"Bim Totemügerli" - s'schwiizer Stübli

[lll]

grenis näme nüme jede uf die hend itz au aforderige.

Darum han i au gseit ich mues go trainiere!

 

[Psychlon]

I bi dütsche Staatsbürger, i ha eifach ke Pass... Und i bi scho am Infotag gsi...

I wott wenn scho ABC-Soudat si

*kopfkratz* wie du hesch ken Pass....... hesch e Ufenthalsbewilligung C (Usländeruswies) ?, und was zeigsch we a dr Gränze bisch?

guete Morge

@spiderxxx hesch nit no gfrogt wo as ich schaffe? Ich schaffe z'Schaan i nem chline 4-Mann Ingenieurbüro

 

[PanteraBM]

Alles nur falschi do dinne: dr emperor isch Dütsche Staatsbürger, d Cinna isch e Mischling und kliin Panti isch au en Mischling. [x] for close will do niemerd Schwiizer isch

 

[fancything]

<---- isch 93,75% Schwizer

 

[Herr von Moria]

100% Schwizer! Gloub ig ömu

 

[Psychlon]

gopverdelli nomal dir huere schwöschtere itz chunnt dr Patriotismus widr dure oder wie? 100% Schwiizer oder nöt, wo sell ich den suscht anne mit dere Grammatik we nit do?

 

[PanteraBM]

Min (Ex-)Schuelkolleg isch so en extrem Patriot gsi, sämtlichi Sache mit nem Schwitzerkrütz druf, sogar Shorts mit nem Schwitzerkrüz hetter ka
Finde so Patriotismus eswie lächerlich...

 

[lastemperor]

@arwen: Mini Muetter isch Schwizer und mi Vater isch Dütsche, somit bini Doppubürger. I bi ir Schwiz ufgwachse und ha e schwizer ID, aber no kei dütsche Pass.

@Pantera: I bi Schwizer zu 50%

@Patriotismus: Nid mis Ding...

 

[PanteraBM]

Denn sind jo tatsächlich rächt viel Halbdütschi do Naja, ziitwiis han ich sogar in Dütschland gwohnt, bin also no weniger an Schwiitzer, aber ich säg mer wayne, spielt jo eigentlich sowieso kei Rolle wo mer lebt. Im Zitalter vor komplette Globalisierig muess me do nid so klinlich tue .

 

[lastemperor]

Het jo Vorteile im Momänt wo mer (no)nid zur EU ghöre Und Globalisierig isch jo schön und guet, bringt aber nid immer nume guets...

 

[PanteraBM]

Sepp scho, wie alles hets immer Vor-/ und Nochteil. Aber denke gröschteteils bringts scho me, will mier sind nunamol ein Planet und nid eis Land, wenn in dr USA e Klimakataschtrophe isch, het das au do uswirkige. Darum bringt die Mentalität nüd, dass me nur sis eigene Land verteidige tuet.

 

[lastemperor]

Klimakatastrophe si meistens nid nume lokau und somit het das immer Uswürkige uf aui Bewohner vor Ärde het... Und nur sis Land verteidige tuet eh niemer...

 

[Psychlon]

aha jo i dem fall muesch dänk au id RS.

wünsch dr vill Spass

 

[PanteraBM]

Klimakatastrophe si meistens nid nume lokau und somit het das immer Uswürkige uf aui Bewohner vor Ärde het... Und nur sis Land verteidige tuet eh niemer...

Nur es Bispiel gsi Es git aber viel vo dr Meinig sind, dass es langt, wenn in ihrem Land alles in Ordnig isch, aber nie wieter dänkend. One Nation, One Planet.

 

[lastemperor]

@arwen: merci-.-'

@pantera: one planet, one nation?? Bitte nid. I meine mir hei jetzt scho Problem mit Arbeitslosigkeit und Ibürgerige, si höch verschudet, wenn das jetzt no grösser wird und d'Gränze ganz ufgö, chasch d'Schwiz imho vergässe...

 

[PanteraBM]

Mier redent glaub biz anenand verbi .
Ich meine dermit nur, dass me nid nur uf sis Land luege sött und was in de andere Länder passiert kann einem am Arsch verbi go, solangs nid in dr Schwiitz isch, isch jo alles in Ordnig. Darum: One Nation, One Planet, schlussendlich sitzemer alli im sälbe Boot.

 

[lastemperor]

Ja, das isch scho klar, wobi meistens chunnts jo nid druf a, öb i jetzt weiss, dass Indie überfluetet wird oder nid. I cha nüt mache und d'Schwiz aus ganzes wird dra nüt chönne ändere. Klar, so Chriege hei ou Fouge für üs, je nach däm wo si stattfinge, aber im grosse und ganze chöi mir nüt drgäge mache...

 

[Psychlon]

als schwiizer wärs fatal nur uf sech z'luege da d'Schwiiz huufe Züg importiert. Dänke aus Schwiizer darf mer sech das gar nit erlaube susch hets uf einisch ke Benzin me und niemer wüssti weshalb und werum (nur als Bispiu).

Ich fänds für d'Schwiiz nit schlächt we mer chli würd vorusluege, vorallem bir Lehr. Mer set ganz klar chönne wüsse ob dä Bruef wo mer wott lehre i 2...4 Johr no gfrogt isch und mer e stell find u nit eifacht d'Lüt dürrebringe und denn chönnt sie afe mal go stämpfle wau sie nüt finde.

 

[lastemperor]

Hüt isch jede Staat vo de angere abhängig, aber d'Schwiz het jo ke oder chum natürlechi Rohstoff und isch dorum sehr uf Import agwise.

Was Lehr usw. ageit: I wär drfür das mer d'Armee abschaffe und das Gäud womer dört spare id Büudig stecke...

 

[lll]

Ich bin kein Rechtsradikale verstönd mich jetzt nöd falsch aber ich wär eher defür dass mer chli bim Asylwese Geld i spart! Und das id Bildig investiert!