"Bim Totemügerli" - s'schwiizer Stübli

[lastemperor]

I wär drfür, das me meh Gäud is Asylwäse steckt, demit me ou cha düresetze, dass nüm so vüu inechöme-.-'

 

[koeby]

das mit em asylwese isch sone sach. je meh mer dri tuet, desto meh chömed. aber wenn mer weniger dri steckt, chömeds ebe glich -.-

mir sind halt es luxusland, das zieht a. aber i de letzte 10 jahr sinds scho chli vill worde. vor allem vill, wo gar nöd verfolgt werded, sondern reine richtum-tourismus, wenn mer das so sege chan.

 

[lastemperor]

<<mir sind halt es luxusland, das zieht a. aber i de letzte 10 jahr sinds scho chli vill worde. vor allem vill, wo gar nöd verfolgt werded, sondern reine richtum-tourismus, wenn mer das so sege chan.

I gloube das triffts sehr guet, leider

Und i ha meh gmeint, dass mes Gäud nid diräkt fürs Asylwäse usgit, sondern meh drfür "d'Linie z'hebe"

 

[koeby]

naja, d kriterie festzlege und überprüefige durezfüere sind ja nöd grad eifach. s grösste übel isch wohl, dass mer lüt eifach ufnimmt ohni uswis. die chönd ja behaupte was sie wend. vor ca 8 jahr isch da mal so e abstimmig drüber gsi, ob mer das will verbüte, aber isch ja us dere mami-perspektive abglehnt worde. ich meine demit: oh, die arme, wenn mer flüchted tenkt mer doch nöd an en uswis etc.

 

[lastemperor]

Hmm... interessant, denn hani mi no weniger für Politik interessiert aus jetzt Naja, i meine, wenn me es Land verloht het me e Uswis und mitlerwile isch jo aune klar, das aui e Uswis hätte, dä aber meist absichtlech zerstöre oder "verlüre", demit si nid wider usgschaffet chöi wärde...

 

[Psychlon]

das isch es problem vo dere Staatsform, s'Volk dörf abstimme. Susch chönnt mer scho lang säge, nur Flüchtling wärde ufgnoh und die wo die und die vorussetzig erfülle.

hoi zäme

 

[PanteraBM]

Das mag dr Vorteil vonere Demokratie si, dass ds Volk bestimmte darf. Blöd nur, wenn döte so viel Vollidiote sind und d Entscheidige vo de einte uf sandigem Fundament baut worde sind...

 

[koeby]

ich gsehn das nöd als problem. ich gsehn das eher so, dass d abstimmige jewils zum falsche zitpunkt bracht werded.

d ibürgerigsabstimmig isch nur de bach ab, will atm wieder en rechtstrieb stattfindet. het mer die vor 4 jahr bracht, wär die wohl durecho.

aber so isches nun mal inere meh oder weniger direkte demokratie. und uf die chömmer stolz si. git keis land, wo so demokratisch isch wie d schwiz, und us minere sicht aus so fortschrittlich, tolerant und sicher. ich wüsst uf jedefall keis anders land, woni lieber würd wohne

 

[lastemperor]

@Pantera: I würd nid säge Vollidiote sondern meh liecht beiflussbar.

@koeby: I würd nid säge, das i rächts bi und i hät nei gstumme, weni dörft und zwar, wüu i finge, das nid so vüu Lüt sötte ibürgeret wärde. I ha nüt gäge d'Awäseheit vo so Lüt, aber i meine, wenn si Schwizer besteit d'Müglechkeit nüm so zrügg i ihres Land z'bringe (Asyl isch jo eigentlech nur temporär, bis sech d'Situation im Land erhout het...)

 

[koeby]

ich bin eigentlich au nöd rechts, aber wenns um usländer gaht, bini nüm de sozial. s pack hets eifach übertriebe.

und ich finde, wenn eine schwizer will werde, denn het er sich drum zbemüeh, das söll nöd automtisch laufe. und ich han nei gstimmt.

finde halt, dass grad i dene schwierige zite, mer eifach nöd zerst bi eus spare mues.

aber ich bin überzügt, wenn meh linki lüt im bundesrat wäred und die vorlag mit entsprechendem kampfgeist verträtte hetted, wär sie wohl durecho. das wo de blocher da abzoge het, isch nüt anders als lächerlich und es armuetszügnis sinersits, wie mers no mengisch wird gseh

 

[Psychlon]

gib im google mal jämmerlicher waschlappen i . Was mer aber näbedem nit ganz darf vergässe isch das Geld wo innechunnt we sech eine lot lo ibürgere. Ab 24 choschtet das mehreri tuusig franke und wend politiker würkli uf das Geld verzichte?
Ich finde mer sett vorusssetzige erfülle zum ibürgere lo wie z.b. :

i dr enge Familie ke Straftat siet sie i dr Schwiiz läbe, mindest aufenthaltszeit 6-10 Johr. Bi mehrfachverstoss gäge s'gsetz chan eim s'Bürgerrächt entzoge wärde etc.

ich mein das isch nüt diskriminierend de schliesslech wend d'Usländer ibürgeret wärde und nit s'land wot d'Usländer ibürgere.

 

[PanteraBM]

@Pantera: I würd nid säge Vollidiote sondern meh liecht beiflussbar.

Das einte ergänzt ds andere findi -_-

Jo, ich han in dem Sinn eigentlich nüd gäge Üsländer, nur gege söttig, wo meinend, si könnd do in d Schwiitz ko und es geils Läbe füehre uf koschte vom Staat. Ansuschte isch mier d Nationalität eigentlich egal.

 

[koeby]

das mit de ibürgerig und de chöste stimmt nöd würkli:

e ibürgerig chosted züsche 120 und maximal 5000 franke, je nach ikomme und gmeind.

 

[Psychlon]

das mit de ibürgerig und de chöste stimmt nöd würkli:

e ibürgerig chosted züsche 120 und maximal 5000 franke, je nach ikomme und gmeind.

das mit de par hundert fränkli mag stimme bis 21 oder 24 aber nachene zahlt mer sech dumm und dämlech, han vor es par johr mal agrfogt wos mech no ~500 Franke choschtet hätti aber für was ibürgere. Mer wird derzue nit automatisch zum Schwizer und numme zum Wähle? nei. Ich dänk die Bilaterale Verträg händ Freiraum gnueg freigä zum handle, au für Nicht-Schweizer auso chönnt me minere Meinung na au ibürgerig erschwere.

 

[lastemperor]

<<Jo, ich han in dem Sinn eigentlich nüd gäge Üsländer, nur gege söttig, wo meinend, si könnd do in d Schwiitz ko und es geils Läbe füehre uf koschte vom Staat

Deprimierend isch, dass me das würklech cha...

Und e Ibürgerig sött eigentlech vo dene wo wei ibürgeret wärde zaut wärde nid vo üs. Und cha jo nid si, das mes de angere no liechter macht, Schwizer wärde...

 

[koeby]

[x] vote für differnzierig zwüsche schwizer (papierlischwizer) und eidgenoss

 

[lastemperor]

Hmm... i däm Fau bini beides e chli

Leider isch fürs Gsetz und füre Staat Schwizer = Schwizer, egau wie er zu däm isch worde...

 

[Psychlon]

Und e Ibürgerig sött eigentlech vo dene wo wei ibürgeret wärde zaut wärde nid vo üs. Und cha jo nid si, das mes de angere no liechter macht, Schwizer wärde...

wird ja au vo dem zahlt wo wett ibürgeret wärde, sicher nit anders ume

 

[koeby]

wird ja au vo dem zahlt wo wett ibürgeret wärde, sicher nit anders ume

hesch du e ahnig. d chöste für e ibürgerig decked d verwaltigschoste vonere ibürgerig nie. usserdem, wär die ibürgerig automatisiert worde, wie ja abglehnt, wär sie voll zu laste vom staat, ergo eus gange.

 

[Herr von Moria]

Huhu

Ha ja ganz d Übersicht hie verlore

Muess mi wieder ineläse