Der - mittlerweile nichtmehr ganz so neue - "Wer ist Österreicher"-Thread (Part III)

[Borkenkaefer]

... and now: Friday Night in San Francisco ..........

A sehr sehr geniales Album, i hob gwußt das du an ausgezeichnetn Musikgschmock host.

@AA: Auf da Spanischn spü i hauptsächlich Klassische Sochn, oder i schlog liada.
Auf da E-Gitarr spü i hoit wüdare Sochn wia a Numma vo Judas Priest, oda ruhige Sochn wia an Santana oda i schlog liada

Und auf beide Spü i öftas den Blues oda Jazz, je nochdem auf welchana i den grod spün mecht.

Owa i muass glei dazua sogn, i hob ma ois söwa glernt und mir nu nia an Gitarrn lehrer leistn kenna. Soi hassn i spü ned wirklich supa

 

[AgainstAuthoriy]

Owa i muass glei dazua sogn, i hob ma ois söwa glernt und mir nu nia an Gitarrn lehrer leistn kenna. Soi hassn i spü ned wirklich supa

i eigentlich a net
mit 8 hob i moi 1/2 johr klassische gitarre-untarricht ghobt

daun hob i vülle johre net gspüt... dann irgendwaun a e gitarr wollen -- kauft ... daun is wieda nur mehr in der eckn gstaundn und seit gerauma zeit spü i wieda

i spü in letzter zeit vü von metallica(vor allem die soli) und a santana... es gibt oba vü sochn die i spü... oiso rock, clasic rock(deep purple), guns n roses und so a zeig... nirvana, muse... etc... spü oba a vü akkustische... wenn i imma mit freind zaumsitz - sitz ma imma zu 3t vor an lagerfeuer und schlogn auf die seitn umadum ^^ - des is scho supa!

 

[Ginseng]

morgn

jo de gitti-fraktion hot se gfundn, sehr sche - donn spüts auf musikantn

@aut-pyro: , mia megn di scho imma no, mia hom lei a bissl ongst voa dem rotn schriftzug unta deim avatar kriagt

 

[Ungust]

Mo'ään!

@musik: i bin leida sowos von unmusikalisch, des anzige wos i ko is midi-stückln am pc programmian .

@pyro: hiermit hobi üwa mea ois a seitn hinweg no auf dein post geontwoatet, wonn des ka sympathiebeweis is wos donn?

@ginseng: a weng wiads scho no dauand mit da beta, momentan plogi mi grod no mit am neichn layout.
wonns soweit is griagst owa sicha ois easta an special closed kitchenmaster2 beta client key .

 

[Ash-Nazg]

zum borkenkaefer seiner sig:

i muas sogen, des liad taugt ma vui, di melodie is da hammer, ober a a bissl traurig,göl? uand i finds vuil super das du des mitm war a so gmocht host


olso greetz Ash-Nazg

 

[Ginseng]

morgn

und gibs irgendwos neichs (btw sers neicha ) noch dem tolln wochenend

 

[Goldbergus2]

Mahlzeit, Allemiteinaunda!

... des WE wor ausgsprochn ... loß ma des. Auf jedn Foi is mei Rumvorrat auf Nui gsunkn ...

'dere, Neichasta

I kan ned allzufüü an Instrumentnbeherrschung anbietn: Maultromml und Plottnschpüla muas reichn ...

Fois aana der wertn Guitarreros an Sänga braucht: Mei Stüh is so ungefähr Chappomäßig (Roger Chapman) ... und waun i in da Dusch sing bleim die Fliesn obn ... schaut oiso ned allzuschlecht aus ...

A Gewissensfrog an de Bettlmusikantn: Es san jo scho so füü nennenswerte Guitarreros gnannt worn - einer der wichtigstn föd ma ...

F R A N Z

Wen maan i mit Fra(u)nz? *hrhr* ... Wers waas gwint a haundsignierte, goidane Stratocaster im Moßstob 1 : 100 ...

Fia a jede foische Auntwurt gibts an Tipp. Da erschte is gratis

Antwortn tua i nua mit Jo oda Naa.

Tipp Nr. 1: Fraunz is weder Östarreicha no Piefke.

Tipp Nr. 2: Fraunz is scho tot.

Tipp Nr. 3: Nochdem da Fraunz weda Ösi no Piefke is haast er aa ned "Franz". ( A *Wink* zum unGUST sein Post sei hier angebracht ... )

... to be continued ...

 

[Borkenkaefer]

I nimm amoi stork au du manst ned in Franz Morak unsan Kulturminista. Weil 1.) is des sicha kanna vo de guadn Gitarristn und zweitns glaub i das a Österreicha is. Najo, hob owa trotzdem a Cd vo erm vor mir liegn. Und do hot a scho schlimme Sochan verbrochn.

Edit: Ajo, Sers Neicha und danke für dein Lob. S gibt hoit do nu Leit de a "wahre" Kunst erkennan

 

[Ungust]

Mo'ään!

und gibs irgendwos neichs (btw sers neicha ) noch dem tolln wochenend

ned recht vü, mei hintern duat ma no imma weh, dafia bini mim layout fian kitchenmaster2 scho größtenteils featig .

Sonst woa am Wochnend no a Obschlussfeia vo meina Schwesta de noch Holland studian geht - dank hinicha Heizung und Glühwein is quasi indoor-Christkindlmoakt stimmung aufkumma .

@goldi: hm a franz dea weda östarreicha no deitscha is - do foit ma eigentlich nua da stronach ei , owa i glaub dea hot nix mit musik am huat.

 

[Goldbergus2]

I nimm amoi stork au du manst ned in Franz Morak unsan Kulturminista

@goldi: hm a franz dea weda östarreicha no deitscha is - do foit ma eigentlich nua da stronach ei , owa i glaub dea hot nix mit musik am huat.

Oiso eichare Ontwurtn san so foisch dass wehduad.

Wia soi i des jetzan bewertn ... mhmm ...

OK, Tipp Zwo und Drei gengan onlein.

<------------------- (Edit) Doschauher ... i bin wieda a Adventkranzl ... (/Edit)

 

[Ash-Nazg]

Edit: Ajo, Sers Neicha und danke für dein Lob. S gibt hoit do nu Leit de a "wahre" Kunst erkennan

ah ge bitschen, woa jo klor; is scho a zeitll her, das i ma des ongheart hob; olso vü spass weiterhin und zadeppatz nix,gö?

seas

greetz Ash-Nazg

 

[Nimloth]

i woa gestan am rothaus-weihnochtsmoakt in wean.. des teil woa übafüllt, des woa nerma sche..
oba an guadn bärnpunsch hods scho gebn.. woa ois in oim recht sche, nur vü zvü leid

 

[AgainstAuthoriy]

servaz!
i schau grod büda von mein schul-urlaub in griechnlaund... boah wor des geil! i wü wo hi wo die sunn scheint und wo i badn geh kau
wenns woits kaun i a a poor büda eine stelln

 

[Ungust]

fia bodendn AA
hea mit de büda

@nimloth: bärenpunsch oda beerenpunsch?

 

[Borkenkaefer]

Oiso eichare Ontwurtn san so foisch dass wehduad.

Wia soi i des jetzan bewertn ... mhmm ...

OK, Tipp Zwo und Drei gengan onlein.

<------------------- (Edit) Doschauher ... i bin wieda a Adventkranzl ... (/Edit)

Wo san jetztn de Tipps?
Ajo und an dritten konnst a klei hergem, weil i rod scho amoi weita.
I hob ma docht wenn da Frounz ned aus Österreich oda Deitschlond kimmt, hast a sicher Frank. Vielleicht manst du jo in Frank Zappa?

 

[AgainstAuthoriy]

fia bodendn AA
hea mit de büda

ok i lods glei hoch

Wo san jetztn de Tipps?

er hots in seinem vor-vorign post gschriebn ^^

 

[Nimloth]

@ungust
*gg*.. natiali beerenpunsch, oba wia i des des erste moi ghead hob hobi glei an BÄRENpunsch denga miasn

 

[AgainstAuthoriy]

so hob a poor büdl ausagsucht ^^ - sorry sind a bissli groß ^^

wer nu mehr büda wü... nur sogn ^^
laundschoftsbüda hob i ca 1000

 

[Ginseng]

morgn

fesche büldelen aa, und a schena huat

@bk: dei tipp kimmt ma irgendwi gor ned bled vor

owa wos is a beeren/bärenpunsch? i kenn lei glühwein...

 

[Goldbergus2]

*Burps* ... Moizeit, meine Liebn!

Wo san jetztn de Tipps?
Ajo und an dritten konnst a klei hergem, weil i rod scho amoi weita.
I hob ma docht wenn da Frounz ned aus Österreich oda Deitschlond kimmt, hast a sicher Frank. Vielleicht manst du jo in Frank Zappa?

Oiso:

1.: Da AA hot Recht - de Tipps 1 - 3 stengan im Rätslpost.

2.: DU, lieber BK, host aa Recht - i hab in FZ gmaant ... *Törööööööööööö* ...

Hiermit verleihe ich Kraft meines Amts ois Fredweiser die goldane SC im Moßstob 1 : 100 an den hogeschätztn Borknkäfa. .. Oooops ... jetz is ma owegfoi .. vaflixt .. wo is des Luada .... heeeeast, hobts es a Lupn fia mi ... ?

3.: Hearst AA ... sog, de behaartn Schpurtlawadln am 2. Büdl ... san des deine? Wo lassn harzen? *hrhr* ....

-> 3,5.: Saads es am 4. Büdl vurher in Kessl mitm Zaubatrank gfoin oda warum demonstriert jeds von eich Hendln derart herkulische Kräfte? *hrhrhr* ...