Der "Wer ist Österreicher"-Thread - winntetsch quasi und rundumadum ogstaubt

[Borkenkaefer]

Do host recht. Bei dem an denk i ma, a jeda kriagt den Stronach, den a vadient. Und beim ondern vasteh i ned, warums erm nur vor de Tür kackn. Owa das beide Gefährder san, do bin i ma sicher.

edit sogt: bei expanse geht heit de zweite staffl weida

 

[Ginseng]

donkschian, bk, jetzat hon i amoi lochn miasn und amoi isch mei fernsehkalenda wieda volla
vagellts gott, kriagsch a großes sterndl fias mitarbeitsheftl

 

[Borkenkaefer]

Haha, des gfreit mi.
Owa, nochdem du mir de geile Serie näher brocht host, is es mei Pflicht, dir des zum sogn.

 

[Ginseng]

so, i hon mei bodhosn wida einpockt, noch de letztn tog glab i nimma an plusgrade. i tat jetzat a gern no an bledn witz von wegn klimaerwärmung mochn, owa am end nimmt des no wer ernscht, ma woas jo nie

 

[Borkenkaefer]

Jo do host recht, wobei mei Standardontwort is auf sowos imma: Österreicher Thread first! oder "Spaßdemo".
Des wähl i donn situationselastisch. Je nochdem, wia koit das grod draussn is.

 

[Ginseng]

des isch gscheit.

apropos gscheit, i hon mit da zwoatn staffl jetzat ongfongen, i bin zfriedn.

 

[Borkenkaefer]

Jo i a, vorollem find i guat, das mehr erklärt wird, wias zu de blauen Viecher kummt. Des gfoit ma, i bin nämli ned da hellste Stern und drum mog i des, wenns mi ned im dunkeln lossn.

 

[Ginseng]

ma kunnt sogn, se sein service-orientiert - des gwinnt imma

kennsch du eigentlich en rehfeldt andy? wonn nitta, schenk eam on blick auf youtube, des isch recht erfreulich find i

 

[Borkenkaefer]

aha, na, den hob i ned kennt. Zerst hob i glaubt i bin mit erm ind Schui gonga. Weil de Frog heart se so o, es wia won ma an vo an Ort frogt, wo ma an kennt. Und der Nome is ned so unösterreichisch. Herst, kennst du eigentli den Hinterdorfer Peda?

Drum hot mi a gwundert, dass des a Amy is. Bin owa sehr begeistert vo seiner Musik, vorollem de Jazzversionen homs ma bsunders antan. Donk da recht

 

[Ginseng]

gern, gern, guate sochn muas ma vabreitn.

i red holt gern (im intanet) so daher mit de nomen, des mocht olls glei lässiger.

 

[Borkenkaefer]

Jetztn host owa long ned einagschaut. Des tuast ma nimma.
Mitn Senf rechnet i eh scho nimma Der lost uns do gonz sche im Stich.

Host du eigentli Black Sails a ongfongn? Do rennt nämli grod de vierte Staffl, de is wieder sehr lässig.

 

[Ginseng]

jo asche auf mein schädl, des tuat ma lad - ma wead nochlässig, owa des darf ma nitta

owa immahin bin i ned da letzte, der no fahlt

ma na, danke fia de erinnerung, i muas des amoi aufholn, mir kimmt ollaweil wos dazwischn.

 

[Borkenkaefer]

Wenns da a Freid mocht, wos da dazwischn kummt, is eh guad. Wenns owa a Schaß is, muast sauwa aufpassn, des ko sunstn chronisch werdn

 

[Ginseng]

sog teischts mi oda hosch da a lifting vapassn lossn?

expanse isch ma zb dazwischnkemmen, de tuan grad brav wild umma.

owa i segl grod durch folge oans, nockige gibs a scho - bin i glei zfriedn

 

[Borkenkaefer]

Jo, mi hots a auf amoi gschreckt, weil i do so gspentisch ausschau.

Haha, jo, de erste folge. Do woa a nu a Koch der in Blackbeard kenna lernt

 

[Ginseng]

so, jetzat hots mi a dawischt und i hon ma de erste staffl ondaschaugt - guat guat, lei mir gehts imma so nah, wanns eana schiffln hinmachn. i moan, des muas ja oana a wieder reparieren.

 

[Borkenkaefer]

Ha, des gfreit mi. Und jo, mir is des erste moi a fost s Herz steh bliebn, wie de Kanonenkugln ins Schiff einifliagn.

Weche Figur gfoit dann om meistn? Oiso, host an Favoritn?

 

[Estragon47]

so wiada moi do
is grod afoch zvü los und iwie valia i dauand in fodn in dem thread

 

[Ginseng]

sarvus du vübeschäftigta - owa da wortwitz allanig woas wert, dass einagschaugt hosch. tua di nit zu vü stressn.

@bk: du es san a poor gonz gmiatlich, wobei da heimliche favorit mittlaweile da alte koch isch. da silver hot ma am anfang goa ned taugt, dafia jetzat imma bessa. und im herzn wollma wohl alle so lässig sein wie da vane karli.

en brillnheini pack i dafia gor nitta und die lady in blond kratzt a hoat an meine nervn.

wie schaugs bei dir aus?

 

[Borkenkaefer]

So is mir a om Ofong gonga. Do hob i den Silver a ned meng, owa des mochns guad, er wird imma sympathischa.
Owa om liabstn hob i a des Trio, Vane, Rackham und Anne Bonny. De schern se om wenigstn um Politik.

Beim Brillnheini und da Blondn stimm i da a komplett zua.
A poa lässige Leit kumman nu in späteren Folgen. A poa blede a.

Estragon! Les hoit afoch noch. Steht jo eh ois wia a Reisetagebuch do. Mei bin i froh, das wir ka Kunstförderung kriagn.