Der "Wer ist Österreicher"-Thread - winntetsch quasi und rundumadum ogstaubt

[Borkenkaefer]

Haha, des stimmt. i woa ma jo sicher das noch da Woi da Faymann weg is. und donn lest nur ausreden und blabla. des wirkt so wie des Kind, des se de augn zuahoit und sogt: siagst mi eh ned.

 

[Estragon47]

da muas i imma and Tagespresse denga...

+++ Faymann schließt Rücktritt aus: "Der Kapitän verlässt das sinkende Schiff zuletzt" +++

 

[Ginseng]

des isch wenigschtns topfa, ned so wia der oane kapitän von der coschta concordia - vielleicht heuert der werna jo doch no maritim wo o, a bissl seeräuberromantik schnuppan

anti-dopplposcht-edit: wernaaaaaa

 

[Borkenkaefer]

na endli. jetztn miassns hoit nur an findn der de Partei frisch mocht.

 

[Ginseng]

genau. hosch du demnächscht wos vor?

 

[Borkenkaefer]

jo, leida, i hob scho an Job gfundn und orbeit seit 2.mai.
Sunst hätt i mi eh beworben.

i hoff jo das da kern wird, im glauben das a Manager der ned in da Politik groß wordn is, erna de wadln viere richt.
Fia a fundierte Meinung kenn i erm zweng.

 

[Estragon47]

jo kinnt guad geh
i find zb a in schelling voi ok (oiso jetzt ois vergleich dazua ois ana dea ned duach a parteibiachl minister wordn is) - i warad sowieso moi fia a experten-regierung

 

[Ginseng]

es sog scho vü üwa unsare politik, wonn olle happy san, wonn oane "von außn" daherkimmt (wobei außn a a elastischa begriff isch)

owa vielleicht soit ma en werna do eina einlodn, weil zeit hot er jetzat jo a bissl

 

[Borkenkaefer]

i bin scho gsponnt wos a nocha fian Job kriagt. Vielleicht fohrt a jo bis zur Pension nu a wengal Taxi.

eilondn kennt man a, do konn a donn amoi ehrlich erzöhn wos a vo sein nochfolga hoit.

 

[Estragon47]

oda ea mocht amoi sei jusstudium featig - desa jo "ogfongt" hod

 

[Ginseng]

so, jetzat wead ois guat, da kern hot an guatn kern und bringt ois auf schiene (mei so vü luschtig kunntma sein)

und wonns en vdb und en hofer a poor minutn länger hättn hockn lossn, oana warad sicha no üwan tisch eam ondan an die gurgl ghupft

 

[Borkenkaefer]

I hobs ma zum glick ned ogschaut, des fernseh"Duell". Und scheinboa hob i nix produktives vasamt

De Rede vom Kern hingegn woa scho erstgleisig

 

[Estragon47]

s duell woa da Hamma unglaublich tiefgründig

wos fia a rede vom Kern? muas i a nu oschaun

 

[Ginseng]

unta uns, jetzat isch donn a wiada gnuag mim wohlkompf, ma redt jo kaum mehr übers wetter.

@bk, wie ischsn in da donauchemü?

 

[Borkenkaefer]

Morgn hob i de dritte wochn scho gschofft. Und bis jetzt gfoits ma sehr guad.

Des anzige wos mi stört is, dass i mir ned scho friara so an Job gsuacht hob.

 

[Estragon47]

wos mochst leicht grod?

 

[Ginseng]

des dad mi a interessiern

so, murgn ischs vorbei, so oder so, zeit wirds.

 

[Borkenkaefer]

IT Support Engineer hast mei Orbeit. Oiso schauen das de PCs in da Firma rennan.

Es is do nu ned vorbei, erst morgn, wias ausschaut.

 

[Ginseng]

meine nervn hebn des nimma. i hon scho a nie hc gspüt, owa des, meimei

 

[Estragon47]

jo - wos woa des vorher moi...
60,2% braucht da VdB bei den Zettln... bei am Zwischenstand wora bei 60,4%
wieso kinans mi ned erlösn