motto isch eh: ballast abwerfn

jetz schaugi doch wiakli scho darauf doss söbst meine "haustiere" gwicht valian, dabei bini doch ka befürwoata vom schlanksheitswahn - es gengan jo a so scho gnuag guate lokale ei, do muas ma net no weniga essn .

@luizar: i gibs zua mei motivation dossi irgendwos dua aussa fressn und schlofn is sehr niedrig - i hoff des schlogt um bis studian wieda onfongt .

 

[Goldbergus2]

GuddnMooooorgn, meine lieben Abenteurer und -innen!

Mit großer Sorge habe ich 14 Tog de Tippslarei do herinnan betrochtet und hob feststelln miassn, dass i wiedaramoi kaana Sau ohgonga bin ...

Naguad, haub i ma denkt, schreibst hoid heit wiedamoi wos da eine, damid de Bagasch ned auf Posts vom offiziöh aunerkauntn Fredweisn komplett vazichtn muass ...

@ Balatonfoahra:

I hätt mi scho gfreid wauns vorbeigschaut hätts ...

@ UnGUST:

Sog - bist da sicha daus des unnediche Gwicht ned de Battarien worn vo da Funkmaus? *fg*

@ Luizar

Geh - schick ma a FARB-Foto ...

@ 5.1 - Surround:

Heimkinoladen in da SCS <-- Des is a LINK!... gstopft vorbeischaun - stauna - orm wieda aussekräuln ...

@ Sport:

Jo, Leitln, des bin i !

Seitdem i am Wochenend in Drürnkrut beim Mittloitafest woa hob i a neichs Hobby und intaressier i mi fia wos völlig anderes: Draufklickn! ... und der foigende Link is a Filmchen von dera Bande ---> Draufklickn für Füümdownload!

@ Olle:

I hab alle meine Accounts am Monitor stehn ghabt , waasd eh, mitm wossafestn Füzla auffegschriem, damit i de 90 Tog ned vagiss ... die Schrift wor echt guad, i habs mit koan aanzichn Mittl owebrocht, Benzin, Alk und Meister Proper ham üwahaubt koa Schaunz ghobt ... Owa mitm Schmutzradiera aus da Fernsehwerbung is des RuckiZucki owegaungen ... und seitdem des weg is san 16 Chars ohgrennt ... jetzt laß i den Rest aa vafoin ... soin de Sochn zu Charsi zruckgeh. Des Kapitl Diablo2 hot se fia mi erledigt. punktum.

So, des reicht fia heit Morgn ...

Melds eich hoit amoi ...

Notabene: I hab heut Burzltog ... hea mit de Malakofftortn, aber prrrrrronto!

Oisdaun

Eicha oida Goldiga

 

[Ginseng]

morgn

@ungust: jo des isch hoit a vielschichtigs problem - anaseits muast ballast owerfn damit ois leichta wead und nimma so schweißtreibend isch, ondaraseits zült des jo irgendwia auf mehr ruhe, antibewegung, essensbewahrung (i maan wea maant doss ma nochm essn sich bewegn muas, dea hot doch de idee dahinta ned kapiert )...ois in oim hochphilosophisch und damit natirlich dei domäne

@goldi: jo ois guate du wülda kämpfa du

de schaukompftruppn schaugt ned schlecht aus, i find vor oim den namen supa

jo und du muast ned maanen dossd uns ned ogongen bisch, mia hom jo lei aus lauta traua und vazweiflung so wenig geposted, mia worn quasi olle gelähmt im angesicht deina owesnheit

btw wia schwaar ischn des hemdl?

edit: des video is ned schlecht

 

[Bier Bauch]

morgeeeeeen

@goldi - Alles Gute zum Burzeltag!
Und dei Outfit owned ziemlich

 

[Ungust]

Mo'ään!

servas zurück goldi und ois guate zum gebuatstog
des kettnhemd schaut suppa aus, kunnt woascheinlich a weng flauschiga sei owa sunst konns einiges .

des video is a suppa, voa oim da bluatiche-nosn-specialeffekt .

@ginseng: do host recht, so wiastas du bringst wundat ma si stoak warum da kant oda da hegel si nia mim essn beschäftigt hom - da hegel soit olladings ziemlich vasoffn gwen sei hobi amoi gheat .

 

[Goldbergus2]

jo und du muast ned maanen dossd uns ned ogongen bisch, mia hom jo lei aus lauta traua und vazweiflung so wenig geposted, mia worn quasi olle gelähmt im angesicht deina owesnheit

btw wia schwaar ischn des hemdl?

edit: des video is ned schlecht

... gute Ausrede, wirklich gut ...

Etwa 11,5 kg ... Falls du dir eins selberstricken willst: HIER die Bauanleitung ...

GB

 

[Ungust]

Etwa 11,5 kg ... Falls du dir eins selberstricken willst: HIER die Bauanleitung ...

GB

host des leicht söbm gmocht?
so quasi imma a weng voam fernseha "strickn"?

 

[Ginseng]

de onleitung isch ned schlecht, a wonn de versionsongob 2.0d vielleicht ned gonz stillecht isch

owa klass find i de warnungen:

Wenn Draht geschnitten wird, kann ein abgeschnittenes Stück mit beträchtlicher Geschwindigkeit in eine unbestimmte Richtung fliegen.(..)

Kettenhemden sind auch kein sicherer Schutz gegen Stichwaffen oder gar Schusswaffen!

jojo, willkommen im rl

 

[luizar]

moin olle! ggg

@burzeltagskind! di hob i nit vergessen ... und ois guadi wünsch i da nun!

da gorbag und i hom eh gerätselt wies ma machn suln dass ma di besuchen kemen oba es hot si diesmol nit ergeben - hoff aber dass die einladung noch besteht denn i würd gerne drauf zurück kemma

des hemd is klasse - warst zufällig ödg treffen oda wo host den an ghobt?

ggg da gorbag hat si im ungarn gut gehalten, die mutta hot ihn nit aufgfressen und da bruda hot ihn mit dem motorrad herumkutschiert ausserdem mocht er auf skates a a guade figur loool, oba den rest wird er sölba derzöln

@ foto: *g* hob kans gemacht - musst gorbag fragen - der hot welche lol

 

[storm22]

seas on olle

fotos braucht die wöt!

do schau i glei vü liaba eini...

moi segn ob i von ana Bekonntn a por Fotos auftreibn kon (vom Festival)

mein Freind homs do jo leida nochn 3tn Tog de Digi-Cam gstohlen
hob i nu gor ned erwähnt.

schod um die cam und die fotos.

 

[Borkenkaefer]

Griaß eng

Ois guade zu deim Geburtstog, Goldiga.
Auf das dei näxtes Lebensjoah nu bessa ois des letzte wird
und du nu vüle Schwertkämpfe gwinna wirst!!!! ​

 

[Goldbergus2]

*Gähn* ... 'moin, Gemeinde!

Oiso:

@ Olle:

1.: /me daunkt auf das untertänigste fia de nettn Burzeltagswünsche. Waun nur die Höfte davon ehrlich wor miassat i schpädesdens am Sunndoch Mülleonär sein ...

2.: Des Hemd ghert ned mir, sondern aana von de Getreuen zu Greifenstein hot ma's burgt zum Anprobiern ... is XXL fia maximal 155 cm Brust(Bauch)umfang ... geht se knapp aus ... des mocht der Greifnsteiner owa sicha ned wieda, denn mi hom 100 Leit gsehn mit dem Hemmat und de ham des aa olle aunprobiern woin ... der Greifnsteiner hot se in ***** bissn *gggg*

Und söwagmocht is aa ned - des kamma um bülliches Göd auf so mancher deutschn Webseitn bestelln ... auf Wunsch gibts Links. Maaa ... des warad de richtige Hackn fia mi oides Nerverl ... 13.000 Ringaln zammhängan ...

Notabene: Waunst Probleme mit Brust- oder Rückenbehaarung hast brauchst nur des Kettnhemd ohne was drunter aun- und wieda ausziagn ... die schnööste Ganzkörperepilierung die ma habn kann ....... ))))


@ Luizar: (Man beachte die seit Tagen fehlerlose Schreibweise deines Nicks ...)

Na, wor ka Zufall. Habs in da Zeidung glesn und hab ma denkt dass des wos fia Frau und Kinda warad ... is hoit aa wos fia mi worn *ggg*

Naguad - i geh segln ... meine Piratn wortn auf mi ... muas mein Urlaub ausnutzn ...

SeeYa

Old grey Gold

 

[Ginseng]

morgn

@goldi: ziachs hemad hoit aus vorm segln, sunsch weads schwar mitm schwimmen

 

[SerrAAngelus]

Geile Seitn
Naja Österreich vs. Deitschlond wie gehts aus leidln?

 

[--=}Mighty{=--]

morgn

3:2 für uns.... wie sunst?

bk: i überlegs ma aber thx fürs angebot scho mol

 

[SerrAAngelus]

3:2 jop hoff mas.....

 

[Ginseng]

[x] 3:2, da hansi is jo dabei

 

[luizar]

morgen!

ggg wer würd si nit 3:2 wünschen - oba imo seids ihr schon a bissi optimistisch....

@goldi - hob scho bemerkt dasst goz gnau auf die richtige schreibweise gukst - donkschein dafia
die site getreuen zu greifenstein ist echt cooll... i hab a in planung, dass i ma a tolles mittelalterliches kleid mal näh und vieleich moch i a mal bei einem life mit... ggg

wos gibts sonst neiches???