Der "Wer ist Österreicher"-Thread - winntetsch quasi und rundumadum ogstaubt

[Ginseng]

i siech scho, drei skeptische gestoitn hockn an der bar und schaugn gonz kritisch, wea jetzat einakimmt und noch borknkäfer frogt - vielleicht mocht wea amoi an spüfilm drauß

 

[Borkenkaefer]

Nochdems mi, "Wia schreibt man des?" beim reserviern gfrogt hot, hob i gwußt, des wiad a Fümreifes Obnteuer.

 

[Estragon47]

jo - woascheinlich woatn daun olle auf uns

 

[Ginseng]

so, jetzat weads ernscht - und damit moan i ned die regierungsbildung oder en buwog-prozess

 

[Estragon47]

I bin bereit ^^

 

[Borkenkaefer]

Erster!
Schen woars, warad schod, wenn ma wieda so long wortn, bis amoi so weit is.

edit: und jo, i kriag nu an grodn Sotz aussa

 

[Ginseng]

mei do bin i ja no in da ubahn ghockt, wo du scho wieda postesch bk - und nochdemd no a edit mochsch und koan dopplpost hosch dei robuschtheit bewiesn

jo fein wors, i bin a dafia, doss ma des zeitfensta auf deutlich unter zehn johr druckn.

 

[Estragon47]

Jo woa fein. Gean boid wieda

 

[Borkenkaefer]

I woas a ned, owa i fü mi heit kaputt. Guad, dass morgn a neicha Tog is.
Weil ma vo Cities Skylines gredt hom: https://www.youtube.com/watch?v=ewFvpuJdwVc
Da Bob Ross, vo de Städtebauer.

 

[Ginseng]

und geahts wieda aufwärts bk? keks-infusion?

donkschian fias video, jetzat muas i des a wieda onschmeißn. scho schian.

 

[Borkenkaefer]

Jo, s geht wieda. Wobei i jo gestern de Weihnochtsbesuche erledigt hob. Sonnenblumenbüdl hob i überreicht und i moa, de Großmutti is zfriedn damit.

 

[Ginseng]

des klingt jo guat, dem künschtla sei gratuliert.

i sog amoi auf verdocht "schiane weihnochtn", weil i nu ned was, wöllene keks/kugln/bama mir no in die quere kummen. vorsichtig mim eialikör.

 

[Borkenkaefer]

Donke! Und ebenfois a schene Weihnocht, wobei i morgen eh den gonz Tog do einaschau

 

[Ginseng]

die zeit zum chrischtkindl ummabiagn, i vasteh

edit: oiso, donn wag i den edit, guatn rutsch und bis nächsts johr, und gsund bleibn

 

[Borkenkaefer]

Des mitn gsund bleibn hot leida bei mir ned ghoifn: Om 29 is mei Frau zu mir kemma, sie füht se a wengal kronk.
Natürli hob i sie gepflegt und gehegt, mit dem Donk, das i a om 2.1. kronk wordn bin.

hoff eicha Rutsch woa bessa!

 

[Estragon47]

jo woas. nu imma krank?

 

[Borkenkaefer]

Wennst frogst ob i nu im Kronknstond bin: Na, i geh scho wieda hackln.
Wennst wissen wüsst, ob da Schnupfn scho weg is: Na, de Sau is nu imma do

Owa i rechne fix damit, dass de Wochn nu da Tog kummt, wo i ohne komische Geräusche tiaf Luft hoin ko.

 

[Estragon47]

waun i imma im Staund worad wenn i schnupfn hob... dann hed i boid kan job mea hahaha
aber guad wauns wieda aweng bessa is

 

[Borkenkaefer]

Sei ned frech, i woa in 21 Monat des erste moi im Kronknstond und ned weng an Schnupfn, sondern an grippalen Infekt. Mit Hoisweh, Schnupfn, Gelenksschmerz, Huaschtn und erhöhter Temperatur. Jetzt is hoit nur mehr da Schnupfn davo üba, gfraßt

 

[Ginseng]

i siech scho, es braucht a rundn toschntiachln und mitleid do harinnen - wead scho wieda, wead scho wieda.

bk, wonn i zwischn de bakterientriefndn zeiln les, gibs wieda a frau bk? nochand gz hf gl

i tua ma jo hauptsächlich load, weil jetzat olle wieda do san und olle irgendwos woin. feiertog war schiana, a im büro.