Der - mittlerweile nichtmehr ganz so neue - "Wer ist Österreicher"-Thread (Part III)

[Ungust]

@bb: gib da hoit an ruck und foah gach fia zwaa tog owe, wonnst e dei wohnung in wean host deafat des jo ka problem sei .

 

[Ginseng]

morgn

oiso bei uns ischs koit - grod um wida es thema nummer zwaa onzureißn

 

[Goldbergus2]

Habedäre!

Oiso zum Thema TREFFPUNKT:

Mei Lokäutipp is:

The Place ... draufklickn und wortn bis si da Streifn mit de Büdln lodt.

Guinness vom Fass hams aa ...

I hab durtn seitdem de Hittn baut worn is den Mödezettl ausgfüllt ...

Oiso wer a ruhige Nachbarschaft schätzt (Zentralfriedhof), der is in da Simmaringa Hauptstrossn 397 guad aufghobn ...

Ajo: Da 71er und da 6er fohrn glei durt und wauns länga dauert kannst aa mitm Nochtautobus fohrn ... Hoitstöh "3. Tor"

Bei mir dahaam gibts aa an Plotz - und vielleicht schlog i eich im Gortn a Zöd auf

GreeZ

Der oide Goldane

 

[AgainstAuthoriy]

servas
woit mi a amoi do verewigen

@goldbergus: i seh di oft im aut 1^^... woit i nur sogn

 

[Goldbergus2]

@goldbergus: i seh di oft im aut 1^^... woit i nur sogn

?!?!? I wor scho Ewigkeitn nimmer on ... owa vielleicht maanst jo dasd mi gsehn hast *ggg*

Trotzdem donge - i frei mi imma wenn i wen aus mein Fanclub siech *ggg*

GreeZ

old unwise Gold

€dit: mhmm ... vielleicht sollt i mal wieda schaun wöche Chars bei mir ohgrennt san ... und vielleicht, owa nur vielleicht wieder an Char anfangen .... *Sinnier*

GB

/€dit

 

[Ginseng]

edit: natirli neicha

@goldi: jo wos is denn in di gfohrn? nix zum tuan? schlechts wetta? schens wetta? hot di des kettnhemd on d2 erinnert?

@platzerl: i steh jo grundsätzlich olle lokalitätn offn gegnüwa, solong se fia an wean-touristn wia mi zum darreichn san
owa i dadad vorschlogn, mia vasuachn uns an termin auszuschnopsn, der rest kimmt nochand von allanig - sprich 10. oda 11. seppl (sonntag isch wohl eha unwahrscheinlich, oda üwaroschts mi )?

 

[Borkenkaefer]

Neicha!

Goldi, wennst scho so vor di hin überlegst, vielleicht mechtast amoi wos neichs in Sochen D2 ausprobiern? Do gibts an Mod, der echt spitze is und a über an Realm zum spün geht. Oiso wennst du damit aufongst, spül i dort a wieda (hob scho a Zeitl nimma gspüt) und greif da ev. unter de Arme mit Info und sonstigen Sochan. I red vom Chaos Empire Mod, der is echt lässig. Najo sog ma hoit bescheid

@Termin: Do soin se de Leid de wos zum tuan hom den Termin ausmocha, i bin spontan.

 

[Ungust]

Mo'ään!

@lokalität: mia warad recht wonns wos gscheits zum essn gibt, mehr ois a biersortn und net oizu laut is doss ma si no hoibwegs vasteht . obgseng davon bini flexibel .

@datum: warum net am sonntog, donn kriagma sicha üwaroi an plotz . na i schliass mi em bko, mia is a wuascht .

 

[Borkenkaefer]

I muass sogn, de kriterien de da Gust auns Beisl stöt, san genau de gleichn wia meine. Obgseng vom Essen, wei mit foin Mund redt sis ned leicht Owa wons durt wos zum Essn gibt, soids ma a recht sei. Zweit Draussn, is hoit ned so praktisch, wei a Ewigkeit wo hifoan, beaunsprucht fü Zeit, de ma sunst vasaufn kenntn

 

[AgainstAuthoriy]

ihr seits mei glei olle sympatisch... übers saufen wird gred
des anzig gescheite is eh a bier

@gold: i spü derzeit a fost nix... is eh scho a zeital her oba do hob i an account gsehn der goldbergus hast... des konnst nur du sei!?! ^^

edit:ajo i weut nu wos wissn ^^ : wer kommt den oller aus wean? bzw woher kummts?

 

[Ginseng]

@aa: tiroi

@anforderungsprofil: i schlias mi em gustl und em bk o

 

[Goldbergus2]

Aso ... jo ... mei, i vagiss olla(s) ... neicha

ihr seits mei glei olle sympatisch... übers saufen wird gred
des anzig gescheite is eh a bier

@gold: i spü derzeit a fost nix... is eh scho a zeital her oba do hob i an account gsehn der goldbergus hast... des konnst nur du sei!?! ^^

edit:ajo i weut nu wos wissn ^^ : wer kommt den oller aus wean? bzw woher kummts?

*hehe* ...

Oiso erschtens: Yessir, des is korrekt, i bin i.

Zwotens: /me = St. Favoriten ( = Wien 10), wenns genehm is

Drittns @ Borki: Mod intaressiert mi scho - aba waast eh, Borki, an oidn Hund wie /me neuche Kunststickerln beibringa is schwer ...

@ olle: I bin bereit fian 11. September *fg* ... des is a SAMSTAG - oiso kennts eichan Rausch am Sunndoch ausschlofn. UND JETZT HEARTS AUF MIT DE AUSREDN!!! Kimmts afoch! Scheis aun, Paula - des is doch nur a Treffn mit aundare Da-In-Den-Fred-Einetippsler ... wird doch kaana gfressn ... es zierts eich wie de Jungfraun ...

GrEeZ

Gold

... Edit: Wauns ned mehr als Zehne saads raff i mi auf und mach meine in der gesamten virtuellen Welt berühmten Carbonara damits a Unterlag habts wauns ernst wird *g* .... und mei Knoblauchcremsuppn kaun i aa z'ammschraufn, des hoit lästige Fraun ab ... ... Notabene kenn i aufm Weg zum ThePlace zwaa guade Pizzerien ... oiso vahungan taads ned waun i den Fremdnführa moch ... /Edit

 

[AgainstAuthoriy]

hehe... wohn eh fost danebn
ajo ans nu: wie oit seits den olle?
du(goldbergus) bist jo 46, oda?
i bin erst 18 ^^

und die aunderen..

 

[--=}Mighty{=--]

erst 18 ~~

me is scho 15

 

[AgainstAuthoriy]

ok des scho nu a stückl jünga ^^

i hob docht do gibts mehrere 30+ bzw 40+

 

[--=}Mighty{=--]

gibts jo a öltere, bin nur a ausnahme

ps... in deinem namen fehlt ein "t"

 

[AgainstAuthoriy]

schläge ^^

najo aber a zeichn dos mei sig vülle leit lesn ... a wieda gud

 

[Ginseng]

morgn

oiso zu meim oida mog i am somstog in da frua eigentlich nix sogn, i siech hoit erstaunlich schnö aufs viertljahrhundat zua

@termin: oiso 11. passt, do homma jetzat no long zeit olle details zum diskutiern und en bb zum löchern

 

[Ungust]

Mo'ään!

i fiacht i hob scho wieda zboid gsogt doss ma ois wuascht is: de zuagmutete mocht am söbm we woascheinlich a a feia, deswegn warads ma am liabstn womma des treffn an tog fria, sprich am Freitog (10.?) eirichtn kunntn.
Wonns goanet ondas geht befreit mi de zuagmgutete e vo meine verpflichtungen, owa i hätt ma hoit gern beides ondon .

@gb: carbonara und knoblauchcremesuppn heat si sehr guat o des muasi scho sogn . dennoch hoiti mi bei da ortswoi no neutral, i üwaloss de entscheidung eich .
weit aussefoahn is zwoa net da heuler, owa mochboa.

edit: besagte zuagmutete hot noch mia valongt, i wead mi auf de sockn mochn und am montog wieda do sei - passts guat auf eich auf bis dohi .

 

[Goldbergus2]

Mo'ään!

i fiacht i hob scho wieda zboid gsogt doss ma ois wuascht is: de zuagmutete mocht am söbm we woascheinlich a a feia, deswegn warads ma am liabstn womma des treffn an tog fria, sprich am Freitog (10.?) eirichtn kunntn.
Wonns goanet ondas geht befreit mi de zuagmgutete e vo meine verpflichtungen, owa i hätt ma hoit gern beides ondon .

@gb: carbonara und knoblauchcremesuppn heat si sehr guat o des muasi scho sogn . dennoch hoiti mi bei da ortswoi no neutral, i üwaloss de entscheidung eich .
weit aussefoahn is zwoa net da heuler, owa mochboa.

edit: besagte zuagmutete hot noch mia valongt, i wead mi auf de sockn mochn und am montog wieda do sei - passts guat auf eich auf bis dohi .

GuddnAaabnd!

Nojo, jetzt sitz i wieda do amoi in da Nochtschicht und wos moch i? Meinem geliebten Fredinsassn an Eintrog schreim *fg* ...

Oiso:

- Freidoch da 10te is ***** ... - weu i eigentlich Nochtschicht mochn soi und somit ned zur Verfügung starad. ABER: I werd wersuchn de Hackn wem andern unzuhängan .... garantiern kann i's no ned ...

- Ihr kennts olle zu mir in 10. futtern kumma - den Eßtisch kann i ausziagn (i kann aba ned nur Tische ausziagn ... des nur nebenbei bemerkt ... ), oiso werd i eich ole untabringa kenna. Carbonara und Knofekrem stengan.

- Nachhea foah ma per Bim oda Taxi in 11. - des geht ruckizucki.

- Nachm 11. foah i wieda Richtung 10. - wer wü kaun se anhängan, 's Taxi zoi eh i. (11. -> /me: ca. 11 Euro)

- Wer wü kaun dann bei mir no an oda zwaa zwitschern, an Rum und/oder an Wixi hab i sicher im Erste-Hilfe-Kastn. Softdrinks (Bier, Brünnerstraßla usw.) san sowieso imma do.

- Wer ned wüü kaun si jo daun in die Himmelsrichtung vatschüssn in die er wüü.

- Kino is in Betrieb - 100+ DVD's san am Loga. (Nur LegalWare - i mog kaane Raubkopien.)

- De Plottnspüla san aa entstaubt und i hab vor 14 Tog endlich seit 5 Jahr meine Plottn wieder sortiert ... oiso fürn Wirbl is aa gsorgt - soferns 70er, Funk, Soul und Jazz sei derf ... mit dem neumodischn Zeugs kaun i mi ned so anfreindn ... owa wauns sei muaß kaun i jo in Ö3 einschaltn ...

- Eich olle unta an Huad bringa is schwara ois a Audienz beim Popst kriagn ...

So - jetz seids es wieda dran.

GreeZ

Da Nochtschichtla