Der "Wer ist Österreicher"-Thread - winntetsch quasi und rundumadum ogstaubt

[Ginseng]

wer hättn des docht, dass heit a regn kimmt. überroschungen am laffendn meter.

 

[Borkenkaefer]

Owa so schiach draussn.

Gestern woa da Rauchfangkehrer bei mir, danoch hob i an neichen Job kriagt und den Ingenieurstitel.
Do soi nu amoi wer behaupten de Rauchfangkehrer bringen ka Glick

 

[Ginseng]

jo des isch jo amoi lässig, gz her inschenieur bk , gfreit mi - wos mochsch jetzat?

 

[Borkenkaefer]

Was i nu ned, fong erst mit 2. Mai on
Beworben hab i mi für Servicedesk bei da Donauchemie.

ajo und : https://www.youtube.com/watch?v=IUDAVgSiru8
obwohl, eigentlich nur zruck in niederösterreich

 

[Ginseng]

ah, supa, do tank i imma wieda, wonn i aufs lond fohr

haha, supa, des hon i scho long nimma gsehn - und jo, sie isch in schlagweite. wos da neiche tuat, do bin i ma a no ned sicha.

 

[Borkenkaefer]

hob goa ned gwußt das de a tankstö a hom. i werd donn im 3. beim schworznbergplotz sitzn, durt homs koane

oiso, i erwort nix guads vom sobotka. weil 1. övp 2.musiklehrer und 3. dem göd vo nö hot a a ned guad do.
obwohl, eigentli braucht a nur de gonze zeit sogn: de grenzn moch ma zua. und scho mocht a sei orbeit genau so guad wia de hanni.

 

[Estragon47]

geleck den thread hob i echt übaseng
owa wie i siag hobts eh brav dstöllung ghoidn

na wie gehts wie stehts? wos hob i vaposst?

 

[Ginseng]

na wia komma sowos lei üwasechn

vapassn tuasch do harinnen ollaweil an haufn, do woas i gor ned wo i ofongen soi - also na, ned wirklich.

@bk: treffend analysiert, di hockma no in die zib

 

[Estragon47]

wobeis eh bowidl is wea do jetzad sitzt - san eh ois de gleichn waffal...
so wia beim BP- 6 Kandidatn und san olle wie pest und cholera

 

[Borkenkaefer]

Ah wos, beim BP is afoch. Der braucht nur a Rückgrat, so das ma se seine Reden ohern ko und er muass wos gleichschauen, fia de Staatsbesuche.

Schen dasd hergfundn host, Estragon

 

[Estragon47]

daungsche ^^
do stimm i da scho zua - oba...

gleichschaun is scho bei olle ned so gaunz vorhandn...
a bissl gscheit vatretn soid er doch a kina... und ned zu krasse ansichtn habn... und eig a unabhängig sei, damit ea d Regierung kontrolliern kinnt...
vo dahea mei Meinung:
Griss: najo...wenigstens unabhängig - owa des woas a scho ^^
Hofer: FPÖ, und a bissl krasse Ansichtn teilweise - so wia bei da Homo-Ehe oder so... oiso der is gfüht scho a rechta Hardliner... woas ned ob dea dann wiakli wos daugt... owa er is zumindest nu ned in/an da Pension - wos scho wiada positiv warad
Hundstorfer: SPÖ, und ehrlich gsogt a gscheid fade gestoit... und Kontrolle der Regierung passiat da sicha ned
Kohl: naja ogseng vo da Partei is eh s gleiche wie beim Hundstorfer - und iwie hob i bei seine Redn s Gfüh er bricht glei zaum... (owa lad duat er ma wei er iwie vo da ÖVP im Stich lossn wordn is...)
Lugner: wenn si der a wengam auskenna würd und ausdruckn kinnt
Van der Bellen: hod si fia mi eig scho deshoib disqualifiziert, wei er mant er is unabhängig, is aba nu imma Mitglied bei de Greanen und hod a sei finanzierung vo erna... und das er (a wenn i ana blaun regierung kritisch gegenüber steh) im Falle des Falles die demokratische Entscheidung des Voiks ned akzeptieren würd, des alla mocht erm iwie ned wählbar...

oiso i woas ned

 

[Ginseng]

oh mei oh mei, erschter poscht auf ana neichn seitn, und glei de griss obn - mei hots mi grissn.

bei ollm wos schreibsch und recht hosch, mi wundat, wie guat de leit es gschofft hom, dem vdb de "missachtung vom wählerwilln" umzumhängen. i moan, mia wähln koa regierung, lei a partei, und solong de ned mehr als 50% hot, gibs holt a a mehrheit dagegn. wonn sich de partein amoi festlegn dadn und sogn, mia tuan nochand fix so koaliern, nochand guat, owa sunsch gwinnt eh lei der, der des gschickta mocht.

 

[Estragon47]

najo owa a wauns so warad dass si blau und schwoaz zam duan wüadn und damit auf über 50% kamadn wüad er in Strache jo ned als Kanzler angelobn - und des find i hoit a ned richtig - i man ned dass er miasad - owa is bei uns hoit gang und gebe (aus i deng guadm Grund) das da BP noch da NR-Woi da stimmenstäaksten Partei n Auftrog zua Büdung vo ana Regiarung gibt...
owa najo - wie gsogt, i finds sowieso deppad das ma am Suntog a Partei wöhn und ned Leid die unabhängig san - wei auf des wiads aussa rena...

 

[Borkenkaefer]

Gwöht wiad eh ka Partei, sondern eben da Bp. Scho alane deshoib weil da Einfluss vom Bp begrenzt is.
Nur de Parteien blossn des so auf, weil hoit des Ergebnis a zagt, wiavü Rückhoit de Parteien in da Bevölkerung hom.

A BP der wos wos geng den Rechtsruck mocht, is eigentlich des optimale. Vorollem wenn ers vor der Wahl erhlich sogt, weil do was a jeder wos a wählt. Erst gestern hob i ma durchglesn wia de Rolle vom BP und dem Rest der Regierung vorm Anschluss woa.

 

[Estragon47]

drum a unabhängiga der si nix scheißt wennst am Ständestaat ospüst ^^

 

[Ginseng]

sodala, homma des jetzat braucht? i moan es lebn zwischn austehn und schloffngehn isch eh scho so aufregend und auf-regend gnuag. meimeimei.

 

[Estragon47]

wird eh da VDB - da bin i ma sicha ^^
hob nua angst dass auf amoi jeda denkt a da VDB wirds eh fix, da brauch i ned geh...

owa sunst moch i ma koane Soagn...

i moan i mog in VDB eig übahaupt ned - owa a Blaua Präsi is halt a ned wiakli des göbe vom Ei...

 

[Borkenkaefer]

Des göbe vom Ei? Eher a blaus Aug.
Jetztn miassn hoit de "afochn" Leit des blaue Wunder verhindern. De Groko is jo zu unfähig dafia.

 

[Estragon47]

najo owa waun i ehrlich sei derf...

in vdb wü i ned wöhn...
aber in hofer kau ma ned wöhn...

-.-

 

[Ginseng]

mia wähler san a a schwierigs völkele, so richtig zfriedn samma nia

i bin jo gsponnt, obs da faymann üwalebt, wobei heit homs eh so richtig gsogt, er hot scho amoi en gusi ogsaglt, deswegn woas er, wia ma sich hoitet