Der "Wer ist Österreicher"-Thread - winntetsch quasi und rundumadum ogstaubt

[Borkenkaefer]

I glaub a, des is a netts Gen. Und sunst? Scho olle Gschenke kafft, bastelt oder gstoin?

edit: fois ned, wird's jetztn owa knopp.
Schene Feiatog, eich olln do herin.

 

[Ginseng]

i hon mi vor a poor johr mit da sippn auf a no-schenking-policy geeinigt, wos ma olle recht entsponnend findn. de übrige zeit wirkt sich hoit fatal aufn keksl-vorrat aus

jo enk a, schiane weihnochtn und a poor gmiatliche stundn (wonns an smiley dafia gibt, nochand stellts enk eam do vor)

 

[Borkenkaefer]

Ajo, i erinner mi. Des host scho amoi gsogt ghobt.
Letzts Johr zWeihnochtn, hots mei Vota und sei Frau a bei mir probiert, indems gmand hom, schenk ma uns näxts Johr nix. Drauf hob i gsogt, ihr kennts ma eh nix schenka, vo mir kriagts sicha wos.
Wias don heia soweit woa, hob i on sein Gsichtsausdruck gseng, das a si nur on den Teil "schenk ma uns näxts Johr nix" erinnert hot

 

[Ginseng]

jo mia homs heia scho no durchdaholtn, owa longsom bröcklt de front, mit so "isch ja lei a kloanigkeit" und so weita. es pendl schlogt wohl wieda in richtung pakelen.

sonsch alls guat üwastondn? und schaug eigentlich wer westworld?

 

[Borkenkaefer]

klor hob i westworld gschaut, is scho ziemlich guat wordn, de Serie.

und kennst sense8? a a Meisterwerk.

Ajo, ans hob i nu: https://www.dasmagazin.ch/2016/12/03/ich-habe-nur-gezeigt-dass-es-die-bombe-gibt/
A interessanter und grauslicha Artikel.

 

[Ginseng]

jo, der artikl isch zach, und a wonns es a bissl dramatisiern, luschtiger weads nimma.

sense8 hupft ma imma wieda vor de nosn im netflix, owa i hon no nia drauklickt - von wegn bauer und ned kennen und nochand ned essn und so. owa wonn du des sogsch, donn moch i des amoi.

 

[Estragon47]

gott i hob kan tau mehr um wos da geht - gibts a zamfassung?

 

[Borkenkaefer]

Ums guade neiche Johr, what else

Owa des host da vo, Estragon, wennst nia einaschaust.

 

[Estragon47]

jo s duat ma load -woa grod afoch zvü los
ois guade eich olle

 

[Ginseng]

dir a ois guate esi

und sads olle beim schneemonn-baun?

 

[Borkenkaefer]

Sicha ned, eha beim ärgern, das wenn i 5 Minutn im wormen Büro sitz, da Dreck vom Profil vo de Schuach ausaschmützt und lässige Lockn aufn Bodn mocht. Durch de fohr i donn mitn Sessel drüber und verteils anu urdntlich.

 

[Ginseng]

nochand bisch jetzat jo wahrscheinlich wida losgetaut, ha?

 

[Borkenkaefer]

Jo, owa mia is nu imma zkoit. Wenigstns da Schnee is weg. Oda fost.

 

[Ginseng]

mia kimmt jo foscht vor, dass es kälta wead, wonn dir koit isch. sog amol, dass da zwarm isch, vielleicht hüfts (mir isch a zkolt).

 

[Borkenkaefer]

I bin ma nu ned sicha, ob i wirkli om Wetta schuid bin. Werd des owa definitiv nu weita beobochtn und do herin natürli ois ersters Bscheid gebn, wenn i mei Schuld bewiesen oder widerlegt hob.

Jedenfoi hoff i derweil amoi, das des grippige Gefühl, morgen wieder weg is und om besten nur a Einbildung is.

 

[Ginseng]

ojegasl, hots di dawischt? trogns de scho aussa aufn grippekarrn? oda bisch scho wida aufm domm?

im fall der fälle, guate besserung

 

[Borkenkaefer]

Haha, nix is wordn, i bin dem Grippeteifi nu amoi vo da Schaufi ghupft. Hoff es bleibt dabei.

Und bei eich, wos tuat se do so? Neiche Serien, Aufgobn, Spüle oder sonstiges? I hob ma de erstn Foign vo Tattoo amoi ogschaut, wirkn bis jetzt gonz guad.

 

[Ginseng]

ja so a glick, grod no rechtzeitig de richtige potion dawischt

mei es isch unereignisreich daweil amol, recht vui zum tuan, be de serien schaug i grod amoi a bissl veep, des isch recht nett.

 

[Borkenkaefer]

Veep hob i goa ned kennt, hob ma gestern glei 2 Folgen ogschaut. Is owa ned meins, mia vöd do da Michael J Fox

 

[Ginseng]

vielleicht soit ma sich eh koane polit-serien mehr onschaugn, des wos so grod obgeht reicht - wobei, vielleicht dechtasch a bissl otauchn bei dem gonzn trauerspü.