Der - mittlerweile nichtmehr ganz so neue - "Wer ist Österreicher"-Thread (Part III)

[[Pyro]]

jo ungust, unsa schrumpel Ötzi-ava, kennt ma wirkli ois omen deutn.

hoff ma nur ned des ma genauso verlurn gehn in den alpn wia da eude ötzi


dere, mike

 

[Goldbergus2]

Sechts, Burschn ... aus zB genau dem Grund meid i Berg wia da Teife is Weihwossa ...

Berg san schee auf Onsichtskortn ... owa brauchn tua i kaane.

I bin und bleib - waun iwahaupt - a Flochlaundindiana.

Und dahaam is dahaam.

Gruß

Gold

 

[Ginseng]

morgn

irgndwos hot mi do einazogn - ah, es reds üwa berg

oiso de san scho wichtig, solche berg, do komma aufikraxln und nochand owajodln, essentielle beschtandteile bei jedm tirola

 

[Goldbergus2]

Noamoi - da aanziche Berg der mi intressiert is a GOLDBERG ... owa der wochsd ned fur mein Haus ...

"Wozu steigt man auf einen Berg?" - "Weil er da ist." (Star Trek V wenn ich mich nicht irre)

Gruß

Gold

 

[genmanipuliert]

a berglonmdschoft is so ziemlich die schenste, vur ollem mit vü schnee.
mir dad des vioi taugen amoi a winterbergwonderung zu mochen fir a poar tog ...

 

[Ginseng]

oiso berg mit schnee san scho schen, owa i hob imma ongscht, doss nochand jemand auf de idee kimmt do owazumfohrn - und ski san so üwahaupt ned mei metier

btw i hob jetat a bissl doom3 ongfongen - oiso des isch scho guat gmocht, und gonz scheane schockeffekte homs a, do hot sich scho a bissl wos don seit doom1

 

[Goldbergus2]

Sport ... *brrrrrrrrrrrr* ... mi beidlts ...

Da aanziche Spuad den i moch ich professionelles Nasnbohrn ... fia ois aundare füü i mi z'oid und z'madig.

@ Ginseng: Okee, i gib da recht ... san scho schee, so Schneeberg ... owa auf Büdln ... drauf ummadumkräuln muas i ned ...

Und waumma obn is host a wundascheene Aussicht ... fia mi nua relevant waunst per Bahn / Sessllift (wauns nix ondars gibt - in Gottes Namen) oda Hubi auffetransportiert wiast ...

Gruß

Gold

 

[Ungust]

Mo'ään!

wos beag ongeht, hin und wieda lossi mi scho zu so ana kraxlarei hireissn, owa i schaug doss ausnomen bleibm damit i mi net zvü riah .

@doom: a freind vo mia hot des a gspüt und hots donn wieda aufgheat weua zu schreckhoft dafia woa .

@goldi: jojo star trek 5 is a fülle genialer zitate .

 

[Ginseng]

morgn oda so

oiso momentan hots wida temparaturn, do waas ma jo anfoch ned wos onziachn...des üwafordat mi wirklich, i bin in soichn momentn wida mehr geneigt de bewegung zugunstn der nacktheit im öffentlichn raum voranzutreibn

 

[Ginseng]

morgn

oiso i hob mir jo eigentlich seltn wos üwa a forum auszurichtn, owa bevor ma no weita owerutschn - sers gin

 

[Bier Bauch]

i hüv moi an ormen ginseng

morgen

 

[Borkenkaefer]

Des san jo schlimme Zeitn do herin. Woa a scho amoi rosiga bei uns do. Wo san den olle hi? Najo, i bin nu do!

Morgn!

 

[--=}Mighty{=--]

gutn morgn

wie gehts eich?

Borki wieder gsund?

 

[AgainstAuthoriy]

i bin a nu do

 

[Borkenkaefer]

Gonz gsund nu ned, owa mir gehts scho wieda besser. Des hast, i muass mi nimma so oft schneizn, nimma so oft huaschtn und Kopfweh hob i ah kanns mehr. Ob des on da Floschn Wein glegn is, de i gestan trunga hob?

 

[Ginseng]

jo des is jo a richtige invasion do harinnen

sers

btw thx bb, du mei stoiza retta

 

[Ungust]

Donn invadier i a glei amoi

Do bini wieda. De letzten tog hobi gonz vagessn zum einischreibm weu i in gedanken bei am potentiellen nebenjob fia mi gwesn bin. des is olladings e nix wuan hobi heit erfoahn, somit hobi wenigst wieda weniga stress .

@bk: guate bessarung wünschi, trink am bestn voabeugend no a floschn wein .

 

[AgainstAuthoriy]

seas und auf wiedaschaun!
i fohr für a poor tog weg!

und hf

 

[Borkenkaefer]

Griaß eng!
So, i hob gestern a poa Bier trunka und bin draufkumma das ma heit sogoa nu besser geht ois gestern. Oiso, alkohol is bei ana Verkühlung do ned so schlecht.

Fü Spass AA

 

[Ungust]

Mo'ään!

Ondraseits bini gestan draufkumma doss Alkohol ohne verkühlung a wos feines is .

übrigens bk: i woa heit zmittog im da luigi, des is wiakli guat , donksche fia den tipp .