Der "Wer ist Österreicher"-Thread - winntetsch quasi und rundumadum ogstaubt

[Ginseng]

i bin jo in vasuchung üwa de hitz zum redn, owa irgendwie redn olle üwa de hitz, do geb i ma selba hitzefrei. wobei, worm isch scho. ma merkts vielleicht am poschting, mei hirn lafft nimma so gonz rund.

 

[Borkenkaefer]

Jo, do gib i da recht. Wobei bei mir im zimma is mehr laut ois woam, weil i wieda de Klima aktiviern hob miassn.

 

[Estragon47]

30,5 grad beim hamkuma... na servas... i hob aungst voa da nächstn wochn...

 

[Borkenkaefer]

Hundedeckn incomming!

 

[Estragon47]

Mah ja die hoi I ma moang

 

[Ginseng]

ma konn die sponnung richtig schneidn do harinnen. wonn i heit ned schloffn konn, donn ischs ned wegn da hitz.

 

[Borkenkaefer]

Geh, loss uns ned so hänga und erzöhl scho: Wia is?

 

[Ginseng]

i sog das, bk, der liegt irgendwo einkuschlt in sei kühldeckn und hot uns scho längscht vagessn. und glücklich und friedlich schaugn tuat a.

 

[Estragon47]

sche woarads. owa i woa gestan do... der paketshop hod ualaub... -.-
bis 20.08.

 

[Ginseng]

du hosch mei volls mitgfühl - des muas jo schlimma sein ois wann zweihnochtn de heizdeckn untam bam fehlt

 

[Borkenkaefer]

Vorollem, i versteh ned, wia sowos erlaubt is, das a Paketshop zua hot, des is jo irre. Nu dazua so Long. Gibt's do ka Gesetz dagegn?

 

[Estragon47]

i wissat nixi leida...owa wos was i vo gsetzn...

hob amazon gschriem wei i a mail kriagt hob waun is bis 11. ned hoi daun schickan sis zruck... wo i ma denk jo wia denn?
owa jetztad schickans ma glei a neiche... wiad hoid wieda a zeidl dauan des hoast i brauchs woascheinli goa nimma bis de kumt -.-

 

[Ginseng]

an jurischtn brauchtma do harinnen, meimei

wos homsn mit deim avatar gmocht, estragon? der isch jo richtig aupoliert.

 

[Estragon47]

jo des warad praktisch

tjo... hob i ma söbst eibrockt...

nachdem i nimma d3 spü is iwie aweng sinnlos gwen das i Sektionsleiter vo de News woa...
drum hob i mein Rücktritt angeboten ois Sekkie und bin nua mea Mod

hätt eh gfrogt ob i den ondren avatar behoitn derf owa bin oblitzt ^^

 

[Borkenkaefer]

So bin wieda do vo Kreta, schen woas, vo de Temperaturn her vü ongenehma ois in Wean, söbst ohne Hundekühldeckn.
Wos tuat se auf dem Gebiet?

 

[Estragon47]

auf wöchem? Decken... die wird wiada zruck gschickt und wauns dort okumt schickan sies numoi... vielleicht schau i owa a moang hi und hoi mas waun des geht... wei vielleicht is ja nu ned zruck gschickt woadn... und is ja nua a stroßn weida... die wochen wiads e a has...

 

[Ginseng]

mir schwont, ma kunnt nochand aus da deckn-gschicht a guats moderns theaterstickl mochn amol.

@bk: des klingt jo eh fein, hosch es famüliäre guat bewöltigt? wie wors meer durtn?

 

[Borkenkaefer]

Des Meer is super gwesn, ongenehm woam und sandstrandig. Nua de Liegn hom zu an ondern Hotel gheart und des hom sa se teia zoin lossn (7,50 pro liege, er hot uns owa 3 fia 15 gem).

Ois Famülie hots a gonz guad funktioniert. Wia hom fü jolly gspüd und Cocktails trunk. De natiarli a ned beim Oll inclusive dabei san. Ajo, den inkludiertn Kaffee host ned saufn kenna, deshoib hob i den a imma kaffn miassn. Im großn und gonzn ka billiga Urlaub, owa jetztn was i, was i des näxte moi onders moch. Essn woa sehr guad, owa lauwoam. Wegn Büffe und an haufn Leid, de de Tegln imma aufgmocht hom.

 

[Ginseng]

bis aufs ned-inklusive-inklusive klingt des eh supa. urlaub san sowieso a dauerlernprozess, und ohne leid, de ois offn stehn lossn (oda üwahaupt ohne leid) sans no bessa.

 

[Borkenkaefer]

Jo, do host woah! Fias näxte moi bin i scho gscheida.
Om Donnerstog hob i mi fia Drivenow ogmödt, 0,36 euro in da Minuten, is echt lässig fia a klane Besorgung.
Und donn gestern glei bei Sixt a Auto fia an Tog ausboagt um meina Familie mei neiche Frau vorzustön.
118 euro fia an gonz an neichn (38km) BMW x1 auf 24h, is echt a guada Preis.
Ajo und mei Familie woa eh liab zu meiner Frau