Der - mittlerweile nichtmehr ganz so neue - "Wer ist Österreicher"-Thread (Part III)

[Goldbergus2]

Griaß eng
Bin grod aufgstond und fühl mi ois wenn i de gonze Nocht vo oide Dompflockn übafohrn worn wa.

(...)

Mei Ohr homs ma gestern scho obgrissn

@ Dompflok: *hrhr* ... dann scheint des eh a ideales Träning zu sein ^^

@ Ohrwaschl: Na sei froh dass dir ned 'n Bort anzünd' ham

Gibts scho a Foto von dein' neichn Autfit? *hihi* ...

... aber bedenke - es gibt Schlimmeres .. stö da fur, du miaßerst ois Gummi furn Schumacher sein neichn Gschäft rumrennan ....

 

[Borkenkaefer]

Fotos san gestan a gonze Menge vo mir gmocht worn, nur leida kanne vo mir Bekonnte Leit. Weil mi kanna besucht hot der a Fotogerät hot. Owa vielleicht wird des heit wos. Moi schauen

 

[AgainstAuthoriy]

auf de fotos bin i scho gsoaunt ^^
btw
heit is ötansprechtog in meina schui... und mei klass mochts buffett - des wird wieder stressig
ajo und hob an 3er auf die englisch schulorbeit bekumma, passt

 

[Ginseng]

gratz aa

sog bk isch so a kostüm wenigschtns warm? wenn jo donn dadad i momentan üwa an tausch nochdenkn (um a statement zum thema wetta durch de blume abzugeben )

 

[Ungust]

Mo'ään!

Gestan hobi mi doch no dazua higrissn und en BK auf da mahü bsuacht - i muas scho sogn schlecht issa net onkumma bei de leit .
i glaub i muas ma a amoi de öh-jobbörse onschaun wos de do sunst no lustiges zu bieten hom .

 

[Borkenkaefer]

So, griaß eng. Gestern wor da letzte Tog, das is ois Papaschlumpf unterwegs wor. Mei Kreizweh hot ma gsogt, das der Job unterbezoit is und drum moch i den heit nimma. Fotos werdn wahrscheinlich heit nu kemma.

 

[Ginseng]

morgn

@bk: hm, vielleicht konnsch a kur beantragn - am bestn amoi mim verzetnitsch fritzi redn, und a bissl de arbeitnehmerrechte einfordern...es geht jo ned, doss schlümpfe ausgebeutet werdn

insgesamt bedauer i owa dein schnellen abgang, i hätt scho no auf a österreich-tour ghofft

 

[Ungust]

Mo'ään!

I sogs eich i bin long fuatgeh nimma gwohnt. gestan is amoi wieda spot wuan, i bin heit um hoiba ans aufgstondn und mia kummt de gonze zeit no voa es warad in da fruah .

@schlümpfe: bei so ana benochteiligung fia blauhäutige leit soit ma en libro fost wegn rassismus vaklogn .

 

[Goldbergus2]

Guten Morgen, es Hallodri's!

Oiso GUST - i muaß dir sogn dass soiche Sochn NED zur ehrenhaftn Rufverschlechterung beitrogn ... oiso schau das'd wieda ins Träning kummst ...

BK: Oiso das'd noch de poor Tog schowieda 's (blaue?) Handtiachl wirfst is schod ... i hab di zwoa ned besuchn kenna (I woit mi aafoch ned von zehntausnd Einkaufsostblocklan derdrängan lossn) - bin owa da Meinung das'd bei'd Kinda sicha a große Gaudee ausglöst hast ... *ggg* ... notabene kaunst jo froh sei das'd a worme Berufskleidung griagt host ... hot aa ned a jeda *hrhr* ...

AA: Gratz zum Dreia! I siech, du gehst den goldanen Mittl weg ... bessa ois ois Streba vaschrian zu sein und bessa ois ois Nixwissa zu götn ...

So - des reicht ... jetzt haasts Pause mochn un Kaff schlürfn ...

See ya, Folks

GB

 

[Ginseng]

morgn

@goldi: i find dei idee mit dem pause-mochn sehr vafolgnswert

 

[Goldbergus2]

Auch 'n Morg'n !

Gelle, die Idee hot wos *hrhr* ...

 

[Gorbag]

Pause mochn *zustimm* des hot wos, gfrei mi schu auf de Weihnochtspausn von 2 Wochn Betriebsurlaub

 

[AgainstAuthoriy]

hui, longsom oba sicha muss i vü für de matura mochn... am freitog mathe schulorbeit... schau ma moi
--> lernen!!
wo wor ma... pause machn? nix do ^^ und wenn i moi zeit hob spü i eh mit meina neichn gitarr(gestan bekommn *freu*)

 

[Goldbergus2]

Pause mochn *zustimm* des hot wos, gfrei mi schu auf de Weihnochtspausn von 2 Wochn Betriebsurlaub

von 23. 12. - 9. 1. hob i Betriebsferien - da mach ich Ferien vom Betrieb ... noch 9x schlafen ...

GB

 

[Ungust]

Mo'ään!

Mia kummt de Uni a scho imma zaacha voa - i hoff i biag des tutorium heit gscheit hi und wiakt net oizu geistesanbwesend .

Dafia hobi wenigst scho olle Geschenke fia Vawondtschoft und zuagmutete beinond, wieda amoi a joa ohne stobmixa auskumma .

 

[Goldbergus2]

Mo'ään!

Mia kummt de Uni a scho imma zaacha voa - i hoff i biag des tutorium heit gscheit hi und wiakt net oizu geistesanbwesend .

Dafia hobi wenigst scho olle Geschenke fia Vawondtschoft und zuagmutete beinond, wieda amoi a joa ohne stobmixa auskumma .

Moizeit!

Wos gehst aa studiern *fg* ... Andaraseits: So guad wia jetzan gehts da sicha nochher nimma ... *hrhr* ...

Gruß

Gold

 

[AgainstAuthoriy]

gschenke kaufn? i kauf nie wos... i mog weihnochtn a net - i würd a kan adventkronz hobn... najo i geh wos essn ^^

 

[Goldbergus2]

gschenke kaufn? i kauf nie wos... i mog weihnochtn a net - i würd a kan adventkronz hobn... najo i geh wos essn ^^

Aber schenkn loßt dir scho wos - oder? *sfg* ...

ajo ... wohl bekomms

 

[Borkenkaefer]

So, griaß eich. I bin wieda do. Woa vo Somstog bis heit (oiso Mittwoch) in Soizburg bei an Freind. Worn echt a poar gmiatliche Tog.
Und ihr brauchts ned glaum, das i ma wos vo der Stodt augschaut hob. 1.) Wenn i mein Freind hob, brauch i sunst nix und 2.) So schen wia Wean kauns eh ned sei

 

[AgainstAuthoriy]

Aber schenkn loßt dir scho wos - oder? *sfg* ...^

na sicha

des is imma so, meist schenkt mei schwesta wos meine eltan und i soj i schenk mit

gz
-AA-