Der "Wer ist Österreicher"-Thread - winntetsch quasi und rundumadum ogstaubt

[Ungust]

Clickerheroes is glaubi in der tat a krankheit. in da oabeit spüns des a, owa vermutlich kennans des als rechcherche durchgehen lossn .
Des mit de spiele is leider a bissi weniger romantisch ois sis onhoacht, sprich i moch leider ka super tolles indieprojekt des da traum meiner schlaflosen nächte woa. stattdessen mochi mobile/casual zeigs bei sproing, des is a größerer developer in wien. des letzte spü vo mir des rauskommen is woa panzertactics hd, aktuell oabeiti an am mobile game über desi nix sogn deaf bis heraussen is (nexts joa irgendwann). des is a ane vo de nachteile an der sache, du tuast jahrelang o wos herum und deafstas kam dazöhn .
alles in allem is es a lustige gschichte, a wonnst net genau die spiele mochst diest söwa spün daradst. immerhin lebi jetzt davon dossi mit leit diskutier wüvü soldaten in ana virtuellen schlocht sterben dürfen oder wie sehr si a bonusitem zamstaucht wenns am bodn foit .

"privat" hobi long dota2 gspüt, des is jetzt eher weniger wegen dem sohn, da habi wieder zu spiele mit pauseknopf gewechselt . witcher3 hobi letztens fertiggspüt, des woa scho super.

@Ginseng: des letzte wosi mi erinnern kann ist doss du in innsbruck gwohnt host . Owa mit den hinweisen "donau" und "ubahn" muasi fost inferieren dass du jetzt a in da bundeshauptstodt residierst?

@bk: oaje, des klingt jo fost noch ana mid/quarter/third life crisis. owa wias in china sogn, jede krise is a chance - und wonns nua is doss ma auf amoi mehr zeit hot .

 

[Ungust]

ajo und bam hobi no kan pflonzt, i hob jo net amoi an balkon .
Buach hobi scho gschrieben wonn mei diss zählt, de würdi aber keinem je zu lesen empfehlen .

 

[Ginseng]

ah des mit da recherche hot in dem beruf natürlich vorteile, gschickt, gschickt. und i muas zuagebn, de österreichische entwicklungsbranche hot si bisher eher vor mir vasteckt, owa jetzat schwillt mei bruscht natürlich a mit stoiz, wos mia (mia nämlich ) olls leischtn. austria is not too small country to make good games.

omeiomei, echt no innschbrooklyn? na des hot si a scho seit boid zehn johr valogern ongfongen, owa i tua meine berg scho imma no fleißig bsuachen. owa kollege ungust, sie inferieren korrekt. umgekehrt schließ i aus "i hob jo net amoi an balkon", dass du a ned aus da stodt aussi bisch

 

[Borkenkaefer]

Ha, hob ma a PanzertacticsHD Video amoi ogschaut. Im Grund eh gonz lässig. Owa de "Introvideos" san gfeanzt, do wiad des Spü imma vü schena und sponnender dorgstöd. Is bei sowos eigentli a Marketing Obteilung involviert?
Und das a Spü erst in an Joa fertig is, is des ned a zach?

@crisis: bei de kommendn lebenserwortungen würd i sogn a third crisis. Owa i hob imma glaubt, des is wenn ma se an Sportwogn kafft und a junge Freindin hot

@Wohnsitz: Ginseng, wennst om End vo da U2 wohnst, woa i do vor 3 Wochn amoi. Mein Cousin ghert do de Buchhondlung, den hob i bsucht. Do foahrst gonz sche long ausse.

 

[Ginseng]

@bk: gonz so weit draußn bin i dann doch nitta, so a 20 minutn brauch i eini mit da ubahn. des isch pockboar, a wonns mim third-life-crisis-sportwogn schnella gangat

 

[Ungust]

jo, de promovideos wern halt extra gmacht doss des spiel a bissi besser ausschaut. PanzertacticsHD selber woa hoit eher a lowbudget projekt, demnach vo da präsentation net mords überwältigend - aber prinzipiell ganz lustig zum spielen (und machen).
es gibt a poa pthd videos auf youtube, sensationell is so a letsplayer der am schluss von seim video nimmer waas wies spiel haast ("ääh panzertraffic" ).

bei mir wirds scho eng mit da thirdlife crisis - wanns net boid onfongt muasi mindestens 99 wern dass si des ausgeht . owa i ko ma scho amoi überlegen wos leichter zu maintainen is - a freindin mit frau und kleinkind oder a sportwagen mitten in der stodt ohne parkplatz .

@ginseng: jo i bin in der tat zum ottakringer geworden. es hätt schlimmer kommen können - wenn ma vo da gentrifizierung zvü hipster unterkommen kanni immer in die lugner city gehn und ma de prolos anschaun .

 

[Ginseng]

es muas jo a ned a thirdlife crisis sein, im grund hosch olle zahlnkombis zur auswoi - und de quasi garantie, doss es boid donn a a pulverl gegn de xy-life crisis gib

apropos versorgung, stimmt des eh, doss ma in ottakring von da brauerei freihaus versorgt wird, fia an bedingungslosn grundspiegl? des munklt ma zmindesch da harübn üwa da donau, und olle wean gonz ruhig und kriagn große augn, wonn ma sogt, ma kennt wen von durtn

 

[Borkenkaefer]

Wos ho i ghert? A Pulverl gibt's dagegn? Des brauch i a. Wie ohne Sportwogn und junger Frau is so a Crisis hoit a ned des wohre

@16. i glaub des gerücht is nur deshoib entstondn, wei dort imma olle dauernd bsoffn san. i woas des, wei i glei an Bezirk drunter wohn und an kenn ausn 16.

 

[Ginseng]

vafluacht, bin i in de folsche richtung zogn

 

[Borkenkaefer]

Jo, i moa a. Oda in de richtige, je nochdem ob ma auf de Gsundheit schaut.

Ma, the man in the high Castle is gonz sche gruselig.

 

[Ginseng]

awoll, konn des wos?

mei leitln, bevors ernscht wird, schiane weihnochtn und a bravs christkindl (vielleicht bringts den sportwogn inklusive parkplotz) und krisnfreie tog

 

[Borkenkaefer]

Jo, is guad gmocht. Und de Idee is grauslich. Oiso ned de vom bravn christkindl, sondern bei the man in the high Castle

i hob weihnochtn scho om sonntog hinter mi brocht.
Wünsch eich owa a schene Weihnochtn und entsponnte Verwondte

 

[Ginseng]

sodala, alls guat überstandn, gmiatlich und kalorienreich wors. jetz hoffma no auf a entsprechende fortsetzung, hauptsächlich vom gmiatlich.

 

[Borkenkaefer]

jo genau, weil des kalorienreiche muass i ma söwa kochn
Und des passt jo donn fost nimma mitn gmiatlich zsom

 

[Stolperhannes]

Hmpf, heit miggerechter wadndee! Widnhufnten alldaunrd des ded. Demm denext. Doit dawahre häfft hui woss wekklisch guad. Moin merrn merr des hädn guad. Nissse häff!

Sassde frache?

 

[Ginseng]

@stolperer: jo, genau mei meinung

ansinschtn, i tua mi amal a bissl entschuldign, i mach a runde urlaub und kimm donn im jänner wieder daher. vü spaß daweil und kemmts guat ummi.

 

[Borkenkaefer]

Mei fein, an schen Urlaub wünsch i da Ginseng. Wo geht's hi? I hoff dort gibt's a wetter wos zu ort und johreszeit passt

 

[Ginseng]

vagellts gott, bk, und do bin i eh scho wieda. de sochn gehn imma erstaunlich schnö vorbei. i woa in vietnam, es wetter hot passt und sonsch a ois. netts landl, owa stressige stadtelen.

du hosch ois guat üwastondn, von de feiertog bis zum neichn johr und no weita?

 

[Borkenkaefer]

Wenn i on Vietnam denk, foit ma ois erstas imma "grea" ei. Darbüba das durt a a Stodt gibt, hob i glaub i, nia nochdocht. Owa guad das i des jetztn a was. Wia woa des Grea so?

Joa, i hob ois guad übastondn und es ko nua bessa werdn.

 

[Ginseng]

woll, de hom scho a poor stadtelen, saigon/ho chi minh hot eppa so vü leit wie österreich. und es grian isch scho schian, gibs a in da variante tief- wie hochland mit vü bama. a bissl meer gibs a, durchaus a gmiatlichs eckele. und wider erwortn gor ned so vü touristn.

wie weit bischn scho bei clicker heroes? i bin jetzat in gemcraft einikippt, des hon i scho ollaweil als flash gspüt, owa im steam ischs quasi die ultimo-edition fia mi.