Der - mittlerweile nichtmehr ganz so neue - "Wer ist Österreicher"-Thread (Part III)

[Ash-Nazg]

hey nimloth! schauts olle in nimloth sei sig eini!!!!!!!1 gonz wichtig!! do sechts wo mei nomen her kummt! an mei herz, bruada ! des is büdungslesen!

 

[Goldbergus2]

hey nimloth! schauts olle in nimloth sei sig eini!!!!!!!1 gonz wichtig!! do sechts wo mei nomen her kummt! an mei herz, bruada ! des is büdungslesen!

Oiso des waas i a soo aa ... *hrhr* ...

Ash nazg durbatulûk, ash nazg gimbatul, ash nazg thrakatulûk ash burzum-ishi krimpatul

One Ring to rule them all, One Ring to find them, One Ring to bring them all and in the darkness and bind them

Ein Ring, sie zu knechten, sie alle zu finden, ins Dunkel zu treiben und ewig zu binden

... oda wos zwickt mi do ... ?

Edit: Notabene gibts no a BlackMetal - Band dieses Namens ... Ash Nazg /Edit

 

[AgainstAuthoriy]

da goldi is gscheit
@wadln: wos kaun i dafier?

woats i lod glei a poor laundschoftsbüda aufe

 

[Bul-Karasmion]

Suppa Büdln

Host a poar nackte Frauen ah obglichtet

 

[Goldbergus2]

woats i lod glei a poor laundschoftsbüda aufe

UNTERSTEH DICH !!!

... oder machs zumindest vorher kleiner ...

... und gib mir a Antwort auf mei Frag nachm Zaubatrank *fg*

 

[AgainstAuthoriy]

Suppa Büdln

dangö
des letzte mog i am liebsten ... des schaut afoch cool aus... do wor ma auf aner verteidigungsaunlog zum meer hin

@goldi: i brauch kan trank
und das da goldi so wünscht, lod i glei jetzt a poor büda aufe ^^

edit: so hier sand de büda ^^
schener ausblick

des wor de verteidigungsanlog

a a geniala ausblick - ausm bus ausse fotographiert

unsa hotel... wir hobn ~20sekundnn bis zum straund braucht - wobei des is nur
ans unsera hotels - wir woren in 4(oder 5 ???) <-- oba des wor afoch genial!

i mog die engen gassn

solche sochen gibts überall durt

 

[Goldbergus2]

So. Und weust SO foigsam worst und de Büda brav ned verkleinert host gib i jetzan - boshaft, aba ungerecht, wia i nuamoi bin - zu jedm mein Sääämpf ...

(...) und das da goldi so wünscht, lod i glei jetzt a poor büda aufe ^^ (...)

schener ausblick
-> ... hast den "Sprung vom Kopf des Löwn" durt gmocht? Wäu des hätt dei Widaspenstigkeit erklärt ....

des wor de verteidigungsanlog
-> ... und seitdem ihr dort wats schauts aus wia a Ruine ...

a a geniala ausblick - ausm bus ausse fotographiert
-> ... host lei ghoft dass de Nessie auftaucht?

unsa hotel... wir hobn ~20sekundnn bis zum straund braucht - wobei des is nur ans unsera hotels - wir woren in 4(oder 5 ???) <-- oba des wor afoch genial!
-> 20 Sekunden? Senkrecht owe? ... Wieso so oft gwechslt? Hams eich aus jedm nach 12 Stundn aussegschmissn?

i mog die engen gassn
-> Glaub i euch. Da kamma leichter von aana Bar in die Nächste foin ...

solche sochen gibts überall durt
-> und jetzt stengans olle ois Vurlog bei dir dahaam, göö?

LIEBE Grüße vom oidn

Goldbergus

 

[AgainstAuthoriy]

beim 5ten hättast sogor recht
wegn dem 4ten: wir sand durch hoilb-griechnlaund gfohrn und haum uns vülle sochn agschaut - mir wors eh zuvü

 

[Goldbergus2]

(...) wegn dem 4ten: wir sand durch hoilb-griechnlaund gfohrn und haum uns vülle sochn agschaut - mir wors eh zuvü

Huach zua und lerne, Mr. T ...

I bin mit meiner damalign Freindin (meiner heitign Holdn) und aan 2. Mädl im Summa '92 noch Florida gflogn. Im Juli. Oiso im Hochsomma. Da is Regnzeit durt. 3 Wochn laung hats pünktlich umma Drei nochmettogs a Wossawaund oweghaut dasd Hand vord Augn nimma gsehn host ... Owa des nur nebnbei dazöht.

Oiso drei Wochn warma durt. A Wochn in Meiami - weu de Weiba unbedingt bodn woitn. A Wochn nur Saund und Schopping. Schas mit Quastln. Daun hab i mi grächt ...

I bin in de vabliebenen 14,5 Tog mit de Zwaa Weibsn 5.500 km gfoahrn ... und hob denan a Programm zagt dass mit de Uhrn gwocklt hom ... Blosn hams ghobt an de zartn Fusserln *hrhr* ... (Ajo: Ich HASSE Automatikautos. Owa de untabelichteten Amis haum jo nur automatische ... a Höllenfahrt fia mi ...)

Vo Meiami auffe noch Cape Canaveral, Orlando, Westküstn umme, wieda owe bis zum Spitzl, owe auf de Keys (Heast Oida .. Key West is leiwaund ... und wos fia'n oidn Hemingway guad woa kaun fia mi in da Pense nur büllich sei ..), daun a por Tog in de Everglades, Indiana und Gösn schaun ... daun reddour nach Meiami und ob noch Haus ... im vollbocktn Lauda-Ersotzbomba, weu da echte in Thailaund owegfoin is ... sofüh Vottaunsa pro Minutn wia i hot glaub i no kaana auf aan Flug ausseghaut ...

Sofüü zum Thema "Mir wors z'füü" ... *hrhrhr* ... Kaunst da gern amoi de Büda anschaun kumma. San zwaa Albn mit an Gesamtgewicht von Sexahoib Kilo ...

 

[AgainstAuthoriy]

hehe
wir sand ah ~2000 kilometer gforn und hobn uns fost nur stana augschaut
i bin net so a kultur-freak

wor ma afoch zuvü ^^

 

[Goldbergus2]

hehe
wir sand ah ~2000 kilometer gforn und hobn uns fost nur stana augschaut
i bin net so a kultur-freak

wor ma afoch zuvü ^^

Du hättest oiso genauso wia meine Weibsn fia "BODN" gevotet ... *hrhr* ... I hob hoid fia "KULTUR" gevotet ... oda wos de Amis darunta vastehn hoid ... *fg*

 

[AgainstAuthoriy]

hehe
amis und kultur

i warad für party!!!
und ollas wos dazur ghert

 

[Borkenkaefer]

Hiermit verleihe ich Kraft meines Amts ois Fredweiser die goldane SC im Moßstob 1 : 100 an den hogeschätztn Borknkäfa. .. Oooops ... jetz is ma owegfoi .. vaflixt .. wo is des Luada .... heeeeast, hobts es a Lupn fia mi ... ?

Donke, donke, wennst ma jetzt nu sogst wos de goldane SC is, konn i mi nu mehr dürba gfrein, üwa de verlorene Auszeichnung :

... im vollbocktn Lauda-Ersotzbomba, weu da echte in Thailaund owegfoin is ... sofüh Vottaunsa pro Minutn wia i hot glaub i no kaana auf aan Flug ausseghaut ...

I bin domols mit dem original Lauda Fliega mitgflogn. Owa natürli bevors in Thailaund ogschtiazt is. Des woa glaub i des erste und letzte moi das i in meim Lebm a Glick ghobt hob

 

[Goldbergus2]

hehe
amis und kultur

i warad für party!!!
und ollas wos dazur ghert

Party?? Was? Wann? Wo? Mit wem? I komm!

I brings Bier mit - und du die Mädls ... *hrhrhr* ...

 

[Goldbergus2]

SC = StratoCaster

(Moßstob 1 : 100 - Abbildung vergrößert *fg*)

 

[Borkenkaefer]

Ah, a original Strat hätt i eh gern. Hob om Somstog ane in da Hond ghobt, des is scho wos feins. Do konn se mei Nochbau versteckn [ironie]überraschung[/ironie]

 

[AgainstAuthoriy]

jop a strat is scho nett
oba mir taugt mei ibanez scho total - style³³³

@gold: hehe! des taugt da a ^^

ps: i spü vielleicht boid in ana band

 

[Ungust]

Mo'ään!

endlich wieda amoi wos los do harin, do kummst jo fost mim nochlesn net noch .

wos a sc ongeht waasi nua doss des de "sie wird mal mir gehören" gitar vo waynes world is .

@AA: schene büda , des erinnat mi on mei eigene feuchtfröhliche maturareise auf kreta .

 

[Ginseng]

meine güte saads es olle getriebene - 2000km

oiso i hol ma zwor im urlaub a oft wos zum trinkn von da bar, owa ob i do auf solche distanzn kimm

btw isch waynes world a scheana fülm

 

[Rasgharoth]

Seavas, Leidln, I bi a Tirola, und bi natüalich stoiz drauf.

Auf de Gsundheit !