Der "Wer ist Österreicher"-Thread - winntetsch quasi und rundumadum ogstaubt

[Borkenkaefer]

bei clicker heroes kriag i jetztn so ca 4mio souls bei an run. Owa des geht hoit ois voi longsom.
Gemcraft hob i domois a de browserversion durchgspüd, des is scho a lässigs towadefense.

ajo, Saigon sogt ma a wos vo de füma

 

[Ginseng]

irgendwü klingt des volle vü, gz

jo, genau des isch des - und do hots 30+ ghobt, brauch i jetzat a ned, owa da sprung auf de minus irgendwos mocht mi grod a bissl fertig.

 

[Borkenkaefer]

Haha, des glaub i da. Owa mir taugt des koide Wedda a ned und i hob kane so wärmenden Erinnerungen

Jo, und wos is scho vü bei Clickerheroes. Irgendwia nervt mi des Spü, es geht ois sooo longsom und trotzdem schoit is imma wieda ei. So wia der Typ der den Sta jedes moi wieda aufn Berg aufezaht, nur damit er erm beim oweroin zuaschaun ko.

 

[Ungust]

Ha, jetzt hätti noch dem familienwahnsinn von weihnochtsurlaub fost vagessen do wieda wos einischreiben - owa zum glick nua fost . Wonn I dieses - fia meine Verhältnisse - Kampfposten aufrecht hoit, schoffis jo no zum drittgrößten contributor in dem thread .

 

[Ginseng]

des isch a untrüglichs zeichn, doss ned de gonze vernunft an keksln und eierlikör valurn hosch - gogo, de bronzane isch scho graviert fia di ungust

@bk: des gib dem gonzn spü scho fost wida philosophische züge, wonn des spü mit gleichmut dapacksch, nachernd bisch em nirvana wohrscheinlich a eckerl nächer.

schaugt eigentlich wer von enk the expanse? i bin ma no unschlüssig, ob i des guat find.

 

[Borkenkaefer]

sogt ma goa nix, the expanse. werd i owa glei auf mei listn setztn, i bin wia imma auf da suche noch wos neichn (und om bestn a gscheidn)
Wos i ned empfehln ko is: Beowulf und z nations

@ungust: sche dasd wieda zu uns gfundn host, und wia neman die a jedesmoi wieda wia an valurenen sohn auf

edit: hearst, do gibt's jo a erst zwa UT folgen. Owa bis jetztn gfoits ma gonz guad.

 

[Ginseng]

donkschian, de negativ-auswoi isch praktisch.

wos san den ut-folgn? wonnd expanse moansch, do san scho siebene oder achte heraussn.

 

[Borkenkaefer]

UnterTitelfolgn. Do gibt's erst zwa vo de expanse.
Gestern bin i draufkumma, das vo hellonwheels 5.staffel, se de untertitelfolgen unter de rein englischn gmischt hom, jetzt ko i do a endlich weida schaun

 

[Ginseng]

ah, i bin a a unwissender. owa donkschian, jetzat nimma gonz so.

des isch des eisnbohngschichtl, oder? kann des wos?

the americans hon i a amoi probiert vor a poor wochn, hot si guat onglossn, owa i bin irgendwie draußkemmen (weniger wegn da serie, mehr wegn mir).

 

[Borkenkaefer]

the americans find i sehr super, vorollem des Setting vo de 80er johr, homs echt super gmocht. Leider gibt's do de gonze 3.staffel nur in original. und do kriag i imma vü zweng vo da Gschicht mit.

Hell on Wheels is de beste Western Serie in meine Augn. Geniale Figuren, sponnende Gschichtn, optimale Schauspiela. Wenn an Western gfoit, muass ma de Serie seng.

 

[Ginseng]

ah, guat, donn schaug i do amoi eine.

apropos eineschaugn, d3 hot offenbor a wida an gscheidn patch kriagt, de buaschn tuan do ned nochlossn.

 

[Borkenkaefer]

Aha, zufällig hot MarvelHeroes a grod fias Rebranding (des hast jetztn MarvelHeroes 2016) a riesen Update brocht. Mit an 10. StoryKapitel und nu ana hondvoll Zeigs.

Soda und i hob ma de Wochn a Woog kaft um mei Gwicht a wengal zu protokoliern. Na, i wü ned onehma, a wengal mehr soits werdn und des om besten ned beim Bauch aktuell steh i bei 57,2kg auf 164cm.

ajo, edit: black sails geht a wieda weida. i hobs grod eigschoitn

 

[Ginseng]

ja mei bua, isch zwenig? so a schnölla kreislauf? so vü kalorienvabrennung bei marvel heroes?

i hon a a olte woog, de zoagt seit johrzehntn es gleiche gwicht o, und i weiger mi onznemmen, doss se hängt.

black sails isch des piratnzeigsl? ko des wos? i hon aus vasehn am wochnend a bissl starcraft gschaugt und spü jetzat a wida a wengal, so mit oan bis zwoa apm

 

[Borkenkaefer]

na, vo de 20min Marvel heroes om tog kimmt des ned, glaub des is veronlogung.

Jo, Blacksails is a Piratenserie. erzöht de vorgschicht vo da Schatzinsel. Konn mMn sehr vü. Kriagt vo mir den erschtn Plotz in da Kategorie "Piratenserien"

 

[Ginseng]

oder zleichte knochn, a a unterschätzts problem.

jetzat hon i ma en neichn tarantino ongschaugt, solids fülmale, owa so gonz vom hocka hot er mi ned gschmissn.

 

[Borkenkaefer]

i hob den a scho gseng. i findn, es is hoit a gonz netter western wordn, ober jo, mi hot a a ned vom hocker ghaut.

Xcom2 is wieder gonz lässig, im grund gleich, owa fia mi vü schwarer und stressiger. a poar minibugs gibt's a, owa de störn ned oarg, zb: stott da pistoin hots aufamoi es gwehr in da hond, selten stiazts spü o.

edit: oasch schwa is, daweil hob i den 2. leichtesten Modus gnumma. und beim lodn vom schnellspeicha stürzts jetzt 3. moi ca ob. nervig.

edit2: so, hob jetztn mitn leichtesten Schwierigkeitsgrad nu amoi ogfonga.

 

[Ginseng]

haha, des gfoit ma, a xcom2-liveticker. und der neichstart a schwierigkeit drunta isch glab i eh a teil des spüs bzw. host damit oans von de rätsl glöst

 

[Borkenkaefer]

I glaubs eh glei, jetzt is des spü ongenehm zum spün. i wü mi do jo ned streßn, dafia brauch i ka spü

The expanse gfoit ma ganz guad, hob ma sogoa 2 foign ohne Untertitel ogschaut.

 

[Ginseng]

des isch guat zum hörn, weil i dad xcom scho a gern spün. owa streß konn i im olta a nimma brauchn

ja halt durch, de letztn folgn hom si aus meiner sicht nochand sehr glohnt. hot ma guat taugt.

 

[Borkenkaefer]

des blede is, bei mir dauert a folge fost doppelt so long, weil i imma "onhoitn, zruckspuln, nu amoi losn" muass, damit i ois versteh wos sogn

edit: und guad das de steam aktion nimma gibt, sunst hät i ma jetztn glott x3 reunion kafft, weil i grod im wödallfieber bin