Der "Wer ist Österreicher"-Thread - winntetsch quasi und rundumadum ogstaubt

[Ginseng]

jo do konn i jetzat nix dazua sogn, ohne wos zu schpoilern. wos a scho a schpoiler isch wahrscheinlich. owa sie bleibt gonz guat.

 

[Borkenkaefer]

Erste Staffel grod fertig gschaut. Is echt ordntlich de Serie. Zum Schluß zuwe a wengal zvü Hollywood, owa sunst passts. Moi schaun, ob in da zweitn Staffl da Martin wos gscheits zsaumkriagt ois Kiewara.

 

[Estragon47]

Oiso in sotschi woas echt woam. Fist aweng zvü fia mi... Owa woa echt schen.

D oabeit zaht mi jetzad hoid goa ned... Owa was sois

Hobts gestan die TV Duelle gseng? I find de jo olle schrecklich...

 

[Borkenkaefer]

Ah, is a scho wieda do. Wia woas mit da Freindin aus Russlond, kimmts noch Österreich? Is wos grennt? Und des wichtigste, nimmts a schoafe Freindin fia mi mit?

 

[Estragon47]

Oh gleich zur Sache.

Woa echt gscheid cool owa leida vü zu kurz... Jo woa wos moi schaun was sich entwickelt. Und Jo sie kimmt moi Mitte Oktober noch Wien oda wia san gemeinsam in Bratislava. Und vielleicht kommts a im Jänner für a paar Wochen nach wean weis grad b1 oda B2 mocht und da im Februar ia Prüfung hod und davoa nu Praxis wü. Oiso moi schaun.

Was duat si bei euch?

 

[Borkenkaefer]

Jo, des heart se guad o.

I glaub, i kaff ma morgn in da Frua beim Hofer den Phillips Airfryer um 189. Der soi fia Gmüse gonz guad sei.

Und sunst schau i hoit de Brückn. 3 Staffel scho. Des End vo da 2. hätt a ned sei miassn, owa guad. I bin do woi zvü Harmoniebedürftig.

@Ginseng: hättn Sie gern, dass er mehr da ist?

 

[Ginseng]

wb estragon, des klingt jo feini feini. woasch schwimmen a?

@bruckn: jo hätt i dazua sogn solln, dass des eha koa ponygebuatstog isch. entschuldigung.

@airfryer: wos ischn des?

@bk: i hon mit viele frogn grechnet, owa mit der grod nitta

 

[Borkenkaefer]

A Airfryer is a Heißluftfritteuse. 169 hots kost, ned wia vorher vo mia foisch gschriebn und des Gemüse wird echt guad do drin. Jetzt gibt's endlich mehr Obwechslung in meim Speiseplan.

@Fernsehn: Jo, des host ned vabergn kenna. Woa owa a a hintafotzige Frog

 

[Estragon47]

Frali woa I bodn. Woa jo echt has...
Und jt sitz I im Büro und wü ans Meer...

I woat scho auf a Vorführung vom Gemüse

 

[Ginseng]

jo i kunnt man bk a guat in ana dauerwerbesendung vorstön, mit em neichn airfrya 5000: "fria hon i diablo gspüt, jetzat frya i gmias"

 

[Borkenkaefer]

Hehe, gestern hob i eh wieda urdntli Gmüse eikaft.

Edit: So, fertig mit da Bruckn. De letzte Staffl woa echt de beste. Schlüssiga fia mei Hirn und des End passt a.

 

[Ginseng]

ah, feini feini, des gfreit mi. i hon des ende a guat gfundn.

 

[Borkenkaefer]

Nix bessers, ois se 2 Tog frei nehma, weil ma noch da Rummess om Freita eh kaputt is, und donn kronk werdn und on de frein Tog erst nix weitakriagn.

Morgn geh i wieda orbeitn und de Vakühlung is a wieda im vaschwindn. Toll.

 

[Estragon47]

Jo wennst im Urlaub kraung wiast Daun muss sis a auszoin

 

[Ginseng]

und habs die wahl guat übastondn?

 

[Borkenkaefer]

Jo. Mit de Grünen bin i zfriedn, den Blauwählern is echt nimma zshöffn und aufn Kurz foins hoit olle eine.
Und bei dir, host wahrscheinli nu vü Orbeit damit, oda lossts scho noch?

 

[Estragon47]

Oida dass die olle in kuaz so onhimmln pack I a goa ned... Owa moi schaun...
I Tipp ja auf türkis alla mit Duldung der blauen Opposition. Im übrigen is destiny 2 jt auf steam und eig ganz cool soweit. Hobts des scho moi probiert?

 

[Ginseng]

woll, war vü ztuan und isch imma no, und vorarlberg schaug a ums eck (wos em rescht von österreich zurecht eher nit so wichtig isch). abre scho a luschtigs ergebnis, soweit solche sochn holt luschtig sein.

@essig sog ma nix, owa i bin a koa massstab mehr

 

[Borkenkaefer]

Eh scho wieda da Dreizehnte, Zeit varinnt. Destiny2 sogt ma a nix. Mia wiad de Zeit a zweng. Jetztn hob i vo Steam wieda a Mail kriagt, das Phantome Doctrine billig is, des woit i a scho long amoi spün.

 

[Estragon47]

Bei Mia is a grod stressig oiso ned wundan dasi moi wiada weng im forum bin