Der - mittlerweile nichtmehr ganz so neue - "Wer ist Österreicher"-Thread (Part III)

[19maggo81]

morgn alle miteinonder!
endlich wieder zeit zum schreibn,lesn und spieln.des semester isch gloffn.
wia gehts enk alln?

ja der liabe moosi isch leida nimma unta ins,und werd baldamol in seina crypta vaschwindn(hoffntlich lafft a nit da bluatrabn aufn friedhof üban weg)

da busch isch grad fähig im iran eizmarschiern.der hat echt an schottn.des isch nämlich nit so a jausngegner wia der irak.naja tirol isch gott sei dank zu kloan,keat hat er davun a nu nit und überhaupt hat er's eh nit auf da londkortn findn
also kennen ma ins beruhigt zruckloanen.

killi

 

[AgainstAuthoriy]

servas!
@killi: i glaub a net, doss der bush wass wo der irak is - oit oiso ka problem sei den iran auzugreifn ^^

owa wir hobn jo eh die uss fred sinowatz - btw der bush mog den arni jo eh soo gern, do passiert nix

 

[Ungust]

Mo'ään!

Servas killi, fein dossd a wieda amoi einischaust . wonn bei mia es semesta a scho voabei warad des waa wos, leida muasi no anahoib wochn gas gebm, bis i mein wohlverdienten urlaub noch azerotz ontreten ko - wos wow ongeht griagt da ausdruck "bezoita urlaub" a gonz neiche bedeutung .

@bush: voam dabbelju samma sicha glaubi, bis dea aussagfundn hot wo österreich auf da koatn liegt is sei omtszeit hoffentlich voabei .

 

[Ginseng]

naja tirol isch gott sei dank zu kloan,keat hat er davun a nu nit und überhaupt hat er's eh nit auf da londkortn findn
also kennen ma ins beruhigt zruckloanen.

killi

außadem homma de schützn, do kennen de amis einpockn

 

[19maggo81]

jawoll!und dazua nu insre schneidign maketenderinnen.de amis werdn mit de ohrn wackln,wenns a paar schnäple intus habn! de treffn dann nix mehr

bled werd lei,wenn da arni da nexte präsi werd,der woas nochant,wo mia sein!


killi

 

[Ginseng]

morgn

jo wegn em arnold dadad i ma kane sorgn mochn, wonn der amoi aufn gschmock mit da todesstroffn kemmen isch interessiert er sich nimma fia uns, höchstns no fia an apflschtrudl

 

[Sandy019]

aber er hat in terminator 4 noch eine nebenrolle

nunja, geht wer mit mir aufs tocotronic konzert in da wiena arena ? hab a kartn, aber es findet sich kein toco fan in meinem freundeskreis ~~

btw : ich weigere mich, im vollkommenen dialekt zu schreiben !

 

[modificator]

außadem homma de schützn, do kennen de amis einpockn

und unsere eurofighter!!

 

[19maggo81]

bitte des heisst Teurofighter!

(übrigens Guten Morgen alle zusammen!)

 

[Goldbergus2]

Moin, Rasslbande!

I möd mi z'ruck. Bin soweit wiederhergstölld dass i wieder postn kann ... und im Büro sitzn (In der Reihenfoige *hrhr)

Oiso wer i sche laungsam moi nachlesn, wöcha grobe Unfug do wieda vazapft wurn is ... und mitm Ginsi sein fang i aun *hrhr* ...

morgn

oiso extrawurscht oda nit, es geht ma auf die nervn - i denk es wär medizinisch a großa fortschritt wonn ma den hois vom körper entfernen kunnt...donn ging a endlich de rollkragnindustrie en bach abi

Ginsi, des gibts scho laung, de medizinische Meglichkeit den Hois vom Körpa zu trennan ...

Die Guillotine (auch Fallbeil) ist ein nach Joseph-Ignace Guillotin (* 28. Mai 1738 Saintes † 26. März 1814, französischer Arzt und Politiker) benanntes Gerät ... usw usw usw ...



Gruß

Gold

 

[Ginseng]

morgn

@joe: wonn wean ned so weit warad...

@eurofighter: oiso wonn ma em neichn spiegl glaubn darf nochand san unsre schützn mit ihre oidn flintn no de bessare luftwaffn #2

@goldi: donkschean, i denk wia imma nit on es naheliegende - mei anzige sorgn isch, wia ma noch em eingriff en schädl wida auf de schuitern kriag

 

[modificator]

@eurofighter: mid de draken??? do is echt jeder flieger besser! i hed denkt, das da spiegel fachberichte schreibt!!

@ginseng: mid an rollkragenpulli bleibt da kopf noch da operation auf de schultern!! oiso host sowieso ka chance gegen de rollkragenlobby!!

 

[19maggo81]

morgään!alles antraten zur verteidigung von heimat und vaterland!
de letzn zoa seitn sein ja echt a hetz
aber des mit de eurofighter scheint echt zu stimmen.preis/leistung zum grausen.bled a,wenn ma woas,dass ma a angebot von de russn koppt hattn,die niglnaglnein SU's (suchoi oder so) zu kaufn.habn im test ziemlich guat abgschnittn aber sein ja nit NATO konform!!! uuuhhh!!! und mit de ersatzteile war a koan problem gwesn,weil de russn wolltn im burgnland a werk aufmachn,wärn wieder arbeitsplätz gwesn aber die schwarzn wolln ins ja unbedingt die neutralität wegnehmen und ins in de natotruppn eingliedern.dabei habn ma so a guats image durch insre UNO einsätz und wasseraufbereitungen usw....
traurig des ganze.


killi

 

[AgainstAuthoriy]

des gaunze heer is traurig.. a so a trottl varein is a einmalig
und EUrofighter... laungsom geht ma ollas wos mit EU aufaungt am nerv - oba 2005 müss ma jo feiern, weil ma scho so "laung" dabei sand ... grml

btw: so wieder an fetzen auf a schularbeit kassiert ---> 5 im hoibjohr

 

[Rexxxar]

*auchmalwiederreinschau*

hallo

 

[Ungust]

Mo'ään!

2 Prüfungen erledigt, bleibm 3. es lernen geht ma dermossn am oasch sogi eich .

@eurofighter: homma des klump jetz eigentlich scho kauft oda wiad do no oiweu herumvahondlt und protestiat?

@goldi: noch da drittn seitn auferstanden von den toten, servas

sunst gehi wieda lerna, in 6 tog bini a freia monn .

 

[Ginseng]

morgn

gratz ungust , beileid aa

 

[19maggo81]

morgn alle miteinander!
AA:semml des isch traurig!kopf hoch und im nägstn hlabn jahr ausbessan!
GINSENG: servaas!na wos geat bei dir?wo bishc denn du eigentlich imma untawegs beim ausgian?

griatz killi

 

[Goldbergus2]

Mahlzeit!

Das ned wieda hassd dass i mi ned riah:

1.: I leb no.

2.: Wos do so riacht bin ned i.

3.:

@goldi: donkschean, i denk wia imma nit on es naheliegende - mei anzige sorgn isch, wia ma noch em eingriff en schädl wida auf de schuitern kriag

Des host aa ned erwähnt dasd des aa wieda wüüst ... *hrhr* ...

(...) die niglnaglnein SU's (suchoi oder so) zu kaufn.habn im test ziemlich guat abgschnittn aber sein ja nit NATO konform!!! (...)

MiG 29 Nato-Code "Fulcrum".

<-- Maschine aus DDR-Bestand.

Mikojan-Gurewitsch (МиГ, MiG, heute Russian Aircraft Corporation (RAC) MiG) ist ein russischer, ehemals sowjetischer Militärflugzeughersteller. Die Firma ist spezialisiert auf Jagdflugzeuge.

Bis späda

 

[Borkenkaefer]

So griaß eng wiedamoi.
Sche longsom gengan ma de Tricks aus. I hob gestern vorm schlofa geh a Stickl Schokolad in a Mausfoin gebm. Jetzt schau i noch, is des Stickl weg und Maus is a kane drin

@AA: Des kenn i a guat aus meiner Schuizeit, owa des zweite hoibjoah homs jo eh erfunden um des erste auszubessern.

@Ungust: Des hert se sche au, i wünsch da fia de letzte a nu a wengal a Glick und fü Können.