Der "Wer ist Österreicher"-Thread - winntetsch quasi und rundumadum ogstaubt

[Borkenkaefer]

Oha, des is owa a schens Kistl wordn. Wer kriagtn des?

Hots di a dawischt? Jo, des is a Virus, hoff er is boid vorbei

 

[Ginseng]

donkschian, des bleibt bei mir, da kemmen a paar staudn eini.

jo, des spü isch sehr anhänglich, a weils wohl im grund a click-n-slay wie diablo isch

 

[Borkenkaefer]

Haha, und des vüle skilln gfoit ma guat.

Owa das du des nu ned kennt host wundert mi, i hob ma sogoa eibüdt, dass du mir amoi davo erzöht host.

 

[Ginseng]

na, owa i hon glab i amal gsogt, dass i spiele mog, wo ma lei oan knopf braucht

was bischn für a level in der kronkheit (ma kanns nit andersch nennen)?

 

[Borkenkaefer]

330 is mei highest Zone ever Owa, des nua, weil i des spü a renna ghobt hob wenn i unterwegs woa. Oiso Goidfarmen vor dem Boss den i ned schoff. I hob owa a a idle skillung. Wenn i aktiv spü geh i so bis ca. 200, obwohl: http://www.rivsoft.net/clicker/ancientssoul sogt, das 130 zur zeit nu des optimale wär.

 

[Ginseng]

deswegn mog i es internet, es bietet doch glei allaweil no a poor gmiatliche toolelen.

kolt isch gwordn, und windig. i glab da summa isch vorbei.

 

[Borkenkaefer]

Joa und wenns in dem Tempo weidageht da Herbst a glei.

Wie weit bist du scho und tuast du klickn oder idlen?

 

[Ginseng]

i gurk daweil im niedrigen hunderter-bereich umma, weil i hirsch zersch auf der website gspielt hon und jetzat erscht auf steam.

klickn tua i scho immer wieder amoi, bsunders wonn de boosts grad fällig san, sonsch tua i des owa a a bissl hintn mitlaffn lossn. i mogs jo, wonn da fia mi gorbeitet wird

 

[Borkenkaefer]

Na na, deswegn bist ka Hirsch. I hob jo a im Browser ogfonga (ok, i bin a hirsch), owa dort konnst saven und in steam inportieren. des moch i jedes moi, wenn i mein stondoart ändere (orbeit - daham)

das de ondern fia mi orbeitn, is des beste on dem spü

 

[Ginseng]

i bin ollaweil wida fasziniert, wos technisch so mochbor isch, ned schlampat. des hat fascht floppy-disc-niveau.

jo, momentan tuan se a bissl wenig arbeitn de mandelen, oder zmindesch nix gscheits erwirtschaftn, i hon eindeutig zwenig geld.

 

[Borkenkaefer]

Ajo, bei mir is a so. Hob jetztn an bessern Rechner : http://s3-us-west-2.amazonaws.com/clickerheroes/ancientssoul.html gfunden. Jetzt start i imma so bei 1100 neich.

 

[Ginseng]

gschickt, gschickt. owa es isch guat, ma kann sei geldgier ins spü verlagern, und kann nochernd in echt gmiatlich bescheidn sein

 

[Borkenkaefer]

Vorollem weil ma ka Zeit mehr hot a Göd auszusgebn

Sog, du bist jo a Experte auf dem Gebiet. Wia is dei Wahlprognose?

edit vom freito dem 09.10.: oiso so long mit deina prognose zuawoatn is jo fost wia schummeln. Ned dasd erst om Sonntog auf dnocht drauf kimmst.

 

[Ginseng]

wer schummelt denn? i wollt lei schaugn, ob du zersch di bewegsch.

oiso i dadad sogn, sp scho vorn owa irgendwo bei die 37 prozent, de effn bei a bissl üwa 30, de grünen eh so wie ollaweil bei ihre zwölfe, de vp geht no a bissl owi richtung einstellig und de neos packns knapp. du?

 

[Borkenkaefer]

Na, i ko jo ka doppelpost mochn

I glaub a spö erster mit 39%, Blau 28%, Grün 16%, Övp 9%, Neos 6%.
Für de ondern Partein hob i heute leider kein Foto

ajo und de Wahlbeteiligung is a hecher, bei 74%

 

[Ginseng]

haha, schmeiß ma unsere ergebnisse zsammen, dann samma echt bessa ois alle prognosn. wahlbeteiligung und sp, vp, neos punktgenau, bk, gz.

 

[Borkenkaefer]

Wir zwa soitn a politisches Wohrsogabüro aufmocha

Jo Mist, bei Blau und Grün woa wohl der Wunsch Vater vom Gedanken.
Um de Grean tuats ma jo a bissl lad.

 

[Ginseng]

so, jetzat hom sich de wogn wieda a bissl geglättet, ma kunnt fost sogn, dass fad isch. bisch owa a so hin und weg von unsare fußbolla, i trog jo lei mehr rot-weiß-rot drunter.

 

[Borkenkaefer]

I hobs nia live im fernsehn dalebt, sondan immer nur zufällig glesn. I finds liab, dass sa se so über de erfoigreiche Quali gfrein.

Tragisch find i hingegn, dass so koit worn is

 

[Ginseng]

haha, jo, i hons a lei imma glesn. i muas zuagebn, es spüt a a bissl interessierte grausomkeit bei mir mit, weil da fall von "mia san de könige der welt" zu "jetzat hommas dechtasch ned weitagschofft" und des völlige unverständnis nochand, des kunnt scho a no luschtig werdn.

und recht hosch, kolt ischs. hätts no ned braucht.