Der "Wer ist Österreicher"-Thread - winntetsch quasi und rundumadum ogstaubt

[Borkenkaefer]

gestern hob is ogschloschn. Jetzt grod hob is zum woschn eingschoitn. Der Motor mocht ondere Geräusche ois bei da oiden. Glaub des liegt on da Technik. Schau ma moi wia de Wäsch in 2 Stund aussa kummt

 

[Ginseng]

und? und? und?

 

[Borkenkaefer]

A bissl zu noss, des liegt owa am Programm. Des nächste moi wird mehr gschleidert sonst bin i sehr zufrieden, woa in 2h fertig trotz vorwäsche. Einepasst hot a ois und es rinnt nirgends aus

 

[Ginseng]

des klingt doch guat. i dad jetzat nit sogn, doss i stolz bin wia a vota, wonn sei bua de stützradln omontiert, owa es isch scho nah dran.

 

[Borkenkaefer]

Ah, des gfreit mi. Donn brauch i mi a ned mitn Gsicht vo da Wond obstossen

 

[Ginseng]

also wonn dei wäsch jetzat noss isch, dann kann i di beruhigen, des wor da regn

 

[Borkenkaefer]

Haha, hob bis jetztn nua amoi gwoschn. Owa so a wengal a obkühlung draussn is scho gonz guat. Wenns nur wieder sche wiad.
Kennst du eigentli Anno Online?

 

[Ginseng]

i siech scho wieda sunn.

nomentlich scho, angschaug honn i mas no nitta. bisch vertretn?

 

[Borkenkaefer]

Jo, zserst hob is nur in da Orbeit gspüd, owa jetztn spü is daham a so nebenbei. Is echt nett, und ohne Stress.

Des neiche Magic auf steam is a lässig, des Magic Duels, is gratis und genau besser wia de oiden. Fois du des Koartenspü kennst.

 

[Ginseng]

donkschian, muas i amoi einischaugn.

magic sogt ma scho wos, owa es und i san uns a in jugendjohrn irgendwia nie begegnet. owa teischts mi oda tuans jetzat olle grod kartnspiele ausgrobn?

 

[Borkenkaefer]

Oiso, Blizzard hot ausgrobn. Magic gibt's scho imma. De hom jeds Johr a neichs aussa brocht. Bis jetzt hoit imma zum zoin.
Blizzard kennt se bei PC spiele hoit besser aus, und de hom natürli mit ernan Koartnspü jetztn an großn Hype gmocht.

Vom Kortenspü her, is owa des Original om schenern. De hom auf dem Gebiet hoit mehr Erfohrung

 

[Ginseng]

jo, i konn mi scho erinnern, wo no leit mit de magic-kortn ummaworn in meina jugend, do hots sowos wie internet oder blizzard no gor ned gebn. owa isch an mir vorbeigongen, dass de a digital scho so aktiv san.

i hon jetzat lei glesn, dass an am neichn aquanox orbeitn, des dadad i guat findn, wonn des wos konn, schleichfahrt hon i gern ghobt.

 

[Borkenkaefer]

Bin gsponnt ob des wos wiad. I hob de spiele goa ned kennt, oiso Schleichfahrt und aquanox.

 

[Ginseng]

ah des hot ma guat taugt, wor holt wia a weltraumballerspiel lei unter wossa, mit am sehr eigenen schianen grafikstil, und du hosch holt so uboot-spielereien wie motor ausschoitn und mit da strömung treibn lossn und so tuan kennen. i wort jo scho länger amal auf a neiche weltraumschiasserei, sowos wie tie fighter warad wieder schian. owa i tauch a o, do bin i ned so heikl.

 

[Borkenkaefer]

Hob ma a Video vo dem aquanox angschaut, hot ma guat gfoin. Find überhaupt, dass se de Idee super o heart.
zu Weltraum: de x reihe hot ma imma guat gfoin, aber des neiche hob i nu goa ned probiert.
Und irgendwonn in a poa Johr soit jo Star citizien kumma

 

[Ginseng]

i glab jo dass bei star citizn da weg tatsächlich es ziel isch, aussakemmen tuats nie, owa es isch trotzdem befrieidgend, sich previews onzumschaugn und drüber zu sinnieren, dass des echt gonz lässig warad.

 

[Borkenkaefer]

Jo, i moa do host recht. Bis durthi kenn ma se wahrscheinli scho söwa de Wödraumflüge leisten

 

[Ginseng]

so, i bin jetzat unta die heimwerka gongen und hon mi lei mäßig verletzt - owa da stolz aufs blumenkistl wors wert.

 

[Borkenkaefer]

haha, pics or it didnt happen. Owa ned vo da verletztung, sondern vom blumenkistl!

ajo, a orbeitskolleg hot mi jetztn do mit clickerheroes ogsteckt. hoff i werd boid wida gsund

 

[Ginseng]

auf de frog hon i gwortet Anhang anzeigen 37292

mei und warum schaug i noch, wos du spüsch - jetz pick i a drein