• Herzlich Willkommen!

    Nach der Schließung von inDiablo.de wurden die Inhalte und eure Accounts in dieses Forum konvertiert. Ihr könnt euch hier mit eurem alten Account weiterhin einloggen, müsst euch dafür allerdings über die "Passwort vergessen" Funktion ein neues Passwort setzen lassen.

    Solltet ihr keinen Zugriff mehr auf die mit eurem Account verknüpfte Emailadresse haben, so könnt ihr euch unter Angabe eures Accountnamens, eurer alten Emailadresse sowie eurer gewünschten neuen Emailadresse an einen Administrator wenden.

Der "Wer ist Österreicher"-Thread - winntetsch quasi und rundumadum ogstaubt

Des hast du ändast so jetztad goa nixi?
 
Sicha, i nimm des Vitaminzeigs, tua meine Haxn täglich dehnen, bersorg ma a Pulsuhr und werd mit Ausdauer ofonga.
Oiso des is jo woi ned nixi.
 
Asso ok. Na Daun :)
Und wos is des zü von dem ganzen? ^^
 
des isch sehr löblich, bk, nochand isch da thread auf dekadn ogsichert. btw es isch a qual, dass des postn da harinnen nix zur verjüngung beitrogt. es umfeld warad doch eh a jungbrunnen.
 
Do host recht. Wobei, des mitn fitta sei is jo a so a Soch. Des ma länga lebt, sogt des a ned. Oda das ma ka Pech hot und wos Oarschigs dawischt. Und um des Riskio zu varringan, soitad i hoit weniga saufn und nix rauchn.
 
Owa des is ka option dawei oda wia? :p
 
i denk ma holt imma, wonnd auf alls vazichtesch und nochand daschlagt di a bam, nochand dad i mi a ärgern. isch eh a broads spektrum, owa halt so a bissl warad fein.

btw hot da steam sale eppas sinnvolls dabei?
 
a schaug on - i hon a poor emails mit game-on-wishlischt-günschtiga kriegt und hon glei geschlussfolgert - so schnö geht des mim social entscheniering
 
So gseng woa scho a sale: a Halloween sale, wo ois, wos gruselig is, vagünstigt woa.
Nochdem i grod wieda Cities Skylines spü, hob i do goa ned so genau übalegt, ob i wos kaffn soid.
 
iwie häng i afoch bei Europa Universalis 4 fest hahaha
des wiad ned bessa owa is eh ok. so spoa i ma doch was ois waun i imma neichs zeig kaufn wüad
 
awoll, nochand bin i lei holbad danebn glegn.

@estragon: eh ok isch eh supa.

und wonn ma scho auf der seitn san: blizzard isch echt gschickt mit eanare onkündigungen :rolleyes:
 
wos de englända grod wieda aufführn, isch a eam shakespeare unwürdigs schauspü. besser ois tatort, owa trotzdem.
 
Scho, und i warad ned dafia gmocht mia des ois May ozutuan. Owa soche muass a gem, oder?
 
oiso fia mi warad a handyspü jo ok, muas i zuagebm... ^^ owa unta aundre voraussetzungen
1. Offline, das i im Zug a spün kaun... oder ned imma online-zwang, wos owa sicha wird...
2. ned afoch nur a overlay... sondan scho was eigenes überlegt... i man i woas ned wia des am besten ginge, owa iwas muas doch geben... und söbst waun die des Gerüst vo am oiden spü nehman:
3. a NEICHS Diablo - oiso neiche Klassen oda so... i man rennt eh meist aufs gleiche aussi... oda a Übagang vo D2 auf D3 wia Ama, Druide, Kreuzritter, Barb und Zauberer oda so... owa nur de oiden D3-Klassen auf a oids Spielegerüst drauf klatschen find i aweng enttäuschend... -.-


@England: mist muas mi wiada informieren, mei staund da dinge is sie wissn nix, und iwie gibts vl doch a einigung hahaha
 
teischts mi oda ischs jetzat noss und koit? mir isch zmindesch koit, noss bin i ma nie sicha, ob i mi ongschütt hon oder obs am wetter liegt.
 
vielleicht is owa aweng wos vo beidem? :p
 
Möglich, wobei i ma nu ned sicha bin, obs jetztn handschuachkoit oder regnschiamnoss is. :confused:
 
Du musst dich einloggen oder registrieren, um hier zu antworten.
Zurück
Oben